Ekimen desobedientearen amaiera iragarri dute Goizane Pinedok eta Unai Ruizek. Larunbatean, urtarrilak 18, Gasteizen publikoki agertuko direla jakinarazi dute. Espainiako Auzitegi Nazionalean gazte independentisten aurkako epaiketara joateari uko egin zioten bi gazteek.
Herritarrak aktibatzen lagundu duen ekimenaren helburua beteta eta nekea direla medio hartu dute jendeaurrean agertzeko erabakia, hedabideei helarazitako bideoan diotenez.
Bestalde, Gasteizko Harresiak gogorarazi du Ekaitz Samaniegoren atxiloketaren bigarren urteurrena bete da asteartean. Horren harira, "Ekaitz gogoan eta Goizane eta Unairi babesa adierazteko, desobedientziaren aldeko kalejira", deitu dute urtarrilak 18rako, larunbata, 12:30etan Los Angeles elizatik abiatuta.
Auziperatuek aditzera eman dutela kalejira desobedientean parte hartuko, baina Gasteizen agertuko direla berretsi dute. Herritarrei babesa eskatu diete, eta aldi berean, emandako laguntza eskertu.
Segiko kide izatea egotzi zitzaien lau auziperatuk epaiketara ez aurkeztea erabaki zuten urriaren 14an. Ordutik ezkutuan egon dira, baina ekimen desobediente bati jarraiki publikoki agertu eta desagertzen ibili dira azken hiru hilabeteetan.
Ezkutuan zen Irati Mujika pasa den ostegunean, urtarrilak 9, atxilotu zuten Aramaion.
Idoya Iragorri ezkutuan den laugarren auziperatuari Ander Perez kazetariak eginiko elkarrizketa argitaratu du ARGIAk aste honetan. Ondorengo bideoan ikus daitezke Iragorriren adierazpenak.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.
"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".
2019an BBVAren Akziodunen Batzarra gauzatzen ari zen bitartean egindako protesta baten harira, sei pertsona identifikatu zituen Ertzaintzak, eta mozal legea aplikatuz horiei isuna jartzea proposatu zuen. Sei kideetako bat absolbitu du berriki Gasteizko epaile batek, ekintzari... [+]
20 ekintzaile inguru 25 hektareako jabetza pribatu batean sartu dira, eukaliptoak moztuz eta hesiak apurtuz. Eukaliptorik ez, haritza bai! mendi martxa bertatik igaro da, eta herritarrek dozenaka haritz landatu dituzte eukaliptotik askatutako eremuan. Ekintzaileek ekintza... [+]
Baxoko filosofiako azterketa euskaraz erantzun du Baionako Bernat Etxepare lizeoko ikasle andanak, ikasketak hizkuntza horretan egiteko eskubidea aldarrikatu asmoz, aurrez jakinik ez direla zuzenduak izango.
Ez dira gutxi konpainia handietako goi mailako ingeniari eta teknikariak beren lanpostuari uko egiten diotenak. Horiez entzun ohi da erabakia hartu dutela ‘erreta’ zeudelako, lanbideaz nazkatuta edo garapen pertsonal bila. Baina badira desertatu eta bizimoduz... [+]
Ez dira gutxi konpainia handietako goi mailako ingeniari eta teknikariak beren lanpostuari uko egiten diotenak. Horiez entzun ohi da erabakia hartu dutela ‘erreta’ zeudelako, lanbideaz nazkatuta edo garapen pertsonal bila. Baina badira desertatu eta bizimoduz... [+]
Larunbatean hasitako kanpaldia jasotzen ari den babes handiagatik hartu dute erabakia. Astelehen goizean makinak agertu dira baina ezin izan dute lanik egin. Eguerdian Guardia Zibila azaldu da, baina protestan zeudenak grabatu ostean alde egin dute poliziek.
Su geldoan egosten hiru urte eman ostean, liburu bat ari da isilpean eta eskuz esku mugitzen Euskal Herrian: Mundua eraldatuz gozatzeko errezeta liburua. Askotariko ekintza zuzen zaporetsuak egiteko beharrezko osagai guztiak aurkituko ditu irakurleak bertan: errezeta bakoitza... [+]
Ehunka boluntario beharko direla ohartarazi dute. Handituz joango den mobilizazio ziklo berri baten lehen deialdia da. Presoen eremuan Parisek ezarritako blokeoaren aurrean, “zabaltzea” eta “gogorrago jokatzea" erabaki dute bakegileek.