Garoñaren desegitea 2023ko ekainean hasiko da
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Garoñako desegite prozesuko zuzendari Manuel Ondarok SER irratian jakitera eman duenez, 2023ko ekainean hasi eta 2033an amaituko dira desegite-lanak. Bi fasetan gauzatuko dute prozesua: lehendabizi, igerilekuak husteari ekingo diote; eta ondoren iritsiko da erreaktorearen desmuntatzea.
Hamar urte igaro dira Segurtasun Nuklearreko Kontseiluak Garoñaren jarduera etetea eta zentrala ixtea agindu zuenetik, 2012ko abenduaren 16an. Nolanahi ere, zentral nuklearraren jarduera 2018ra arte luzatu zen azkenean, itxiera bera eta desegite prozesua nabarmen atzeratuz.
2020an, Espainiako Gobernuak eta Nuclenorrek zentrala desegiteko lanak eta, ondoren, titulartasuna esleitu zizkioten hondakin erradioaktiboen tratamenduan espezializatutako Enresa enpresari. Orain, aginduzko agiriak aurkeztu ondoren eta Segurtasun Nuklearreko Kontseiluaren onespenarekin, laster hasiko dira lanak. Ondarok ziurtatu duenez, datorren urteko ekainean izango da hori: "Martxoan txosten teknikoa lortzea espero dugu, prestaketari lehenbailehen ekiteko".
Bi fase: igerilekua eta erreaktorea
Proiektuaren arabera, prozesuak bi fase izango ditu, eta hamar urtez luzatuko da; hau da, 2023ra arte:
- Lehen fasea (3 urte): igerilekuak hustu, erregaia kudeatu eta turbinak desmuntatzeko prestaketa jarduerak.
- Bigarren fasea (7 urte): erreaktorearen ontziaren segmentazioa, askoz ere delikatuagoa.
Eta hondakinekin zer?
Behin betiko desegitearen ostean, hondakin erradioaktiboen %15 (jarduera handiko zein txikiko material erradioaktiboak) zentralean bertan geratuko dira behin-behinean, zigilatuta. Ondaroren arabera, "pertsonentzat eta ingurumenarentzat arriskurik gabe" egin ahal izango da hori. Hala ere, kritiko agertu da Ekologistak Martxan taldea: "Hondakin horiek ezin dira tratatu, biltegiratu bakarrik, eta erantzukizun hori guztiok hartu behar dugu".
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]
Zentral nuklearraren eraispen lanen planifikazioan "gabeziak" daudela egiaztatu du CSNk, eta ohartarazi du egoera horregatik Nuclenorrek erradiazio arriskuen berrebaluazioak egin behar izan dituela. Jasotako erradiazio dosi kolektiboak zehazteaz gain, dosi indibidualak... [+]