Garoña berriz martxan jarri ahal izateko, legedia aldatu du Espainiako Gobernuak
Garoñako zentral nuklearra kudeatzeaz arduratzen den Nuclenor enpresaren neurrira egindako dekretua onartu zuen ostiralean Espainiako Gobernuak. Horri esker, zentralaren arduradunek bost hilabete dituzte erabakitzeko Garoña berriz martxan jarri nahi al duten.
Iberdrola eta Endesa konpainia elektrikoek osatzen duten Nuclenor enpresari alfonbra gorria jarri dio Gobernuak: dekretuaren arabera, zentral nuklearren ixtea segurtasun arrazoiengatik baino ez da izango behin betikoa. Arrazoia ekonomikoa denean, kudeatzaileek urtebeteko epea dute berriz ere martxan segi nahi duten erabakitzeko. Garoña 2012ko abenduan gelditu zutenez, datorren uztailaren 6ra arte dute deliberatzeko.
Nahiz eta zentral zaharraren segurtasuna aspalditik dagoen ezbaian, atzean interes ugari dituen Segurtasun Nuklearraren Kontseiluak Garoña irekita mantentzearen alde egin du beti, eta hortaz, argudio ekonomikoek baldintzatuko dute zentralaren jarraipena: iaz itxiko zutela iragarri zuten arduradunek, Espainiako Gobernuak erregai nuklearrari jarri nahi zion zerga kentzeko presioa egin nahian. Orain, Fukushiman gertatutakoaren ondotik ezarri diren segurtasun neurri berriekin, gutxienez 100 milioi euroko inbertsioa egin beharko luke Garoñak.
Zer egingo du Garoñak?
Ekonomikoki errentagarria den begiratuko du Nuclenorrek, merkeagoa ateratzen ote zaion irekita mantentzea, ixtea baino. Dekretuaz adierazi du "oso positiboa" dela eta "Nuclenorrek baldintza berriak baloratuko" dituela, baimena berritu edo ez erabaki aurretik. Bost hilabete ditu horretarako, eta ikusi den moduan, Espainiako Gobernuaren laguntza eta babes osoa.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]