Gasteizko Michelingo langileek estatu mailako enpresa batzordea uztea bozkatu dute
Erreferendumean bozkatu dute estatuko mailako zentroen arteko batzordean mantendu edo alde egitea, eta azken aukera horren alde egin du langileen %51ak. Hemendik aurrera Gasteizko Michelingo enpresa batzordeak bere kabuz negoziatuko ditu bere lan baldintzak. Michelingoa Arabako bigarren enpresarik handiena da langile kopuruan, Mercedesen atzetik.
Gaur arte Lasarte-Oriakoa (Gipuzkoa) zen, Michelin multinazionalak Espainiako Estatuan dituen lantegietatik, zentroen arteko batzordetik kanpo zegoen bakarra. Gasteizko lantegia batu zaio orain. Azken egunetan bozkatu dute erabakia Gasteizko langileek, eta asteartean ezagutu da erreferendumaren emaitza: 3.443 langiletik 2.405ek bozkatu dute (%69,85); 1.237 irteeraren alde daude (%51,43) eta 1.143 aurka (%47,52). Gasteizko langileek zentroen arteko batzorde horretan negoziatzen zituzten sindikatuek multinazionalarekin, baina orain negoziazio marko propioa izango dute.
Irabazleak eta galtzaileak
Enpresa Gasteizko lantegia zentroen arteko batzordean mantentzea babestu du. Iragan astean, hain zuzen ere, multinazionalaren zuzendaritzak iragarri zuen lantegiaren ekoizpena murrizteko asmoa zuela, langileekiko zuen “konfiantza faltagatik”. Irtetearen alde egin duten ELA, LAB eta ESK sindikatuek salatu zuten zuzendaritzaren iragarpenaren helburua langileak “beldurtzea” eta erreferendumaren emaitzak “baldintzatzea” zela. UGT, CCOO eta CSIF sindikatuek estatu mailako markoan mantentzearen alde egin dute. Gogoratu behar da ekainean lau greba egun egin zituztela Gasteizko lantegiko langileek lan hitzarmena berritzeko: zuzendaritzaren proposamenaren aurka egin zuten Gasteizko langileek, baina zentroen arteko batzordean onartu egin zen.
"Gasteizko lantegian lan egiten duten pertsonak izango dira beren lan baldintzak nola arautzen diren erabakiko dutenak, eta ez zentroen arteko batzorde bat, non Arabako lan zentroaren errealitatea indargabetuta geratzen den enpresaren aldeko gehiengoekin", adierazi du Labek, langileak emaitzagatik zoriontzearekin batera. "Erreferendumak agerian utzi du Gasteizko Michelingo lantegiak hemen negoziatu nahi duela eta negoziatu behar duela bere hitzarmena. Lehen urratsa baino ez da lan baldintza hobeak bilatzeko eta eskubideak berreskuratzeko", adierazi du ELAk.
Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k, STEILASek, EHNEk, Etxaldek eta CGTk Iruñean eta Donostian.
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]