Gamesak 155 langile kaleratuko ditu Euskal Herrian, gehienak Nafarroan
Siemens Gamesa multinazionalak Nafarroako Sarrigurengo lantegian 91 behargin utziko ditu kalean, Agustinosen 11 eta Orkoienen 4. Bizkaiko Zamudioko zentroan, berriz 48 kaleratze egingo ditu.
Jatorriz arabarra den baina egun Siemensek eskuratu duen Gamesa multinazionalak ostegunean jakinarazi du zenbat lagun utziko dituen kalean Euskal Herrian, mundu mailan egingo duen enplegu murrizketa dela-eta. Denera 155 langile kaleratuko ditu, gehienak Nafarroan (107), baina baita Bizkaian ere (48 lagun). Gipuzkoan ez du kaleratzerik egingo aerogeneradoreak egiten espezializaturiko markak.
Lehendik ere Gamesak iragarrita zuen mundu osoan dituen plantetako 6.000 lagun kaleratuko dituela datozen hiru urteetan –bere plantillaren %20–, eta zehazki horietatik 400 inguru Espainiako Estatuan izango direla –azkenean 273 lanpostu murriztuko ditu, dirudienez–.
Orain emandako datuekin, baieztatu da Euskal Herrian ere eragina izango duela murrizketak: lantaldearen %10 ingururi eragingo dio –guztira 2.000 lagun baino gehiago ari dira Gamesarentzat lanean euskal lurraldeetan–. Nolanahi ere, kaleratze kopurua uste baina handiagoa izan da Zamudion, pentsatzen zenaren ia bikoitza izan ere.
Nork esan du galerak?
Gamesak 135 milioi euroko "galerak" izan ditu azken sehilekoan eta burtsan atzeraka egin du azkenaldian, horrek inbertitzaileak uxatu omen ditu. Argudio hori eman dute multinazionaleko zuzendaritzako kideek langile murrizketa justifikatzeko.
Zerga aurreko 774 milioi euroko mozkinak izan ditu multinazionalak, aurreko urtean baino %18 gutxiago. Hau da, ez ditu "galerak" izan, etekin gutxiago baizik
ELA, LAB eta UGT-FICA sindikatuek aldiz, ezeztatu egin dituzte datu horiek, azaldu dutenez enpresak "inoiz baino etekin gehiago" pilatu du. Azken urtean 11.000 milioi euroko salmentak izan ditu multinazionalak eta zerga aurreko mozkinak 774 milioi eurokoak izan dira, aurreko urtean baino %18 gutxiago. Hau da, ez ditu "galerak" izan, etekin gutxiago baizik.
Azken urteetan Gamesaren goranzko bilakaera ikaragarria izan da, baina hilabete batzuetan joera hori leuntzen hasi orduko murrizketa plan basatia proposatu dute Europako lokomotorako kabinatik: bost langiletik bat kalera.
Sindikatuen esanetan, egungo egoera Siemensekin egindako fusioaren ondorio da. Gero eta garbiago geratzen ari da multinazional alemanak "hartzaren besakarda" emanez "xurgatu" egin duela Gasteizen 1976an sortutako enpresa –egoitza soziala Zamudion dauka egun– eta erabakigunea Euskal Herritik kanpo geratu dela.
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Siemens Energy konpainia alemaniarrak 4.588 milioi euroko galerak izango dituela baieztatu du eta bermea eskatu die Alemaniako eta Espainiako gobernuei. Azaroaren 21ean iragarriko du bere plan estrategikoa, eta ordurako jakingo da berregituratzeak nola eragingo duen bere Siemens... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Nafarroako Gobernuak Agoitzen "enpleguari eusteko duen ezintasuna" deitoratu dute Siemes-Gamesako langileek abuztuaren 5ean, enpresa batzordeak Nafarroako Gobernuarekin egin duen bileraren ostean. Bilera horretan, langileek adierazi dutenez, Gobernuak esan die [+]
Iruñeko Karlos III.a eta Nafarroako Gorteen artean egin dute protesta ekintza langileek. Agoizko lantegiaren itxierak 239 familia utziko ditu kalean, sindikatuen esanetan, “errentagarria eta bideragarria” izan arren.
Enpresak hamabost pertsona inguru kaleratzeko asmoa adierazi du. Hori dela eta, bi orduko lanuzteak deitu dituzte langileek uztailaren 23tik abuztuaren amaierara bitartean, zuzendaritzaren erabakia bertan behera uzteko asmoz.
Siemens Gamesako Agoitzeko langileak mobilizazioan ari dira dagoeneko, multinazional euskal-alemaniarrak “epe luzerako lehiakortasuna hobetzeko" desagerrarazi nahi dituen 239 lanpostuak defendatu asmoz.
Siemens Gamesak iragarri du 239 langile dituen Agoizko pala lantegia itxiko duela. Hamaika urteko jardueraren ondoren, albistea kolpe handia izan da Agoitz eta inguruetan.
Espainiar Estatuan Madril baino ez dago (%44,9) Nafarroaren aurretik. Nafarroako enpleguaren %17,5 sortzen dute erkidegoan dauden multinazionalen 154 enpresa filialek.
Oraindik informazio argirik ez badago ere, zenbait iturrik aipatzen dute 20-25 langile kaleratu nahi dituela Zamudioko plantatik. Sindikatuak haserre agertu dira.