“Garapenerako laguntzen forma hartu du kolonialismoak”
Emakumeen Mundu Martxaren V. ediziotik tiraka, Bergarako Martxanterak taldea hainbat gai lantzen ari dira azarotik martxora bitartean. Migrazioen kudeaketa Europa gotorlekuan hitzaldia eskaini zuen Kartzela Zaharrean, Cecilia Themmek (Lima, 1967), Emakume Migratu eta Arrazializatuen Euskal Herriko Sareko kideak.
2016an sortu zenuten Euskal herriko emakume arrazializatu eta migratuen sarea; zer helbururekin abiatu zenuten?
Kolektibo ez misto bat gara, Euskal Herrian bizi diren emakume arrazializatu eta migratuek soilik osatzen duguna, Euskal Herrian bizi dugun egoeraz hausnartzeko asmoz. Proposamena gure arbasoen ondarearekin jarraitzea da; hau da, arrazakeriaren, kolonizazioaren eta pairatzen dugun ordena patriarkalaren aurka borrokatuko den feminismoa eraikitzen joatea.
Kolonialismoa pairatzen duten emakumeen ahotsa entzutearen garrantzia azpimarratu izan duzue...
Beharrezkoa ikusten genuen gure artean sareak sortzea, geure kontuez hitz egitea, guri eragiten digutenez, sistema kolonial, arrazista, kapitalista eta heteropatriarkalaren baitan beste gorputz batzuek bizi dituztenen bestelakoak direlako. Baita gure narratiba propioak guk geuk eraikitzeko beharra ere, bitartekaririk gabe. Adibidez, emakume migratuez hitz egin behar badugu, gu geu izatea hitza eta protagonismoa hartzen dugunak, eztabaidatzea eta argudio horiek guztiak jartzea mahai gainean.
Hitzaldira etorrita, zergatik Europa gotorlekua?
Europa, iparraldeko herrialde asko moduan, itxita dago, migratzeko eskubidea batzuentzat bakarrik utziz, eta ez guztientzat, hala, giza eskubideak urratuz. Kolonialismoak indarrean jarraitzen du; lehen, itsasontziak erabiltzen ziren, eta, orain, modernitatea, nazioarteko enpresak eta garapenerako laguntzen forma hartu du. Mugak altxatzen dira pertsonentzat, baina ez lehengai eta merkantzientzat. Etengabeko harrapaketa eta pobretze horrek sortzen ditu migrazioak. Diskurtso hegemonikoaren atzean ordena sozial bat dago, arrazazkoa. Estraktibismo horrek milaka pertsona migratzera behartzen ditu; asko migratu nahi ez duten pertsonak izaten dira, euren burua horretara behartuta ikusten dutenak. Gorputz batzuk horrela ere heriotzara kondenatuta daude; nekropolitikei esker, heriotzaren politika horiek hainbat pertsona hiltzera kondenatzen dituzte. Horren adibide da egun dugun hobi komun handienetako bat, Mediterraneoa. Hala, Europa gotorlekua pertsonentzat itxita egotea, eta ez merkataritzarako indarrean dagoen sistema kolonialaren ondoriotzat ulertu behar da egungo testuinguruan.
Zer dakar Europako estatuentzat itxiera horrek?
Espainiako Estatuaren kasuan, esaterako, migrazio-politikaren kontrola industria handi bilakatu da. Por Causa fundazioaren datuen arabera, 2014tik 2019ra bitartean Espainiako Gobernuak 1.600 kontratu publiko baino gehiagoren bidez 164 milioi euro esleitu zizkien migrazioa kontrolatzeko enpresei; gehienak lehiaketa publiko gabe esleituak, gainera.
Nola egin aurre diskurtso hegemoniko eta kolonialismo horri?
Pertsona arrazializatu eta migratuak askotarikoak gara gure borroketan; hortaz, askotariko erresistentziak sortzen dira, narratiba bera bezala. Nire kolektiboaren kasuan, gauzak dekolonialitatearen paradigmatik ikusteak zentzua ematen dio gertatzen den guztiari, baita errealitatea lerro jarraitu gisa ez ulertzeak. Guretzat lerroak zirkularrak dira, nondik gatozen eta norantz goazen finkatuz.
Bilbo, 1954. Hiriko Alfer eta Gaizkileen Auzitegia homosexualen aurka jazartzen hasi zen, erregimen frankistak izen bereko legea (Ley de Vagos y Maleantes, 1933) espresuki horretarako egokitu ondoren. Frankismoak homosexualen aurka egiten zuen lehenago ere, eta 1970ean legea... [+]
“Hondakinik ez platerean!”. Hori zen kontsigna gure txikitako otorduetan. Janariak zeozer sakratu bazukeen, batez ere ogiak; lurrera erori eta, jasotakoan, musua eman behar zitzaion. Harik eta adin zozoan mamia baztertzeko moda etorri zen arte, lodiarazten zuelakoan... [+]
Zenbait estatistikak berretsi dute begiak hondar urteotan ikusten ari zirena: gimnasioak (eta estetika-zentroak eta nolako-edo-halako-terapia eskaintzen duten negozioak) nabarmen ugaldu dira gurean. EITBk plazaratutako datu bat emateko: EAEn 2010-2019 urteen bitartean, zazpi... [+]
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Martxoaren 14an Donald Trumpek agindu exekutibo bat sinatu zuen, hainbat berri agentziak jasotzen duten diru kopurua asko murrizteko. Kaltetuetako bat United States Agency for Global Media (USAGM) izan zen eta, ondorioz, Voice of America (VOA), Radio Free Europe/Radio Liberty... [+]
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Kosovoko gerratik 25 urte pasatu diren arren, tentsioa nabaria da iparraldean bizi diren bi komunitate nagusien artean: albaniarrak eta serbiarrak. Azken bi urteetan gertatutakoek zauria gehiago irekitzea lortu dute eta egoera gaiztotu da, bereziki Kosovska Mitrovica hirian... [+]
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Hunkituta eta ilusioz egin dut Iruñetik Oronozerako bidea. Maite dut Olaia entzutea, baita hizketan ere. Herriko farmaziaren ondoan autoa utzi eta balkoitik agurtu naute hark eta bere zakur Arak. Grabagailua martxan jarri aurretik, bueltaxka egin dugu frontoira eta Arak... [+]
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Joan den asteko kaleratze "ilegala" salatzeko, manifestaziora deitu dute ostiral arratsalderako.
Nortasuna Sarean jardunaldien 10. edizioa egingo dute asteazken honetan Donostiako San Telmon, KomunikaziONA bideguruatzean izenburupean. Egungo komunikazio joerak aztertu eta "alternatiba osasuntsuagoak" topatzen saiatuko dira. Hainbat hizlari gonbidatu dituzte, euren... [+]
Signal aplikazioaren talde batera sartzeko gonbidapena iritsi zitzaion Jeffrey Goldberg The Atlantic hedabideko editoreari, Michael Waltz AEBetako Segurtasun Nazionalerako aholkulariak bidalia. Yemengo hutien aurkako erasoak koordinatzeko erabiltzen zuten taldea... [+]