Gasteiz Antzokia irekiko dute ostegunean Izaskun Arrue Kulturgune izenarekin
Ostegunean, 18:15ean irekiko dute Izaskun Arrue Kulturgunea (IAK), Gasteiz Antzokia eta Euskararen Etxea batuko dituen egitasmoa. Ekainean udalarekin 2024ko hitzarmena sinatu zuenetik Lazarraga Kultur Elkarteak lehenbailehen ireki nahi izan du kultur-gunea. Irekiera ekitaldiaren ondoren bisita gidatuak egingo dituzte, uztailaren 19 eta 22an.
Lazarraga Kultur Elkarteak, Gasteizko udalarekin desadostasunak konpondu eta ekainean 2024ko hitzarmena sinatu zuen. Ruiz de Bergara Jauregiko giltzak jaso zituztenetik, kultur-gunea lehenbailehen irekitzeko lanean aritu dira elkarteko kideak. Uztailaren 18an egingo dute antzokiaren irekiera ekitaldia, 18:15ean. Uztailaren 10etik aurrera webgunea eta sare sozialak jarri zituzten martxan. Uztailaren 22tik aurrera hasiko dira hainbat deialdi egiten: Taulara, formatu txikiko antzezlan eta bakarrizketentzako deialdi irekia; Muina, kultur-jarduera bat gauzatu nahi duen herritar ororentzat zuzendutako proposamen poltsa; eta Egin Leku, musikari hasiberrientzako plaza.
Lukas Etxeberria Lazarraga Kultur Elkarteko kideak ondorengoa adierazi du: “Euskaraz jakin edo ez jakin Izaskun Arrue Kulturgunea guztientzat irekita egongo da, euskal kultura guztiok partekatzea nahi dugulako. Beraz, gasteiztar guztiok gonbidatuta zaudete IAK-era.”
Uztailaren 19an eta 22an bisita gidatuak antolatu dituzte. Egun bakoitzean bi bisita egingo dituzte, 10:00etan eta 11:00etan. Lehen egunean biak euskaraz izango dira, bigarrenean, berriz, euskaraz eta gaztelaniaz. Abuztuaren 6an, Gasteizko jaietan, familia jarduera egingo da, 11:00etatik aurrera. Bertan Prospero Teatrok girotuta, egunerokotasunean botatzen diren gauza eta objektu birziklatuekin sortutako jolasekin jardun ahal izango dute haur eta gaztetxoek.
Uda ostean hiru hilabeteko maiztasuna izango du programazioak eta urtaroka egingo dute aurkezpena. Iraileko bigarren asteburutik aurrera, beraz, udazkeneko programazioa jarriko da martxan. IAK-ek kulturaren kate osoa lantzea izango du helburu: sormena, ekoizpena, taularatzea edo erakustea, komunikazioa eta audientziak. IAK-ek azaldu du hiriko dinamika suspertzeaz gain, Gasteizek euskararen erabilera normalizatzeko espazio berria izango dela antzokia, euskal kulturaren eta aisialdiaren bidez.
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Irailean egin ziren hauteskundeak eta aise nagusitu zen FPÖ alderdia, botoen ia %30 eskuratuta. Bazen aukera ultraeskuinari hesia ipintzeko, baina ez dira ados ipini demokristauak eta sozialdemokratak.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urtarrilaren 6az geroztik autobus linea berriak daude Zuberoan, Nafarroa Beherean eta Lapurdin. Halaber, zerbitzuen maiztasuna ere hobetu da, Euskal Hirigune Elkargoko Mugikortasun Sindikatuak eta RATP konpainiak elkarlanean bultzatutako egitasmoari esker. Bestetik, 12 urtez... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
Hego Koreako krisia autoktonoa ala inportatua ote zen galdetzen nion neure buruari duela hilabete hura sutu zenean. Baretu ez baizik mindu egin denez auzia, batere argi ez dudan erantzunaren bila jarraitu beharko dugu. Geografikoki urrutiko kontua bada ere, oso gertuko ondorioak... [+]
Dezibelio eta argiztapen muturrekoak ohiko diren makro-ikuskizunen eta makro-estimuluen garaiotan, autismodun haurren bueltako elkarteek aspalditik egindako eskaera zabaltzen ari da pixkanaka, baita Errege Magoen desfileetan ere: ez musika, ez argiztapen, ez abiadura... [+]