Gasteizko mugimendu feministak eraso sexisten kontra egin duen lana aldarrikatu du “borrokaz jabetu nahi dutenen” aurrean
Gasteizko Udalak eraso sexisten gaineko politika berriak iragarri eta Zeledonen jaitsierara morez jantzita joateko deia egin ostean, neurri hauei buruz inork ez diela ezer galdegin salatu du mugimendu feministak.
Gasteizko Udalak egunak daramatza eraso sexisten kontrako politika berriak iragartzen, eta Gorka Urtaranek abuztuaren 4ko Zeledonen jaitsierara morez jantzita joateko deia egin du. Besteak beste, informazio stand bat eta 24 orduko arreta zerbitzua eskainiko dute. Gaiarekin loturan, titular asko irakurri ahal izan dira.
Mugimendu feministak, Hala Bediri helarazi dionez, udaletxeak ekimen horretarako ez dituela kontutan hartu salatu du. “Gasteizko Udalak, beste behin, indarkeria sexistaren aurkako borrokaren protagonista izan nahi du; ez dagokion rola izendatzen dio bere buruari. Ez bakarrik mugimendu feministari galdegin barik eta beronekin koordinatu gabe, baizik eta bere burua protagonista izendatuz eta borroka honetaz jabetu nahian”, adierazi dute.
“Txupinazora morez jantzita joateko deia egin eta berdintasun plan berria aurkezten agertzen diren berberak, indarkeria sexistaren kontra mobilizatzera dei egiten duten kartelak jartzeagatik edota manifestazio batean semaforo bat gorriz pasatzeagatik isunak jartzen dituzte”, salatu dute.
Beste erakunde batzuekin koordinatutako lana
Mugimendu feministak “urteak daramatza kalean, etxeetan, ikasgeletan, jaietan, eta beste hainbat eremutan borrokan. Indarkeria sexistaren egiturazko izaera azpimarratuz eta eremu ezberdinetan era intersekzional batean lan eginez”, gogorarazi dute.
Herri mugimendu osoaren lana ere azpimarratu nahi izan dute: “Denbora luzea daramagu, denok batera, eraso sexistarik gabeko jaiak lortzeko lanean. Gure apustua argia da: autodefentsa feminista erabiliz, indarkeria heteropatriarkalaren forma guztiei erantzuten jarraituko dugu. Soilik horrela lortuko ditugu emakume, bollera eta trans guztien gozamenerako jai libreak”. Azpimarratzekoa da mugimendu feministak orain urteak hasi zuela jai zein auzo batzorde ezberdinekin eta tabernekin lanketa bateratu bat, erasoei aurre egin eta hauei era bateratuan erantzuteko.
Abuztuaren 4an morez jantzita joateko deiaren aurrean, gogorarazi dute emakumeek urte askotan egin izan dituztela txupinazora elkarrekin joateko kalejirak, erasoen kontrako eta autodefentsa feministaren aldeko lemekin. Horren adierazle, 2016an zabaldutako pankarta erraldoia.
Emakumeen tokia aldarrikatzeko ordua
Mugimendu feministak bere tokia izango du, aurten ere, abuztuaren 3tik 9ra unibertsitate campusean mantenduko diren Gasteizko Txosnetan. Egun horietako bat, abuztuaren 8a, Egun Feminista izango da: marianitadak, ohiko herri bazkariak eta ekitaldi batek emango diote forma egunari. Egun horretako zuzeneko guztiak emakumez osatutako taldeek emango dituzte, eta mugimendu feministatik “gozatzeko, hitzorduarekin bat egiteko eta jai eremuetan ere gure espazioa aldarrikatzeko” deia egin dute.
Aurrerago, jaietarako prestatuko duten protokoloari buruz xehetasun gehiago emango dituzte agerraldi baten bidez. Bitartean, jai batzorde ugarirekin koordinazio lanean, auzoetako jaietan ere eraso sexisten kontrako telefonoa martxan izango dutela gogorarazi dute.
* Auzoetako eta hiriko jaietan, Gasteizko mugimendu feministak eraso sexistak salatzeko telefono zenbaki bat izango du 24 orduz martxan: 688 744 411
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Ipar Euskal Herriko lehen Emakumeen Etxeak ateak zabalduko ditu ondoko hilabeteetan Urruñan. Ostegunean, ekainaren 27an, ukan dute sorrera finkatzeko biltzar nagusia eta horren berri eman digu Véronique de la Devèze militante feministak.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Aktibista intersexa* eta DJa da Marikarmen Free (Baena, Espainia,1984). 2003. urtean sistema psikiatrikoaren kontrako borrokan hasi zen, eta gaur egun bide beretik doa Insania kolektibokoekin. Martxoan, Iruñeko Katakraken egindako “Zapalkuntza psikiatrikoa eta... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Mallorca, 1968. Joana Maria Escartin historialaria jaio zen. 1989an esklerosi anizkoitza diagnostikatu zioten eta joan den maiatzaren 30ean hil zen jaioterrian, 56 urte zituela, hain zuzen, esklerosi anizkoitzaren nazioarteko egunean.
Ikasketak UIBn (Universitat de les Illes... [+]
Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]