Gasteizko Gaztetxea zabalik nahi dutela aldarrikatu dute 50 bat eragilek
Hiriko dozenaka eragile sozial, kultural eta politikok Gasteizko Gaztetxearen aldeko agerraldia egin dute. Urriaren 5ean Udaltzaingoa baimenik gabe sartu zen gaztetxera, eraikina hustu eta barruan zeuden dozenaka gazteei isunak jarriz. Gaztetxeak uneoro arduraz jokatu duela azpimarratu dute, eta osasun arrazoiak aitzakia direla eta atzean bultzada politikoa dagoela adierazi dute.
Lehenik eta behin, gaztetxearen itxierak COVID-19aren osasun arrazoiekin loturarik ez duela azpimarratu dute gaztetxearen aldeko agerraldian: "Hala balitz, [udalak] espazioa kudeatzen duen asanbladarekin harremanetan jarriko zela ulertzen dugu, protokoloen berri eman edo hauengatik galdetzeko". Aldiz, "bultzada politikoa" ikusi dute Udaltzaingoaren operazioan, "kontrolpean ez dagoen oro debekatu eta arautzearen bultzada".
Pandemiaren aurrean faztetxea arduraz jokatzen ari dela ziurtatu dute agerraldian –Gazte Asanbladak azaldu zuen osasun segurtasunerako barne protokoloa zehaztua dutela–, "ez inork arautu edo agintzen diolako, hala behar dela ulertzen duelako baizik. Eta, arduraz, zabalik jarraitzea nahi dugu".
Espazio okupatuen eta gazteen alde
Gaztetxea gasteiztarron etxea dela defendatu dute eragileetako ordezkariek: sortzaileena, euskaltzaleena, auzoarena, herri mugimenduena, eta abar. "Muinoko etxea ez da negozioa, ezta enpresa ere, ez da balioaren menpe bizi, baloreetan oinarritzen da". Hain zuzen ere, udal gobernuari (EAJ-PSE) eta Gorka Urtaran alkateari aurpegiratu diete krisiaren aurrean errentagarritasun ekonomikoa lehenestea. Gaztetxeaz gain hirian logika horiei ihes egiten dieten espazioak eta ekimenak daudela oroitarazi diote Urtarani, Errekaleor edo Talka kasu: "Badira, Gorka, errealitate dira zure/gure hirian eta zilegi dira".
Gaztetxearen eta gazteriaren alde egiteko baliatu dituzte azken hitzak: "Gasteizko gazteak, axolagabe aurkezten dizkiguzun horiek, infantilizatu nahi dituzue, gaitasunez hustu. Baina hauek dira justuki antolatu eta ekiteko espazio bat eskaintzen digutenak. Gasteiztar guztiontzat atea zabalik mantentzea lortzen dute, atea zabalik elkartasunari, atea zabalik protestari, atea zabalik Gasteiz aldarrikatzaileari, atea zabalik sormenari, atea zabalik ardura sozialari. Manifestu honekin bat egiten dugun guztiok, ate hori zabalik nahi dugu”.
⬇️ "Muinoko etxea ez da negozio bat, ezta enpresa bat ere, ez da balioaren menpe bizi baloreetan oinarritzen da" pic.twitter.com/2JW8WakPUn
— Hala Bedi (@halabedi) October 30, 2020
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gasteizko Gaztetxearen 35. urteurrena ospatzeko jaialdira bertaratu da Udaltzaingoa, kontzertuak debekatuz eta soinu teknikaria atxilo eramanda.
"Hogeitamalas" lelopean kaleratu dute 2022ko urtemugako egitaraua. Tailerrak, auzolana, bazkaria eta kontzertuak antolatu dituzte aste osoan zehar gaztetxearen hogeita hamalau urteak ospatzeko.
Errekaleor, Olarizuko etxe okupatuak, Alde Zaharrekoak... Hautu politikoz zein behar gorri hutsez okupatzen dutenen aurkako bandera harro altxatzen du Gasteizko EAJko alkate Gorka Urtaranek, PPren diskurtsoa –eta bozak– bere eginez. “Lapurrak”,... [+]
20 urte dira 198 iratxok Gasteizko kaleak hartu zituztela, 2002ko urtarrilaren 25ean. “Metro erdiko izakitxoak, aurpegi zirtolarikoak eta belarri estu-luzeak zut, irribarretsu, kolore biziz jantziak”. PPko alkate Alfonso Alonsok begiz jota zuen Gasteizko gaztetxea,... [+]
"Gure guneak gal ez ditzagun, gaztetxeak defendatzeko hautua egin behar dugu, hauen gaineko kontrola eta erabilera bermatu ahal izateko". Horretarako, Gasteizko Gaztetxeak elkarreteratzera deitu du asteazkenean, eta manifestazioa larunbatean.
Herri honen memoria kolektiboari ale bat eskaintzea xede, egitarau mardula prestatu du Gasteizko Gaztetxeak martxoaren 3tik 28ra bitartean. "Erresistentzia ekintza da memoriari eutsi eta bizirik mantentzeko lan egitea", diote Zapalduon memoria jardunaldien... [+]
Hala Bedik jakinarazi duenez, gazteak aste honetan izan du epaiketa 2019ko gertakariengatik, eta hiru urte eta bederatzi hilabeteko zigorra ezarri diote. Hurrengo asteotan sartu beharko du espetxean. 2019ko urtarrilaren 1eko goizaldean istiluak izan ziren Poliziaren eta gazteen... [+]
Gasteizko Gaztetxeak agerraldia egin du "erasoa" salatzeko. Astelehen gauean eraikinera sartu, hainbat gazte identifikatu eta isundu, eta eraikina hustu zuten udaltzainek. Antolakuntza eta autodefentsarako deia egin du Gazte Asanbladak.
2019ko urtarrilaren 1eko goizean, Udaltzaingoak bost gazte atxilotu zituen Gasteizko Gaztetxean. Istiluengatik auziperatutako lau gaztek zigor txikiagoa onartu dute, eta ez dira kartzelara joango.
Gasteizko proiektu autogestionatuek egitarau bateratua osatuko dute inauterietarako: deabruz mozorrotu eta "kapitalaren hiria" infernu bilakatuko dute otsailaren 22an.
Bi data berri aurkeztu ditu Muinoko Hotsak egitasmoak: urtarrilaren 31a eta martxoaren 14a. Gaztetxeko oholtza gainean, berriz, Lepora, Lisabö, Red Iron Squad eta Sexty Sexers taldeak.
Gabon zahar gauean "Aterpe" ostatuan lanean ari ziren langileen izen-abizenak eskatu ditu Gasteizko Udalak. ELA, LAB eta ESK sindikatuek ohartarazi dute, Gasteizko Gaztetxearen ondoan dagoen aterpetxeko langileen Datu Pertsonalak Babesteko Legea urratu egin dela... [+]
Gasteizko Gaztetxeko Gazte Asanbladako kideek aurpegia eman dute hedabideen aurrean urtarrilaren 1eko gertaerak argitzeko. Urtarrilaren 1eko arduradu zuzena Udaltzaingoaren mandoarena izan zela uste dute, muinoko etxearen solaskide bakarrak auzokideak eta eragileak direla... [+]