Garik eta Josu Zabalak bigarren kontzertu bat ere emango dute Hertzainak taldearen errepertorioarekin
Asteazken honetan iragarri dutenez, Garik eta Josu Zabalak bi kontzertu emango dituzte Hertzainak taldearen errepertorioa joz. Irailaren 26an Bilboko Euskalduna jauregian ematekoak diren kontzerturako sarrera guztiak agortu ondoren, irailaren 25ean beste zita bat jarri dute 80ko hamarkadako taldearen nostalgikoentzat.
"Inun baino alaiagoa izanen da" izenarekin bataiatu dituzte bi kontzertuok, Gasteizen sorturiko taldearen lehen diskoko Ta zer ez da berdin kantako letra-zati bat hartuz. Aurten 38 urte beteko dira euskaraz punka eta ska uztartzen aitzindarietako bat izan zen taldea jaio zenetik eta, adierazi dutenez, urteurren horrekin dauka lotura bi musikarien elkartze honek.
Irailaren 25ean Bilboko Euskaldunak jotzekoak zirela argitaratu eta berehala, kontzertu horretako sarrerak agortu egin ziren. Hori dela-eta, ahalik eta zale gehienek emanaldiaz gozatu ahal izateko, beste hitzordu bat iragarri dute asteazken honetan. Irailaren 25ean izango da, Euskalduna jauregian hau ere.
Hertzainak taldearen aurreko berpizteak
1993an utzi zion Hertzainak taldeak zuzenean jotzeari Anoetako kiroldegian (Donostia) jo zuten hondarreko kontzertuaren ondoren (osorik ikus daiteke beheko bideoan).
Geroztik gutxi batzutan berragertu da taldea eszenatoki gainean: 1993an bertan, Izarran (Araba) elkartu ziren, 45 minutuko kontzertu bat eskaintzeko, Kubarekin elkartasunez. Araba Euskaraz batean jotzeko ere elkartu ziren, baita 1990eko hamarkadaren bigarren zatian Donostian Ernesto Guevara "Che" iraultzailearen omenez antolatutako jaialdi batean ere.
2012ra arte itxaron behar izan zen taldea berriz oholtza gainean ikusteko. Gasteizko Helldorado aretoan izan zen, Tito Aldama taldeko kideari egindako omenaldian (beheko bideoan Hertzainak kanta nola jo zuten ikus daiteke).
Urte hartan bertan, Garik eta Josu Zabalak elkarrekin beste emanaldiren bat ere egin zuten, Ondarroako Kafe Antzokian adibidez. Beheko irudietan Si vis pacem parabellum kantatzen ikus daitezke.
Euskaldunako bi kontzertuek badute denboran hurbilago geratzen zen aurrekari bat ere: Garik eta Josu Zabalak Aitormena klasikoa eta beste bost kanta elkarrekin jo zituzten aurtengo otsailean Bilboko Arriagan, Gariren kontzertu batean. EITBk jaso zuen momentua.
‘Azkena gure alde’ izeneko azken bira egingo dute taldeko Gari, Josu Zabala eta Txanpik. Irailaren 29an emango dute xehetasun gehiago.
Udako jai ibilbidea bukatu da, eta jende askok bere gorputza astindu du reggeatoiaren erritmora. Dantza horiek hauspotu dituen abestietako bat ere ez da euskaraz izan.
Iñigo Muguruza Irungo musikaria ostegun honetan hil da. Esklerosi anizkoitza zeukan eta gaixotasun hori dela-eta eszenatokiak utzi zituen 2015ean.
Kontzertua irailean izango da eta Hertzainak taldearen sei diskoetako abestiak joko dituzte eskainiko duten kontzertu "errepikaezinean".
Bere itzulera iragarri du La Polla Records taldeak. Interneten sartuta jakin dut 84an atera zuela estudioko lehen albuma (Salve), eta 85ean bigarrena (Revolución). Gogoan dut, artean nerabezarora iritsi gabea banintzen ere, lehen bi disko haietako kantak Gasteizko Plaza... [+]
Evaristo Páramos buru duen La Polla taldea eszenatoki gainean ikusteko aukera izango da aurten, Hala Bedi irratiak informatu duenez. Taldearen 40. urteurrenarekin batera itzuliko dira zuzenekoetara.
Hitz lodi zaleak gara euskaldunak, gustatzen zaigu politika, gustatzen zaigu estrategia, iraganean galdu omen genuena etorkizunera proiektatzea, eta hura lortzeko urratsak aurrez ondo zehaztea. Kulturan ere halatsu, kinkan dela euskal kultura, gale edo gabe egiteko unea dela,... [+]
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.
Txosna eta jaialdietan beti musika berbera entzuten dela, oraindik ere 80ko hamarkadan sortutako korronteetatik ari garela edaten, gero eta gehiago direla ingelesez sortzen duten musikariak… Tabernazulo (fisiko zein digitaletako) tertulietan gero eta ohikoagoak diren... [+]
Berri Txarrak taldeak bere webgunean erantzun dio Aragoiko PPren zentsura saiakerari.
Elena Lopez Aguirre Gasteizko kazetari beteranoak musika bete-betean bizi izan duten Euskal Herriko 25 emakumeren bizipenak jaso ditu Neskatxa maite. 25 mujeres que la música vasca no debería de olvidar (Ediciones Aianai / Baga-Biga) liburuan. Batzuk besteak baino... [+]
Jul Bolinaga RIP musika taldeko kideari "lagun eta musikari moduan" omentzeko jaialdi handia egingo dute Arrasateko Monterron parkean ekainaren 27an.
Ez dakit zertarako nekatzen garen iritzi, analisi eta interpretazio berriak idazten Sestaoko alkatearen adierazpen arrazisten harira, kasu honentzat beren beregi sortua dirudien La Pollaren La solución final eskura edukita.