Garaikoetxeak arbuiatu egin du EA EH Bildun integratzea
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.
Kurtso politikoaren hasieran egin ditu adierazpenak Eusko Jaurlaritzako lehendakari ohiak, EAko militante kritikoen aurrean. EH Bilduk koalizio gisa jarraitu behar duela defenditu du EAko lehendakari ohiak, EA alderdi sozialdemokrata dela eta ezingo litzatekeela integratu ideologia marxista duen alderdi batean, aipatu gabe ere Sortu-ri erreferentzia eginez.
EAren baitan borroka handia dago EAk EH Bildun izan behar duen funtzioaz eta honen nolakotasunaz, eta egungo zuzendaritzarekiko sektore kritiko zabala dago salatuz zuzendaritzak ezerezera eramango duela EA, alderdia EH Bildun integratuta. Hori dela eta, ezohiko kongresua eskatzen ari da aspaldi alderdiak gai giltzarri horren inguruan erabaki dezan. Ez hori bakarrik, kritikoen ustez, egungo EAko zuzendaritza zalantzaz beteriko prozedurekin hautatu zuten eta berritu beharko litzateke zuzendaritza hautatzeko prozesua.
Igandeko ekitaldian Joseba Elosegi 36ko Gerrako gudaria eta EAko senataria izandakoa omendu zuten. Aurten bete dira 50 urte Elosegik bere buruari su eman eta Franco diktadorearen aurrean bota zela Donostiako Anoetako pilotalekuan.
Joseba Elosegi begiratokia
[Irutxuloko Hitzaren informazioa] Joseba Elosegi borrokalari abertzale antifaxistaren omenezko ekitaldia egin dute igande honetan bere izena duen begiratokian Donostiako Eusko Alkartasunako kideek. Omenaldi “xumea” izan da, eta bere ondorengoak eta EAko militante historikoak San Bartolome muinoko begiratokian izan dira. Hitzaldia eta lore eskaintza egin dituzte EAkoek.
“Sentimendu handikoa” izan da omenaldia, Jabier Estebanez EAko kidearen ustez: “Joseba Elosegi erreferentea da edozein abertzalerentzat, eta bere figura oso estimatua da gure afiliazioagatik. Oraindik ere jende askok gogoratzen ditu Amarako Alkartetxean izaten zituen hitzartzeak. Esan genezake Joseba Elosegi, Eusko Alkartasunako militantea izateaz gain, erreferentea dela gure erakundearentzat”.
“Asko dugu ikasteko” Joseba Elosegik egindakotik, Estebanezen ustetan: “Joseba Elosegik, bere ekintza eta konpromiso militantearekin, itxaropena eta batasuna bultzatu zituen gure askatasunen aldeko borrokan, diktadura frankistaren eta faxismoaren aurka borrokatu zuen. Eduki zuen konpromisoa miresteko modukoa da”.
San Bartolomeko muinoan eraikitako begiratokiari Joseba Elosegi izena jarri diote, eta positiboki baloratu du Estebanezek: “Polita izan zen sentsibilitate politiko ezberdinetako bozeramaileak Joseba Elosegiren lana goraipatzen ikustea, eta are politagoa aukeratutako lekua. Handik ikusten da Artzain Ona, 1946ko uztailaren 18an ikurrina jarri zuen tokia eta Urbieta kaleko bere etxea”.
Hala ere, “omenaldirik onena bere irudia ezagutzea da”, Estebanezen arabera. Horretarako, Elosegik idatzitako liburua irakurri daiteke: Quiero morir por algo.
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]
Giro onean burutu da astelehenean Imanol Pradales Eusko Jaurlaritzako Lehendakariaren eta Euskal Herria Bilduko bozeramaile Pello Otxandianoren arteko bilera. Hala esan du Otxandianok berak ordu bat eta 40 minutu inguru luzatu den bilera bukatzerakoan. Pradalesek oposizioko... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Iruñean egin dituzte adierazpenak EH Bilduko ordezkariek, emaitzak jakin eta gutxira. Arnaldo Otegi EH Bilduko koordinatzaile nagusiak mezu bat igorri nahi izan dio “Euskal Herria osoari: kanpainaren azken zatian, amets bat eta erronka bat nuela plazaratu nuen, Hego... [+]
Gipuzkoan izan du babes gehien EH Bilduk, eta 2 eserleku gehiago lortu ditu; 135.000 boto baino gehiago eskuratu ditu, eta 5 puntu egin du gora. EAJk eserleku bat galdu du, eta 9rekin geratu da; 4 puntu egin du behera. Donostian boto gutxigatik irabazi du EAJk, eta udalerri... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Euskal Herrian eta Europan bizi den euskal herritar bat naiz.
Europako egoera geopolitikoa kontuan hartuta, nahiz eta 2014ean hasitako gatazka izan, Mendebaldeko hedabide ofizialek Ukrainako guda deitzen duten gerra 2022ko otsailean hasi zen, eta dagoeneko hirugarren urtean... [+]
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]