Gamonal Asanbladak eta CSR zentro sozialak egitarau zabala antolatu dute “auzo borrokaren” urteurrena ospatu eta liskarren harira auzipetutako bizilagunei babesa adierazteko. Asanbladako kide bat elkarrizketatu du Onda Expansiva irrati libreak.
Hamar egun inguru iraungo du urteurrenaren ospakizunak, kalean “borrokan” pasa zituzten egun kopuru bera. Gamonaleko asanbladako kideak azaldu duenez, borrokaren errepresentazio bat izatea nahi dute.
Ekintza nagusienen artean kontzertuak eta manifestazioak daude. Kontzertu gehienak auzoko eta inguruko jendeak eskainiko ditu eta bertan batutako dirua auzipetutako 50 pertsona ingururi laguntzeko erabiliko da.
Manifestazioak bi larunbatetan egingo dituzte. Lehenengoa auzipetuen aldekoa izango da eta Gamonal auzoan egingo dute. Bigarrena berriz, jendetsuagoa izatea espero dute eta Gamonaletik hasi eta Espainiako delegazioaren atariraino iritsiko da.
“Azken manifestazioa oihartzun handiagoa izateko pentsatua dago eta kanpotik elkartasuna adieraztera etorri nahi duen oro dago gonbidatua”, esan du.
Zezen plaza
Burgosen bigarren proiektu urbanistiko handi bat jarri zen abian urte berean. Proiektuaren asmoa Zezen plaza birmoldatzea eta “erabilera anitzeko toki” bihurtzea zen.
Egitasmoaren aurkako protestek aldiz, ez zuten hainbesteko oihartzunik izan eta proiektuak aurrera jarraitu zuen.
Gamonal Asanbladako kideak uste du ez zutela herritarrengana iristen jakin, eta hori izan zitekeela hainbesteko arrakasta ez izatearen arrazoia.
Auzoa zutik
“Auzo borrokarekin lortu genuen proiektu urbanistikoa geratzea, garaipen txiki bat izan zen baino asko dugu lortzeko”, azaldu du asanbladako kideak.
Gamonaleko istiluek auzoan pentsatzeko modu berri bat sortu dutela uste du. “Gauzak ez dira goizetik gauera aldatzen, pixkanaka joan gara auzo borroka oinarri hartuta herri hobea sortzen”, esan du.
Gamonalek erabakiak auzo moduan hartu nahi dituela ere adierazi du: “Auzo gisa identifikatzen gara, elkar gehiago ezagutzen dugulako”.
Donostiako Koldo Mitxelena Kulturuneko aretoa bete zen asteartean Sator Alaia kolektiboak metro proiektuari buruz antolatutako mahai inguruan. Honelako egitasmoetan herritarren erabakitzeko eskubidea aztertu zuten.
Burgosko Gamonal auzoko batzarrak hiriko zezen plazaren birmoldaketaren kontrako protesta deitu du. Asanblada egingo dute ostiralean eguerdiko 12:30ean Burgosko Plaza Nagusian eta Udalaren osoko bilkuran parte hartuko dute obraren kontra zergatik egiten duten azaltzeko.
Askapena talde internazionalistaren eskutik Izquierda Castellana taldeko zenbait kide izan dira azken egunotan Euskal Herrian Gaztelako ezker soberanistari buruzko hitzaldiak emateko. Urretxu-Zumarragako gaztetxera hurbildu eta Alberto San Martin burgostarrarekin Gamonaleko,... [+]
Gamonaleko Bulebarraren Kontrako taldeko kide Roberto Dominguez elkarrizketatu du Oarsoaldea eta Bidasoako Hitzak, Oreretan protesten karietara eskaini zuen hitzaldi baten harira. Argi dauka pasatakoa ez dela gertakari isolatua, murrizketen eta egiturazko arazo sozialen... [+]
Burgosko Gamonal auzoari elkartasuna adierazteko manifestazioa egin zuten atzo Madrilen. Amaitu osteko liskarretan hamalau lagun atxilotu zituen poliziak, suhiltzaile bat tartean.
Azken urteotan, behin baino gehiagotan, komunikabideetan Nafarroa eta Burgos elkarren ondoan agertu izan dira, bi probintziak mugakideak ez badira ere. Lehenik eta behin, Yolanda Barcina, Nafarroako presidentea, Burgosen jaioa da, haurtzaroa Portugaleten hemen bazuen ere.
Ez dut uste Francisco Javier Lacalle Burgosko sheriffak gure herri eta hirietan azken hamarkadetan praktikan jarri diren politika urbanistikoen aldean ezer anomaloa egin duenik.
Altxamendu guztiek historia bat dute atzetik, sarritan ikustezina, infrapolitikoa, entzuten ez dena. Gamonal auzoan gertatu dena (herritarren monilizazioek bulebarreko obrak gelditu dituzte "behin behinean" ) ere ez da atzo goizeko kontua.
Burgosko alkateak iragarri du bertan behera utziko dituela Gamonal auzoko bulebarra eraikitzeko obrak. Bost egunez istilu larriak izan dira obren kontra protestan ari ziren auzotarren eta poliziaren artean.
auzo baten haserrearen ispilu
Azken urteetan Burgosen gizarte gastuetan eman diren murrizketak proiektu urbanistikoak finantzatzeko erabili izan dira. Gamonal auzoan egin nahi den bulebarra eraikitzeko bideratuko den dirutzak istilu larriak eragin ditu azken egunotan hiriburuan.