Gasteizko La Vitorianako langileek hitzarmena sinatu dute hobekuntzak lortu ostean
Astearte eguerdian berretsi du langileen asanbladak ELA eta ESK sindikatuetako ordezkariek iragan astean adostutako aurreakordioa. KPIra lotutako soldata igoerak eta bestelako hobekuntzak jaso ditu akordioak. 2023 amaieran eta 2024 hasieran lanuzteak eta mobilizazioak egin zituzten langileek. Asteazkenean epaiketa egingo da kaleratze bat baliogabetzea eskatuz.
“Astebete iraun zuten mobilizazioetan eta bertan antolatutako greben ostean, pas aden astean zuzendaritzarekin lortutako aurreakordioa langileen batzarrean onartu da gaur eguerdian”, dio Esk eta ELA sindikatuek igorri duten prentsa oharra. 2019-2025 aldirako sinatu dute hitzarmena La Vitoriana lantegiko 70 langileek (formalki beste enpresa batekoak diren dozenaka okindegietako langileei ez die eragiten).
“Aurrerapen garrantzitsuak”
“[Hitzarmenak] erosteko ahalmena bermatzen duen soldata igoerak jasotzen ditu, KPIri lotutako igoerekin, %13 ingurukoak, eta plusetan ere hobekuntzekin”, azaldu dute sindikatuek. Neurri gehiago ere lortu dituzte langileek, besteak beste, 600 euroko “konpentsazio ordainsaria” langile guztientzat, 3.000 euroko soldata igoera kategoria baxuenekoentzat, edo hobekuntzak zenbait baimenetan edo ezintasun iragankorretan.
Aldarrikatzen zituzten hobekuntza guztiak ez dituzte eskuratu langileek, sindikatuek aitortu dutenez, baina balorazio baikorra egin dute: “Aurrerapen garrantzitsuak dira prekarietateari aurre egiteko”.
Asteazkenean epaiketa kaleratze baten aurka
Konpondu ez diren gaien artean, antolaketa eta mobilizazio prozesuan zehar enpresak kaleratu dituen langileen egoera dago. “Langile bat kaleratu zuen langileen asanbladan parte hartu eta hurrengo egunean, eta aste honetan kaleratze berri bat egon da. Onartezina da, auzitara jotzea aztertzen ari gara” adierazi zion ESKsindikatuko ordezkari Itsaso Zabaletak ARGIARI elkarrizketan. Hain zuzen ere, asteazkenean epaiketa bat egingo dela jakinarazi dute sindikatuek ohar berdinean, “2023ko abuztuan gertatutako kaleratze baten baliogabetzea eskatzeko”.
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
2018 eta 2020 arteko langileen kotizazioak eskatzen dizkio Glovori Gizarte Segurantzak, 2020an Rider Legea onartu aurrekoak. Auzipetuak langileak ere badiren arren, ordaina enpresari soilik eskatzen dio.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]