Gasteizko Euneiz unibertsitate pribatua, kolokan?
Unibertsitatea martxan jartzeko lege-proiektua martxoan onartu zuen Eusko Jaurlaritzak, eta irailean berretsi behar zuen legebiltzarrak. Baina Espainiako Gobernuak dekretu bidez gogortu ditu hezkuntza zentroak unibertsitate kontsideratzeko bete beharreko gutxieneko baldintzak, eta Euneizek ez ditu baldintzak betetzen.
Euneiz (European University of Gasteiz) ikasketa zentro pribatuari Eusko Jaurlaritzak atea ireki zion martxoan, baina asteazken honetan Espainiako Gobernuak dekretu bidez gogortu ditu goi mailako hezkuntza zentroak unibertsitatetzat hartu ahal izateko bete behar diren baldintzak. Eta Euneiz ez da legedi berrira egokitzen.
Uztailaren 28an argitaratutako dekretuak zentroek eskaini behar duten gutxieneko eskaintza akademikoa biltzen du: graduko hamar titulu, sei master eta bi doktoretza programa. Gasteizko makro zentroan bederatzi graduko titulu eskainiko dira ordea (Fisioterapia, Kirolaren Zientziak eta eduki digitalak sortzeko ikasketak, besteak beste). Horrez gain, bost ezagutza adarretako (Arteak eta Giza Zientziak, Zientziak, Osasun Zientziak, Gizarte eta Lege Zientziak eta Ingeniaritza eta Arkitektura) gutxienez hiru egon behar dira hezkuntza curriculumean jasota, eta Euneizek bi adar hartuko ditu. Beste hainbat baldintza ere zorroztu ditu dekretuak.
Aldaketarako tartea
Euneizek, martxan jartzen den momentutik hasita, bost urteko epea izango du hezkuntza eskaintza handitzeko eta dekretura egokitzeko. Gasteizhoy hedabideak jaso duenez, zentroaren bultzatzaileek uste dute Eusko Jaurlaritzaren baimena jaso dutenez (Eusko Legebiltzarrak berresteke), bost urtetan gara dezaketen aldaketa dela.
Atzean, Baskonia-Alaves taldea
Josean Kerejetaren Baskonia-Alavés taldeak Innovaraba proiektuaren barruan sustatutako ekimena da Euneiz. 33,3 milioiko aurrekontua dauka; horietatik 30 Europako laguntzetatik datoz eta beste 2,5 inguru Arabako Foru Aldunditik, Eusko Jaurlaritzatik eta Gasteizko Udaletik.
Zentroaren helburua Buesa inguruan “hezkuntza, kirol eta enpresa hub” delakoa sortzea dela adierazi dute bultzatzaileek. Baina asko izan dira proiektuaren kontra egin duten ahotsak, hezkuntza negozio bihurtuko dutela argudiatuz eta EHUn jada dagoen eskaintza errepikatuz unibertsitate publikoari lehia egingo zaiola esanez.
David Rodriguez bozeramaileak ohartarazi duenez, jarduerak “eragin larria izango du Salburuako hezeguneetan, bertako floran eta faunan”.
Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]
Ikasturtea hasi dute dagoeneko Gasteizko Euneiz unibertsitate pribatuan (110 ikaslerekin), baina astearte arratsalde honetan egingo dute inaugurazio instituzionala, Gasteizko alkatea, Arabako ahaldun nagusia eta Espainiako Gobernuaren ordezkaria bertan direla. Hasieratik... [+]
Eusko Jaurlaritzak jardunean hasteko baimena eman dio egoitza Gasteizen duen Euneiz unibertsitate pribatuari. Espainiako Gobernuaren Unibertsitateen Ministerioaren baimena lortuz gero, 2022-2023 ikasturtetik aurrera martxan hasiko litzateke.
EAJ-PNV, PSE, PP-Ciudadanos eta VOX alderdiek egin dute legearen alde eta, besteak beste, egitasmo pribatua diru publikoz finantzatzea ahalbidetzen du.
EHUko errektore izan zen 2009-2017an. Ez da lar esatea Juan Inazio Perez Iglesiasen eta Iñaki Goirizelaiaren artean ezarri zituztela oraingo gure unibertsitate publikoaren zimentarriak, haien gainean jarri dutela beren alea ondoko bi errektore Nekane Balluerkak eta Eva... [+]
EAJ, PSE, PP-C’s eta Vox alderdiek babestu dute, eta Elkarrekin Podemos-IUk eta EH Bilduk aurka bozkatu dute. Azken horrek argudiatu du ezin dela funts publikoen bidez finantzatu irabazi asmoa duen unibertsitaterik.
Unibertsitate publiko bezala, EHUri kezka sortzen dio Gasteizen irekiko duten Euneiz unibertsitate pribatuak, “baina kontua ez da unibertsitateek zer pentsatzen duten, herriak zer iritzi duen bizik, herri bezala zein sistema unibertsitario eredu nahi dugun”, adierazi... [+]
European University of Gasteiz, Euneiz, unibertsitate pribatua badator, edo ez. Josean Kerejetaren Baskonia-Alaves taldeak, Gasteizko Udalak, Arabako Diputazioak eta Eusko Jaurlaritzak osatu duten aliantza indartsua dirudi –eta hala ageri da hedabide nagusietan–,... [+]
Euneiz unibertsitate pribatuak ez lituzke soilik gradu ikasketak eta ikasleentzako egoitzak bultzatuko, Saski Baskonia eta Deportivo Alavesen jabearen proiektua izaki, klub horien hainbat instalazio handitzea ere aurreikusten du enpresa-taldeak, "kirol turismoa"... [+]
Innovaraba jaio da, Baskonia-Alaves taldeak Euneiz unibertsitatearen inguruan bultzatutako proiektu integral handia. Europa Jauregian aurkeztu dute euskal erakundeen babesarekin, eta bitartean, gehiengo sindikalak protesta egin du kanpoaldean.
European University Gasteiz (EUNEIZ) unibertsitate pribatuko presidenteak martxan jarri nahi duten proiektuari buruzko azalpenak eman ditu Eusko Legebiltzarreko Hezkuntza Batzordean. Adierazi du ez dutela dirulaguntza publikorik jasoko, 400 postu baino gehiago sortuko dituztela... [+]
“Hainbat trikimailu” erabiliz, Eusko Jaurlaritzak eskola pribatuaren aldeko apustua eta politikak bultzatzen dituela salatu du STEILAS sindikatuak. Pribatizazio prozesua Haur Hezkuntzako lehen zikloan hasi eta unibertsitateraino luzatzen dela salatu du, eta horren... [+]
