Gasteizko Alde Zaharrean eraikin osoak apartamentu turistiko izatea ahalbidetu du Urtaranek
Orain arte behe solairuak soilik bilakatu zitezkeen ostatu turistiko. Gasteizko Udaletxeak auzoko araudia aldatu du Arabako Ostatu Turistikoen Elkarte Arabaturren eskaerari erantzunez. Alde Zaharreko Gasteiz Txiki auzo elkarteak gogor kritikatu du neurria.
Gorka Urtaran jeltzalearen udal gobernuak pisuzko erabakia hartu du Gasteizko Alde Zaharrean, etxebizitzaren alorrean: Alde Zaharreko Birgaitze Integraturako Plan Berezia (BIPB) moldatuko du, eraikin osoak apartamentu turistiko bilakatzea ahalbidetuz. Beheko solairuekin soilik egin daiteke hori gaur egun –eta goiko solairuekin, baina sarbide independentea izatekotan, apenas ematen den baldintza auzoan–. Otsailean BIPBn moldaketak egiteko epealdia zabaldu zuen udalak, eta orduan proposatu zuen Arabatur elkarteak moldaketa egitea, auzoak “bultzada sozial, ekonomiko eta komertziala” behar duela argudiatuta. BIPBri moldaketak egingo zaizkio hurrengo hilabeteetan, baina ez du ematen uda honetan indarrean jartzeko astirik izango duenik udalak.
Udal gobernuak turismoa sustatzen duen elkartearen proposamenarekin bat egiten duela azaldu du Urtaranek: “Arabaturren ikuspegiarekin bat gatoz: erabilera turistikoko etxebizitzek basamortutzeari eta auzoaren degradazioari aurre egingo diote”. Neurriak alokairuen prezioa igo dezakeenik ukatu du alkateak: "Ulertzen dut alokairuak ez direla igoko, oso kopuru arrazoizkoetan mugitzen baikara, beste hiri batzuen oso azpitik”. Gentrifikazioan sakontzea ekarri dezakeenik ere ezeztatu du: "Auzoaren birgaitzea, Erdi Aroko hirigunearen ondarea eta auzoaren biziberritzea bultzatzen ditugu".
Auzo elkartea, haserre
Gasteiz Txiki oso kritiko agertu da neurriarekin. Denbora daramate Alde Zaharreko auzo elkarteak eta beste hainbat auzoko eragilek etxebizitzarena auzoko arazo nagusietakoa dela salatzen –Zaharraz Harro! jai herrikoietan mobilizazioa egin zen “Etxebizitza larrialdi egoeran. Nos dejan en la calle!” lelopean, ekainaren 26an–.
Hutsik dauden etxebizitzei erabilera soziala emateko udal ekimenak askotan eskatu dituela salatu du Gasteiz Txikik eta, aldiz, neurri honekin kontrakoa egindela: oinarrizko beharra dena, merkatuaren eta turismo enpresen esku utzi. Neurria hartu eta iragartzeko modua ere kritikatu ditu elkarteak, komunikabideen bidez ezagutu baitu araudi berria.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]