Garraiolarien grebak ekonomiaren arrakalak azalerazi ditu beste behin
Joan den astelehenetik greban dira Espainiako Estatuko kamioilari ugari eta bere eragina nabaritzen hasi dira beste arlo askotan jadanik, elikadura industrian kasu. Euskal Herrian Hiruk eta Tradinsak egin dute bat grebarekin. Garraio sektoreko prekarizazioak, energia kostuen ezin eramanak eta hornidura kateen menpekotasunak, sistema ekonomiko honen itzalak agerian utzi ditu berriz.
Erregaien prezioen gorakada salatzeko garraiolariek laugarren greba eguna izan dute ostegun honetan eta berriz ere kamioi-karabanek hartu dituzte errepideak gurean, goizeko 8:00etan Zierbenatik Elorriorantz abiatuta.
Garraiolarien Defentsarako Espainiako Plataformak deitu du lanuztea Espainiako Estatu osoan, eta Euskal Herrian Hiru sindikatuak eta Tradinsa Nafarroako elkarteak babestu dute. Laugarren egunean hornidura falta sumatzen hasi da hainbat sektoretan, batez ere antxoa eta berdel kanpaina betean dauden inguratze arrantzan eta esne-industrian.
Hiruren esanetan sektorean lan baldintzak prekarizatzen dituzten jokabide “makurrak” izaten dira, batez ere kooperatiba “faltsu” eta azpikontratazioetan
Enpresa kimikoek ere alarma jo dute hornidura gabe geratzen ari direlako eta horrek ur araztegietan eragin dezakeelako: “Instalazio horiek ezin dira gelditu, osasun eta ingurumen arazo larriak sortzea eragin dezakeelako", azaldu du EAEko enpresa kimikoen AVEQ-KIMIKA elkarteko arduradunak.
Kostuen azpitik lanean
Erregaien garestitzearen ondorioz garraiolariek salatu dute kostuaren azpitik ari direla lanean eta Garraiolarien Defentsarako Plataformaren esanetan garraio enpresa txiki eta ertainen %90 “erabateko kiebran” dago momentu honetan. Gasolioak %35eko igoera izan du azken urtean Espainiako Estatuan, eta gasolinak %24ekoa.
Hiru garraiolari autonomoen sindikatuak azaldu duenez, estatu mailako plataformak egin dituen aldarrikapenak osagarriak dira beraiek dituzten eskaerekin eta horregatik egin dute bat mobilizazioekin. Hiruren esanetan sektorean lan baldintzak prekarizatzen dituzten jokabide “makurrak” izaten dira, batez ere kooperatiba “faltsu” eta azpikontratazioetan. Horregatik, garraioaren tarifen berrikuspen sistematikoa eskatu dute, beste hainbat gauzen artean.
Hiruk mobilizazioak egin ditu Iruñean eta Gasteizen, Nafarroako Gobernuaren eta Eusko Jaurlaritzaren egoitzen atariraino.
.jpg)
Ekaitz perfektua
Arantxa Tapia Eusko Jaurlaritzako Ekonomiaren Garapeneko sailburuak adierazi du ez duela “ezer aurpegiratzeko” greban dauden kamioilariei, baina Ukrainako gerraren egungo nazioarteko testuinguruan greba horrek “ekaitz perfektua” sortu dezakeela.
Logistika eta portuetako arduradunekin egindako bileraren ostean egin ditu adierazpenok Tapiak, eta kazetari baten galderei erantzunez aitortu du Ertzaintza ez dela “irtenbide bakarra” errepideetan eta horniduran ematen ari diren arazoak konpontzeko: “Entzun egin behar dira zein diren beraien [grebalarien] arazoak, batzuk egiturazkoak dira, baina beste batzuk, erregaien prezioa bezala, azkar konpondu behar dira”.
Espainiako Gobernua: “Atzean eskuin muturra dago”
Kamioilarien pikete eta protestek eta poliziaren erantzunak hainbat istilu eragin ditu Espainiako Estatuan, baita egoera arriskutsuak ere.
Escena completa del disparo de un Policía de secreta a un camionero
? #M50 San Fernando de Henares, Madrid#HuelgaTransporte pic.twitter.com/IBFDgQ4VAQ
— SocialDrive (@SocialDrive_es) March 15, 2022
Espainiako Gobernuko bozeramaile Isabel Rodriguezek “ultraeskuinak dituen jokabideekin” lotu ditu hauek eta nabarmendu du grebalariak beste langileak “boikoteatzen” ari direla. Zentzu berean, Raquel Sánchez Garraio ministroak esan du ez dela eseriko “biolentzia erabiltzen duten erradikal batzuekin”.
Adierazpen hauek harrabotsa sortu dute. Greba deitu duen garraiolarien plataformak “guztiz mespretxatuak” sentitzen direla azaldu du eta garraioaren sektore zati garrantzitsu bat “kriminalizatzen” ari direla.
Hiruk azaldu du berak deitutako mobilizazioak “normaltasunez” ari direla egiten eta agintarien gomendioak bete dituztela une oro. “Hiruk errespetatu egin du dagoeneko prezioen berrikuspena lortu dute afiliatuen lan egiteko erabakia”, dio sindikatuak, baina garraiolarien aldarrikapenei erantzuteko eskatu die administrazioei.
Patronalak badaki zer egin: greban interbenitu
Automozioa, siderurgia eta petrolio enpresetako patronalek, beren aldetik, “urgentziazko interbentzioa” eskatu diote Espainiako Gobernuari, garraiolarien lanuztearen ondorioz lantegiak “gelditzea” eragozteko.
Zedarriak Foroak Euskadi eta Europar Batasuna, oparotasunaren eta lehiakortasunaren patu partekatua txostena aurkeztu zuen urtarrilaren erdialdean. Bertan, EAErako gomendioak jasotzen dira, Draghik eta Lettak Europako Batasunerako aurkeztu dituzten txostenak erreferentziatzat... [+]
Konturatu orduko, 119 arkume jaio dira etxean, eta hamahiru ardi baino ez zaizkigu gelditzen erditzeko. Aurrerakoak diren urruxak jada izendatuta dauzkagu; horrek, inplizituki, esan nahi du hiltegira eramango ditugunak zeintzuk diren badakigula. Bereizte ariketa horretan... [+]
Trebea, burutsua eta iheskorra; olagarro arruntak, izenak hala adierazten ez badu ere, aparteko trebetasunak ditu. Itsas molusku zefalopodo haragijale honek txundituta gauzka, bere ezaugarri eta ahalmen bitxiekin. Ornogabe guztien artean adimentsuena da, besteak beste.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Zuzendaritzak argudiatu du "ahalegin guztiak" egin arren, bezeroen eskaria "drastikoki" murriztu dela. Nafarroako industriaren defentsan igandean egingo den mobilizazioan parte hartuko du enpresaren komiteak.
Air Force One hegazkinean Super Bowl-erako bidaia aprobetxatu du Donald Trumpek, ezartzear dituen muga-zergen berri emateko. Eszenografiaren aldetik, bikain. Etxerako mezua da “lasai baino lasaiago nago ni; begira nora goazen... Estatubatuarrak ere lasai egon daitezke... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
AEB inportatzen dituen altzairu eta aluminioari %25eko muga zergak ezarriko dizkiola iragarri du Donald Trumpek. Ez du zehaztu noiz sartuko den neurria indarrean.
Pilar Kaltzada Zedarriak taldeko kidea da. Urtarrilaren 15ean taldeak armagintza industria bultzatzeko hurrengo urteotan egongo den “aukera bikaina” aprobetxatzera deitu zuen, oihartzun handia izan zuen ekitaldi arranditsuan. Gasteizkoak talde antimilitaristaren... [+]
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]