“Garraiolari autonomoa gaur egungo baldintzetan desagertu egingo da”
Espainiako Estatuan hainbat garraiolari elkarte egiten ari diren greba nabarmen ari da eragiten elikagai eta industria enpresen horniduran. Espainiako Gobernuak hobariak hitzeman ditu laguntza modura, baina Hiru sindikatuaren ustez ez dira konponbidea eta Eusko Jaurlaritzaren inplikazioa ere eskatu du.
Agintariak herritarrei jadanik eskatzen ari dira ez dezatela behar baino gehiago erosi saltokietan, hornidura “ziurtatuta” dagoelako. Baina aldi berean, Espainiako Estatuko elikadura sektoreko enpresa nagusien patronalak garraiolarien grebarekin amaitzeko eskatu du, esanez euren ekoizpena arriskuan dagoela. Esaterako, Danone, Heineken, Cuétara eta beste hainbat janari eta edari marka ezagun zailtasunetan direla aitortu dute edo makinak itzali behar izan dituzte.
Zailtasunak eraman ditu, hain zuzen, milaka kamioilari grebara duela astebete baino gehiagotik hona, kostuen gainetik lanean aritzeak ez duela merezi iritzita. Joan den astean Espainiako Estatuan ordezkaritza txiki bat zuen plataforma batek deitu zuen greba, baina agerikoa da garraiolarien artean deialdiak izandako babesa, eta astearte honetan ordezkaritza zabalagoa duten elkarteak ere baitu zaizkie, erregaien prezioen gorakadagatik protestan.
Tarifen berrikuspen automatikoa da Hiru sindikatuak duen aldarrikapen nagusietako bat: lehengaia garestitzen bada, garestiago eskaintzea zerbitzua, eta alderantziz
“Duintasuna eskatzen dugu”
Espainiako Gobernuak Errepideko Garraioaren Batzorde Nazionalari hitzemandako 500 milioi euroko hobariak ez zaizkie nahikoa iruditu elkarte horiei. Grebarekin bat egin duen Hiru sindikatuarentzat ere behin behineko laguntza hori ez da soluzioa: “Gu eskatzen ari gara tarifak berrikustea gastuen arabera, eta dirulaguntza horrek ez du zentzurik”, azaldu dio Naiz irratiari Jon Altuna Hiruko ordezkariak.
Sánchezen gobernuak erregaien prezioari mugak jartzeko erakutsitako asmoa ez da “gaizki etorriko”, dio Hiruko kideak, baina ez da irtenbidea: “Beste era bateko aldaketak nahi ditugu, garraioak izan behar du prezio egoki bat, duina izan dadin, duintasuna eskatzen dugu”. Tarifen berrikuspen automatikoa da Hiru sindikatuak duen aldarrikapen nagusietako bat: lehengaia garestitzen bada, garestiago eskaintzea zerbitzua, eta alderantziz, merkatzen bada, merkeago izan dadila garraioa.
Hiruk salatu du Eusko Jaurlaritzak Guitrans elkartearekin eta portuetako eta plataforma logistikoetako langileen ordezkariekin bildu denean bazterrean utzi duela garraiolari autonomoen sindikatua. Aldiz, Nafarroako Gobernuarekin bildu da, Tradisnarekin batera: “Guk nahiko genuke administrazioekin batera lan egin eta hemengo garraioa laguntzeko zer neurri har daitezkeen aztertu”, azaldu dio Naiz irratiari Altunak.
Gertuko garraiolaria zaindu
Administrazioari bertako garraiolaria “zaindu” dezala eskatzen diote, eta Altunaren ustez horretarako badituzte eskuduntzak: “Asko egin dezakete garraioak prezio egoki bat izan dezan, inork ez dezan horren azpitik lan egin, prezio hori jaitsi ez dadin, eta ez dadin azpikontrataziorik edo jokabide makurrik egon. Horretan lan asko egin dezakete hemengo administrazioek”.
Baina egoera ez da batere erraza izaten ari bere hitzetan, batzuek kamioirik izan gabe irabazien “puska handi bat” eramaten duten bitartean, edo zerga ihesaren bidez eta jokabide desegoki edo makurrekin gidariak baldintza kaskarretan dituzten bitartean, bestetzuk ez daudelako prest “huskeria” bat irabaztearren arriskutsua den lanbide batean jarraitzeko: “Garraiolari autonomoa gaur egungo baldintzetan desagertu egingo da, eta desagertuko da gertuko garraio hori, gure ustez eraginkorra dena”.
Ukrainako fluxua eten ostean, Errusiako gasa jasotzen jarraituko duela iragarri du Eslovakiak, eta Transnistriak uko egin dio Europaren "laguntzari".
Stargate izeneko proiektuarentzat 500.000 milioi dolarreko inbertsioa iragarri du AEBetako presidente izendatu berriak. OpenAI, SoftBank eta Oracle konpainiek hartuko dute parte.
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Centre Tricontinental erakundeak kongoarren erresistentzia historikoa deskribatu du The Congolese Fight for Their Own Wealth (Kongoko herriak bere aberastasunaren alde borrokan dihardu) dosierrean (2024ko uztaila, 77. zk). Kolonialismo garaian, Belgikako Force Publique-k... [+]
Balio digu ilunabarrarekin azken erretratu hori ateratzeko. Edo istant batean ordaintzeko barrako zerbitzariari eskatu berri diogun marianitoa. Eta ze arraio, Levi’sak imitatu nahi dituzten praken atzealdeko poltsikoan ezin hobeto datoz. Horretarako ere balio du... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
Sustrai Erakuntza fundazioak desazkundeari buruzko jardunaldiak egin zituen Iruñean urriaren amaieran. Han eman zuen hitzaldia Luis González Reyesek (Madril, 1974). Adrián Almazánekin batera 2023an argitaratutako liburua izan zuen oinarri:... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Code Rouge mugimenduko ekintzaileek hainbatetan salatu dutenez, irabazi geroz eta handiagoak lortzearren Total Energies enpresak ingurumena kutsatu eta lekuko komunitateak kaltetzen ditu. Horregatik blokeatu dute Belgikako Feluy hirian duen fabrika, eta protestak egin dituzte... [+]
Azkenaldian bestelako argumentuak landu dizkigute, Euskal Herriko inguruetan makroproiektuak beharrezkoak direla konbentzitu gaitezen. Erakusgarria iruditu zitzaidan honekiko, Bizkaiko EHNEren webgunean Jauzi Ekosoziala ekimeneko partaide bati argitaraturiko artikulua: "Por... [+]
Joan den irailaren 3an, Nafarroako Aldizkari Ofizialean argitaratu zen Nafarroako Gobernuak Nafarroako Energia Planaren eguneraketa publiko jarri duela. Urrats garrantzitsua izan beharko luke horrek gure komunitatearen etorkizunerako, energiak zein beronen erabilerak gure... [+]
Nafarroako Energia Eraldatzen poligono berriztagarri handien aurkako koordinadorak trantsizio energetikoa birpentsatzeko hirugarren jardunaldien deialdia da. Topaketa horietan, energiaren arazoa eta gizarte egituraren desazkundearen beharrari buruz hausnartuko dute.