Gasteizko etxeko langileen %40 migratzailea da
Zentzuz Kontsumitu partzuergoak ikerketa bat egin du Gasteizko zaintza eta etxeko langileen errealitatea aztertzeko.
Etxeko langileen egoera eta zaintzen beharra aztertu duen diagnosia aurkeztu du astelehen goizean Zentzuz Kontsumitu partzuergoak. Eskainitako datuen artean, azpimarratu dute zaintza sektorean ari diren langileen %90 emakumeak badira ere, nagusien egoitzen, garbiketa enpresen eta etxez etxeko zerbitzuen gerenteen gehiengoa "gizon zuriak" direla; hain justu ere, gizonezkoak dira irabaziak metatzen dituztenak.
Estibaliz Gomez de Segura gizarte hezitzaileak azaldu du 37.243 etxeko langilek dutela izena emanda Gizarte Segurantzan, eta %37,79 migratzaileak direla. Horrekin batera, nabarmendu du 2017an, enplegatzaileen etxean lo egiten zuten langileen %16 paper gabekoak zirela. Gehienak Venezuela, Nikaragua eta Hondurasetik etorritakoak direla ere azpimarratu du.
Mugarik Gabeko ordezkariak salatu du sektore horretan "ohikoak" direla askotariko eskubideen urraketak. Lan eskubideei dagokionez, azpimarratu du, besteak beste, kontratu gabe egiten dutela lan, bete beharreko funtzioak ez daudela mugatuta, lanaldiak ez direla errespetatzen eta soldata prekarioa dutela. Horrekin batera, arbuiatu dute askotan Gizarte Segurantza gabe lan egiteaz gain, diskriminaziozko tratua jasaten dutela; tartean, eraso matxistak, arrazistak, klasistak eta zenbaitetan sexualak ere jasaten dituztela nabarmendu du.
Egoera horren aurrean, askotariko aldarrikapenak helarazi dizkie lan ikuskatzailetzari, sindikatuei, talde feministei, enplegatzaileei, etxez etxeko langileei eta gizarteari. Eskubideei dagokionez, gaur egungo legedi diskriminatzailearekin amaitu dezatela exijitzearekin batera, sindikatuei sektorearen negoziazio kolektiboa bultzatzea eta zaintzaileen aldarrikapenekin bat egin dezatela eskatu die. Talde feministei, bestalde, langile horien asoziazionismoa sustatu eta sektorearen lan baldintzak ikustarazteko eskatu die. Langileak ahalduntzeko garaia dela ere azpimarratu du Gomez de Segurak.
Aurkezpena, Landatxon
Zentzuz Kontsumitu partzuergoa honako elkarteek osatzen dute: Setem Hego Haizea, Mugarik Gabe eta Medicus Mundi Araba. Ekimen horrek urteak daramatza kontsumo jasangarri eta eraldatzailearen alde egiten, hiru ardatz nagusi lantzen: kontsumo arduratsua, elikadura burujabetza eta zaintzak. Azken honen gainean egindako ikerketaren emaitzak maiatzaren 15ean, asteazkenean, jendaurrean aurkeztuko dituzte Landatxoko gizarte etxean, 19:00etan.
Emaitzak ezagutarazi ostean, lanean jarraituko dutela jakinarazi dute, eragile ezberdinekin elkartzen eta proposamenak partekatzen.
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
Garbiketa lanetan diharduten bi emakumeren egoera larria salatu du LAB sindikatuak. Gurpildun aulki eta taka-taka baten laguntzaz mugitzen diren arren, lanera bidali ditu Gizarte Segurantzak.
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
ELE, Etxeko Langileen Elkarteak emandako zifra da, Bizkaian egindako galdeketen emaitzak jasota. Urtero bezala, etxeko langile egoiliarren eta kanpo-langileen lan baldintzei buruzko txostena egin du. Egoera erregularrean zegoen %35,38k ez zuen jaso lanbide arteko gutxieneko... [+]
Berdintasuna, haurdunaldia bezalaxe, badago edo ez dago. Berdintasunik ez dagoenean, ezberdintasuna dago, hori da neurtu eta baloratu daitekeena. Akaso berdintasunaren ondorioak izan daitezke gehiegizkoak batzuentzat, baina horrek eztabaida ondorioetan kokatuko luke, sekulan ez... [+]
Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]
SEPE Espainiako Enplegu Zerbitzu Publikoko zerbitzuak ukatu bazion ere, Bilboko Lan Arloko 7. Auzitegiak onartu dio langileari eskubidea, ELAk jakinarazi duenez. SEPEk helegitea aurkeztu du.