Auzoan Bizik salatu du Eusko Jaurlaritzaren etxebizitza batetik etxegabetu nahi dutela familia bat Gasteizen
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Auzoan Bizi Etxebizitza Sareak eman du Samiraren eta bere adin txikikoen haurren egoeraren berri. Alokabideko etxebizitza batean bizi dira; hau da Eusko Jaurlaritzaren etxe bat da, eta etxea errentan hartu zuen pertsona batek alokatu edo berrakuratu die Samirari. Irailean berrakuratu zuten etxea, baina ez zuten inolako kontraturik ez erroldarik eta diru kantitate handia ordaindu behar izan zuten; hala nola lehenengo hilabeteko alokairua eta fidantza. Etxebizitza sareak salatu du etxera sartu eta aste batzuetara familia etxegabetzen saiatu zirela: “Modu irregularrean, eta haien gauzak etxetik ateratzen eta poliziari deitzen egin zuten”. Ordutik zenbait etxegabetze saiakera gelditu dituzte. Familiaren egoera salatzeko elkarretaratzea egin dute, ekainaren 26an.
Familia egoera larrian egon da azken hilabeteetan: “Etxegabetze ilegal arriskuetatik haratago, Alokabidek aurrera eramango duen etxegabetze prozesu judizialaren mehatxua dago etengabean”.
Saretik Alokabiderekin eta Gasteizko Gizarte Zerbitzuekin negoziazio mahai bat egiten saiatu dira, baina salatu dute ez dutela “inongo borondaterik” erakutsi: “Berrakuratzailearen –Samirari Eusko Jaurlaritzaren etxe alokatu dion pertsona– eta Samiraren arteko gatazka, finean pobreen arteko gatazka, hauspotu besterik ez dute egin instituzioek”. Horregatik, Alokabideri, Gasteizko Udalari eta Gasteizko Gizarte Zerbitzuei konponbide bat bilatzeko exijitu diete.
Erroldatzeko trabak
Legeak dioen arren, bakoitzak bizi den tokian erroldatzeko betebeharra duela, Samira eta bere familiak erroldatu gabe jarraitzen dute. Saretik errolda soziala lortzen saiatu dira, baina gizarte zerbitzuek errolda ukatu dietela salatu dute: “Erroldarik gabe oinarrizko eskubide eta zerbitzuetarako sarbidea ukatu zaie”.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.