Ekainaren 15ean hasiko den zazpi gazteren aurkako epaiketa salatzeko mobilizazioa egingo du Ernai gazte antolakundeak hilaren 4an. Gasteizko Legebiltzarraren atariraino eraman dute "gazte borrokaren" aldarria.
Gasteizko Legebiltzarrean hilabeteko azken plenoa egiten ari zirela sarrera aurrean eserialdia egin dute Ernai gazte antolakundeko hamarnaka gaztek, trafikoa oztopatuz. Ekainaren 4ko mobilizaziorako deia egin dute eta plenoan bilduta zeuden agintarienganaino eraman dute bizitza duinen aldeko borrokaren aldarria.
Gazte borrokak merezi du. Gasteizko Legebiltzarreko atarian eserialdia egin dugu gazteontzako bizitza duinak borrokatzea delitua ez dela aldarikatzeko. Kaleak hartzen jarraituko dugu,#EzGaituzueGeldituko ?
— Ernai (@ernaigazte) May 26, 2022
Ekainaren 4an, denok Bilbora! pic.twitter.com/d71QOGLVP4
Izan ere, ekainaren 15ean joan den urteko maiatzean Bilbon atxilotu zituzten zazpi gazteen aurkako epaiketa hasiko da. Gazteen egoera salatzeko mobilizazioa egin zuen egun horretan Ernaik Bizkaiko hiriburuan, eta Sabin Etxearen inguruan Ertzaintza gazteen aurka oldartu eta zazpi gazte atxilotu zituzten. Bestalde, bi pertsona ospitalean artatu behar izan zituzten.
Epaiketa salatzeko eta gazteei elkartasuna adierazteko, ekainaren 4ean, larunbata, mobilizazioa antolatu du gazte antolakundeak. 17:30ean abiatuko da manifestazioa Bilboko Plaza Eliptikotik.
Atxilotutako zazpi gazteen aurka hamabi eta hemezortzi hilabete bitarteko kartzela-zigorrak eta 20.000 eurorainoko isun eskaerak egin ditu fiskaltzak.
Gazteen «egoera prekarioa iraultzeko eta bizi baldintza duinak eskuratzeko kaleak hartzea eta borrokatzea dela» gogorarazi dute eserialdian.
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.
Sakea egin zuen Olaia Inziartek ostegun iluntzean Elorrioko Gazte Topagunean. Oronozkoak izan zuen antolatutako kontzertuen karpa txikia irekitzeko ardura. Eta are, txiki geratu zen Ezker Pareta abeslariaren harridurarako. Orduek aurrera egin ahala, baina, indarrak gordetzea... [+]
Martxoaren 2an hamarkada bete du Ernai gazte antolakundeak. 2013an abiatu zuen ezker abertzaleko gazte antolakunde berria, Lizarran, errepresio eta ilegalizazio arotik zetorren belaunaldiak. Egun, ez dago sorrerako inor Ernairen gidaritzan, eta testuinguru politikoak zein... [+]
Gaur errazagoa omen da munduaren amaiera irudikatzea patriarkatuaren eta kapitalismoaren amaiera imajinatzea baino. Hori irakurri nien, beste gauza askoren artean, Eraitz Saezi eta Lur Albizuri Gureak ere badira, desira, boterea, epika liburuan, eta egia da. Espektatiben krisi... [+]
Ostegunean Ernai Gazte Antolakundearen urteurren borobila da. Duela hamar urte, 2013an, Lizarran aurkeztu zen. Egunean zehar ekimenak eginen dira hainbat herrietan. Iruñean, egitarau berezia antolatu dute.
Iaz Gazte Martxa egin zuten Zugarramurditik Elizondora, eta aurten Topagunea egingo dute apirilaren 6tik 9ra Elorrion. Forma edozein delarik ere, eutsi egin nahi dio Ernai gazte antolakundeak komunitatea biltzeko duen “ekimen berezi eta mimatuenari”. Egitarau zabala... [+]
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Autoritateari erresistentzia “larria” eta lesio delituak leporatzeaz gain, kalte ordainei eta bakoitzak zazpi hilabeteko espetxe zigorrei egingo diete aurre.
Performance bateratua egin dute Ernai eta LABek EHUren Bizkaia Aretoaren parean. Euskal Herriko Unibertsitateak ikasleen e-postak Microsoft Office 365era migratu nahi dituela eta horrek ikasleen pribatutasuna kolokan jartzen duela salatu dute besteak beste.