Altxamendu guztiek historia bat dute atzetik, sarritan ikustezina, infrapolitikoa, entzuten ez dena. Gamonal auzoan gertatu dena (herritarren monilizazioek bulebarreko obrak gelditu dituzte "behin behinean" ) ere ez da atzo goizeko kontua.
2005ean, Gamonoleko herritarrak PPko Udalak eraiki nahi zuen lurrazpiko aparkaleku baten kontra altxa ziren. 15 manifestazio eta 10.500 sinaduraren ostean, proiektua bertan behera uztea lortu zuten auzokideek. Mobilizazio jendetsuak izan ziren eta 9 atxilotu utzi zituzten orduko protestek.
2011ko udan, Burgosko Udalak Gamonal auzoa "hobetzeko" proiektua aurkeztu zuen, eta bulebarra eraikitzeko asmoa jarri zuen mahai gainean. Bizilagunek egitasmo horren berri izan zutenetik kontrako jarrera erakutsi dute. Besteak beste, Bulebarrik ez orain plataforma sortu zen eta hainbat ekimen baketsu egin dituzte proiektua geldiarazteko.
Duela bi urte Gamonaleko bizilagunak proiektuaren aurka azaldu ziren herri-galdeketa baten bidez. Auzokideen nahiaren kontra egitasmoak aurrera jarraitu du.
Iragan ostiralean, 2014ko urtarrilaren 10a, pertsona talde batek obrak geldiarazteko saiakera egin zuen giza-kate bat eginez. Poliziek joka erantzun zuten eta berehala sakabanatu zituzten; eta makinek haien lana hasi zuten. Hurrengo egunean 200 pertsona atera ziren kalera makinen aurrera eta ordutik adin guztietako jendea batu da protestetan, adinekoak, helduak, gazteak eta baita haurrak ere.
Protestek bost eguneko istilu larriak utzi dituzte auzotarren eta poliziaren artean. Egunetik egunera errepresioa handitzen joan da, eta guztira 46 atxilotu eta hainbat zauritu utzi dituzte egunotako liskarrek.
Sua piztu duen txinparta
90.000 biztanleko langile auzoa da Gamonal, azken urte gutxietan bertako industriaren %40a itxi da; eta langabezia datuak izugarri altuak dira. Jendearen haserrea areagotzen ari zen aspalditik eta bulebarraren proiektuak sua piztu du.
Oparoaldian jendeak azpiegitura handien proiektuaren aurrean beste aldera begiratu ohi du. Baina murrizketak jendarteko sektore guztietara iristen direnean jendea altxatzen hasten da.
Horren harira, Guillermo Zapata idazleak Eldiario.es atarian argitaratutako artikuluan Gamonaleko herritarrek erakutsi duten jarrera zoriontzen du. Eta honakoa galderak planteatzen ditu : “zenbat barrikada jar genitzakeen Madrilgo M30ean edo Castellóko aereportuan? Edo Costa del Solen?”
Proiektuaren gardentasuna zalantzan
Antonio Miguel Mendez Pozo Burgosko enpresari ezagunari esleitu zioten bulebarraren proiektua. 1992an zazpi urteko kartzela zigorra eskatu zuten Mendezentzat irregulartasun urbanistikoak egotzita. Horretaz gain, enpresariak Burgosko alkatearekin duen harreman estuak herritarrak haserretu ditu.
Isiltasun mediatikoa eta manipulazioa
Hedabide nagusien manipulazioa salatu dute bizilagunek. Bereziki bertako Diario de Burgos egunkariak erakutsi duen jarrera jarri dute ezbaian. Auzokideek eguneroko manifestazioetan kazetaren egoitzaren aurrean elkarretaratzea egiten zuten egunkariak proiektuaren alde agertutako posizioagatik. Mendez Pozo enpresaria da hain zuzen Diario de Burgosen jabea.
Haien protesta sare sozialei esker zabaldu dela gogorarazi dute. Bertako medioengatik balitz inork ez lukeela haien eskaeraren berri izanen.
Bestalde, kritikatu dute ia hamar urte daramatzatela borrokan eta kaleko istiluak hasi diren artean inork ez diela ahotsik eman.
Astakeria eta hanka-sartzeak ere utzi ditu Gamonalko aferak. Ana Botella Madrilgo alkateak esaterako, Burgosko "atentatuak" kondenatzen dituela esan du.
Informazio gehiago: Twitterren #GamonalResiste eta #Gamonalenlucha etiketen bidez jarrai daiteke Burgosen gertatzen ari dena.
Donostiako Koldo Mitxelena Kulturuneko aretoa bete zen asteartean Sator Alaia kolektiboak metro proiektuari buruz antolatutako mahai inguruan. Honelako egitasmoetan herritarren erabakitzeko eskubidea aztertu zuten.
Duela urtebete Burgoseko Gamonal auzoko bizilagunek bulebar bat egiteko proiektu urbanistikoa geratzea lortu zuten protesta ikusgarrien bidez. Urteurrena ospatzeko hainbat ekintza antolatu dituzte.
Burgosko Gamonal auzoko batzarrak hiriko zezen plazaren birmoldaketaren kontrako protesta deitu du. Asanblada egingo dute ostiralean eguerdiko 12:30ean Burgosko Plaza Nagusian eta Udalaren osoko bilkuran parte hartuko dute obraren kontra zergatik egiten duten azaltzeko.
Askapena talde internazionalistaren eskutik Izquierda Castellana taldeko zenbait kide izan dira azken egunotan Euskal Herrian Gaztelako ezker soberanistari buruzko hitzaldiak emateko. Urretxu-Zumarragako gaztetxera hurbildu eta Alberto San Martin burgostarrarekin Gamonaleko,... [+]
Gamonaleko Bulebarraren Kontrako taldeko kide Roberto Dominguez elkarrizketatu du Oarsoaldea eta Bidasoako Hitzak, Oreretan protesten karietara eskaini zuen hitzaldi baten harira. Argi dauka pasatakoa ez dela gertakari isolatua, murrizketen eta egiturazko arazo sozialen... [+]
Burgosko Gamonal auzoari elkartasuna adierazteko manifestazioa egin zuten atzo Madrilen. Amaitu osteko liskarretan hamalau lagun atxilotu zituen poliziak, suhiltzaile bat tartean.
Azken urteotan, behin baino gehiagotan, komunikabideetan Nafarroa eta Burgos elkarren ondoan agertu izan dira, bi probintziak mugakideak ez badira ere. Lehenik eta behin, Yolanda Barcina, Nafarroako presidentea, Burgosen jaioa da, haurtzaroa Portugaleten hemen bazuen ere.
Ez dut uste Francisco Javier Lacalle Burgosko sheriffak gure herri eta hirietan azken hamarkadetan praktikan jarri diren politika urbanistikoen aldean ezer anomaloa egin duenik.
Burgosko alkateak iragarri du bertan behera utziko dituela Gamonal auzoko bulebarra eraikitzeko obrak. Bost egunez istilu larriak izan dira obren kontra protestan ari ziren auzotarren eta poliziaren artean.
Azken urteetan Burgosen gizarte gastuetan eman diren murrizketak proiektu urbanistikoak finantzatzeko erabili izan dira. Gamonal auzoan egin nahi den bulebarra eraikitzeko bideratuko den dirutzak istilu larriak eragin ditu azken egunotan hiriburuan.