Poliziaren pean dagoena Yssoufou Traore da. Zehazkiago, Frantziako Poliziak 2016an hildako Adamaren anaia. Lurreraturik dute, belaunarekin blokeaturik. Oroit George Floyd? Postura horretan hil zuen Poliziak. Postura berean hil zen Yssoufouren anaia ere. Justizia eta erreparazioa galdetzeko manifestazioaren ondotik ateratako argazkia da. Atxilotu eta komisariara. Komisariatik ospitalera. Salaketa jarri du. Beste behin justizia eske.
Poliziak Nahel Merzouk gaztetxoa hil zuenetik hamaika egunetara. Kontrol batean tiroz hil du Poliziak, kitorik. Eskerrak hortik zihoan batek unea grabatu izana. Bestela, Alhoussein Camara-ren gisa geldituko zen: inoiz argitu gabeko Poliziaren hilketa bat, eta hildakoaren hurbilekoentzat sekula aitortu gabeko injustizia bat. Nahel Merzouk hil baino hamabost egun lehenago hil zuen Alhoussein Camara Poliziak, kontrol batean. Legea bere alde du Frantziako Poliziak: kontroletik ihes egiteagatik, zilegizko defentsa bideratu dezake, bere bizia arriskuan duelakoan. Zilegi du Poliziak arma tiro pum parekoaren bizitzari bukaera ematea. Frantziako Estatuan, beltz eta arabiar bat zuri bat baino hogei aldiz gehiago kontrolatua da. Hori dio eskubideei begira dagoen Estatuaren Defenseur des droits instituzioak. Enegarren aldiz bideraturiko kontrolak ezinegona sortzen diola? Kasu, arma tiro pum. Zenbakia plazaratu berri du Basta komunikabide independenteak: 26 herritar hil zituen tiroz iaz Frantziako Poliziak. Banlieue edo auzo popularretakoen lekukotasunak irakurri eta esanguratsua da zenbatek dioten "Nahelen istorioa entzutearekin nire anaia txikia izan zitekeela pentsatu dut". Frantziako auzo popularretako anaia, arreba eta ahizpa guzien eguneroko ogi direlako Polizia armatuaren kontrolak.
Bizitza aitzina doa suteek kiskalitako auzo horietan. Sua piztu zuena dabil orain erre usaina arnasten, eta arras ongi daki egunerokoak berdin-berdin segituko duela beretzat. Akim 1979; Toumi 1983; Ibrahim 1994; Zyed eta Bouna 2005ean; Theo 2017; Nahel 2023… Poliziak hildakoaren izena eta matxinada urtea. Horrela osatu dezakegu banlieue-en historia bat. Suteek balio digute gureratzeko auzo horietan bazterturiko eta ahantzitakoen errealitatea. Oroitarazteko han direla, langabezian, zerbitzu publikoen eskasian, eskaintza artistikoaz urrun, diskriminazioen artean, gaizki izatean eta Poliziaren baitako arrazakeria sistemikoaren jomugan.
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Azahara Domínguez Gipuzkoako Mugikortasun, Turismo eta Antolamendu Saileko diputatuak iragarri du, Jabier Zabaleta Ertzaintzaren buruarekin bildu ostean. Besteak beste, sexu erasoei aurre egiteko baliabideak eskainiko dizkiete, biktimak "azkarrago artatzeko... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.