Martxoaren 15eko mobilizazio arrakastatsuaren ostean, Gasteizen Friday’s for Future asanblada egonkor bat osatzea erabaki dute sustatzaileek. Gasteizko Udaleko ingurumen-politika salatzeko, eraztun berdean bildutako zaborra Udaletxe atarian utzi dute.
Aurreko martxoaren 15eko klima-aldaketaren aurkako mobilizazio arrakastatsuaren ostean, Gasteizen Friday’s for Future asanblada egonkor bat osatzea erabaki dute sustatzaileek. Asanblada berri hau aurkezteko asmoz, aurreko apirilaren 6an Eskibel inguruan bildu ziren inguruko baso, erreka eta landetan zegoen zaborra biltzeko.
Astelehenean, ordea, asteburuko ekintza borobildu zuten bildutako zaborra Udaletxeko atean utziz. “Era honetan instituzioek emergentzia klimatikoari aurre egiteko duten erantzukizuna azpimarratu nahi dugu. Benetan katastrofe egoera bat ekidin nahi badugu instituzioek neurri sakonak martxan ipini beharko dituzte eta”, azaldu dute osatu berri den asanblada egonkorretik.
Salatu dutenez, nahiz eta Gasteizko Udaletik behin eta berriz aipatu “Green Capital” hitzak, “azkenengo urteetan ez da ia-ia aurrera egin klima aldaketaren aurkako borrokan“. Adibidez, kasu batzuetan ingurugiroan eragin oso negatiboa duten proiektuak ere ez direla geldiarazi gaitzetsi dute, Subijanako gas putzuak kasu. “Proiektu hau bertan behera geldituko litzateke Udalak ezezkoa emango balio bertako lurrak berkalifikatzeari”.
Hala ere, sustatzaileen ustez, dena ez da negatiboa udal barruan. Bertako hainbat teknikari “lan ederra” egiten dabiltzla uste dute, esate baterako, aurreko ostiralean Gasteizko potentzial fotoboltaikoari buruzko txosten bat aurkeztu zutenek. Universidad Politécnica de Madrideko bi ikertzailek egindako txosten honek azaltzen zuen legez Gasteizko teilatu guztietan eguzki-plakak instalatuko balira, hiriak autosufizientzia energetikoa lortuko lukeela.
“Zergatik Udalak ez du iniziatiba hartu eta energia enpresa publiko bat sortzen plaken instalazioa sortzeko?”, galdetu dute Friday’s for Future Gasteiz ekimenetik. “Aldaketa klimatikoaren aurka hainbat neurri jar daitezke martxan, noski: hondakinak, elikadura, garraioa… Eta Udala bakarrik ez, baizik eta erakunde guztiak barnebiltzen dituzten neurriak”. Zentzu honetan, laster egingo dute publiko neurri zerrenda zabalago bat, beste instituzio batzuk ere interpelatuz.
Albiste hau Hala Bedik argitaratu du eta CC-by-sa lizentziari esker ekarri dugu.
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Akainak edo kaparrak batetik, eltxo tigreak bestetik, Euskal Herrian duten presentziaz eta gurean dauden espezieez mintzatu zaigu Aitor Cevidanes ikertzailea. Osasuna eta ingurumena hizpide, dituzten arriskuez, herritarron uste faltsuez eta klima aldaketaren nahiz gizakion... [+]
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Uztailaren hasieran izendatu zuen Unescok Iratiko basoa biosferako erreserba. Aezkoako Lehendakari Carlos Buenok goraipatu egin du pausu hori eta uste du baliagarria izanen dela eremua babesteko eta populazioari eusteko.
Solaria multinazionalak 100 hektareako parke fotovoltaikoa eta eskualdea zeharkatuko lukeen Oso Goi Tentsioko Linea eraiki nahi ditu Arabako Gorbeialdean. Herritarrak aurka antolatu dira eta ekimen jendetsu ugari burutu dute denbora gutxian. Baina Gorbeialdeakoa Solariak Araban... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Txikitan kaian arrantzatu ohi genituen ‘pantxito’ gehienak ziurrenik bisiguak izango ziren, baina nekez ikusten genituen bisigu handiak. Izatekotan, jatetxe ezagunetan izango zen, arraindegietako bisigu gehienak kanpotik ekarriak ziren bitartean. Egun, kostaldeko... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]