Gasteizko Gaztetxeak larunbatean poliziak izandako oldarkeria salatu du
Gasteizko Gaztetxeak salatu duenez, joan den larunbat gauean, Gasteizko Alde Zaharreko Rafa Plazan, “polizia hainbat gazteren aurka oldartu zen”.
Esan dutenez, larunbat gauean gazte talde ezberdinak ziren plazan, sakabanaturik. Batzuk edaten, beste batzuk ez, baina giro lasaia zegoen. Ordu biak aldera, istiluen aurkako dozena bat ertzain isilean hurbildu, hango sarrera guztiak itxi eta bertakoen aurka oldartu ziren.
“Poliziak gau hartan izandako jarrerak neurriz kanpokoak, ilegalak eta arbuiagarriak izan ziren”. Azaldu dutenez, “guztiak lurrean esertzera behartu zituzten eta ondoren isuna jarri zieten, ezer ilegalik egiten ez zeudenei barne”. “Bati mugikorra apurtu zioten eta jende ugari jotzearekin mehatxatu zuten, oihuka eta haien atzetik korrika. Hara hurbildu edota grabatzen ari zirenak ere oihuka, bultzaka eta mehatxuka bota zituzten”.
Maiatzaren 9tik aurrera alarma egoeratik irtetea eta etxeratze agindua bertan behera geratzea onartu du Espainiako Gobernuak, honen barnean Eusko Jaurlaritzak. Hala ere, Gaztetxeko kideek, beraien askatasunei dagokienez, egoera asko ez dela aldatu salatu dute, izan ere “orduz kanpo kalean dagoenak ez du lasaitasunik aurkituko, larunbatekoa adibide argia dugu”. Bestetik, “poliziaren areagotzeak, haien oldarkeria eta inpunitate gorakorrek erakusten digute egoera gelditzeko datorrela” ziurtatzen dute.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.