Gamesako lanpostuen aldeko manifestaziora joateko deia egin dute Agoitzaldeko alkate eta eragileek
Agoitzeko lantegia itxi eta 239 langile kalean uzteko asmoa agertu du Siemens Gamesak, horren aurrean, mobilizazioak bizkortzen ari dira eta uztailaren 11n manifestazioa egingo dute eragile eta kargu publiko ugariren babesaz.
Agoitzeko Siemens Gamesako enpresa batzordea asteazkenean bildu zen zuzendaritzarekin eta lantegiaren itxieraren guztiz kontra daudela adierazi zieten langileen ordezkariek enpresako arduradunei, "guztiz lehiakorra eta produktiboa" delako.
ELA, LAB, UGT, CCOOk dute ordezkaritza enpresa batzordean eta denak bat datoz "deslokalizazio kasu garbi baten aurrean" gaudela esatean. Zehazki, susmoa dute produkzioa Portugalera eta Marokora eraman nahi duela enpresak, soldata naxuagoak izanik errentagarriagoa zaielako hegazkinen palak herrialde haietan egitea.
Enplegu Erregulazio Espedientea ezartzeko lehen bilera izan da uztailaren 8koa, baina langileek hasieratik erakutsi nahi izan dute ez daudela prest kalegorrian geratzeko, eta lanuzteaz gain mobilizazioekin hasiak dira. Hala, asteazkenean bertan dozenaka autoz osaturiko karabana osatu zuten lantegia dagoen poligonotik Iruñeraino, eta pankartak eta enpleguaren aldeko kartelak edonon ikus daitezke jadanik.
239 lanpostu daude jokoan, baina hori bakarrik ez, eskualdeko motor ekonomikoa den Agoitzeko lantegi handienetako bat desagertu daiteke; horrek, despopulazioaren bidea aspaldi hasi zuen Pirinioaurreari kolpe itzela eragingo lioke.
Larritasuna hainbestekoa da, ezen Agoitzaldeko alkate eta eragile ugarik prentsaurreko bateratua egin dute ostegun goizean, "deslokalizazio hutsa" dena salatu eta uztailaren 11n, larunbatarekin, Iruñean egingo den manifestaziora joateko deituz herritarrak, bai eskualdekoak nola Nafarroako beste tokietakoak. Hain justu, elkartasuna eta kezka adierazteko mezuak lurraldeko beste toki batzuetatik ere iristen ari dira; esaterako, Lizarrako Udalak adierazpena onartu du, "harridura" adieraziz Siemens-Gamesak erabakia "zein erraz" hartu duen.
Agoitzaldeko alkateek foru gobernuari irtenbide bat ere eskatu diote osteguneko agerraldian, eta gogorarazi dute administrazioak 9 milioi euro jarri zituela lantegian diru-laguntzetan eta onura fiskalen bidez: "Euren betebeharra da esku-hartu eta egoerari buelta ematea", adierazi du Angel Unzue Agoitzeko alkateak.
Enpresa batzordeak uztailaren 16an egingo du hurrengo bilera zuzendaritzarekin, asteburuko manifestazioak emandako indarra oso garrantzitsua izango dute mahai horretan esertzeko orduan.
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Astearteko manifestazioa bukatuta aldarrikapenak Parlamentu aurrera eraman dituzte. Zenbait bide moztu dituzte eta tentsio uneak izan dira Espainiako Poliziarekin.
Atenasera joan zen master tesia egitera. Ezin izan zuen doktoretza bertan egin: haren espezialitatea desagertu egin zen gobernuaren mozketekin. 2010eko krisiak Grezian harrapatu zuen, ordea, eta ikasi zuen kapitalismo globalak ongizate estatua erraz suntsi dezakeela.