Galiziako preso independentisten dispertsioa amaitu da
Espetxeetara Martxaren hamahirugarren edizioa berezia izan da Galizian. Lehendabiziko aldiz, partaideek ez dute urruneko espetxeetara bidaiatu beharrik izan preso galiziar independentistei berotasuna helarazteko. Borrokan jarraitzeko deia luzatzen dute presoen aldeko mugimenduek.
Urtero deitzen dute Espetxeetara Martxa Que voltem para a casa! plataformak eta Ceivar errepresioaren aurkako mugimenduak, Galiziako preso politiko independentisten alde. Aurreko edizioetan Espainiako Estatuko Aranjuez, Caceres edo Avilako espetxeetara bidaiatu behar izan dute. Aurten, lehendabizikoz, Galiziatik Galiziara egin dute bidaia ekainaren 1ean; Coruñako Teixeiro presondegira.
Bi hilabete inguru dira Teto R. Fialhega eta Edu Vigo presoak Dueñas eta Ocañako espetxeetatik Teixeirokora herriratu zituztenetik. Kolektiboko hirugarren presoa, Raul Agulheiro, Villabonan (Asturias) dago berak horrela eskatuta, presoaren sendiak hurbilen duen espetxea baita. Independentismoari loturiko beste bi presoak, Carlos Calvo eta Ariam Mosquera, ez dira kolektiboaren parte. Haiek ere bizitokitik hurbil daude espetxeratuak, Villabonan eta A laman (Ourense, Galizia) hurrenez hurren.
Sakabanaketaren amaiera borroka urte askoren emaitza da. Galiziako jendartearen sektore zabalek babestu dute aldarrikapena, BNG eta En Marea alderdi politikoek barne. Que voltem para a casa! plataformako kide Andy de Tenak La Directa-ri adierazitakoren arabera, urrats garrantzitsua da, baina berriak emateko beharra dago: “Sakabanketaren amaierarekin errepideko arriskuak desagertzen dira, gastu ekonomiko handiak eta sufrimendu ugari. Baina Teixeiro ez da espetxe gozoa. Aurten hildako bat egon da barnean, eta bi sute isolamendu moduluetan. Gure borroka ez da amaitu, adi jarraitzen dugu bere eskubide guztiak errespetatuak izan daitezen eta zigorra murriztu diezaieten, erabat bidegabea baita”.
Errepresioa, euskal erara
Ezkerreko independentismoak preso politikoak izan ditu hamarkadetan. 1990eko hamarkada amaieran Ejercito Guerrilheiro do Povo Galego Ceive-ri loturiko azken presoak irten ziren espetxeetatik. 2005etik aurrera belaunaldi berri bat izan da errepresioaren jo puntua.
Ordutik, independentismoa kolpatu duten operazioak Resistencia Galega taldearekin lotu ditu Espainiako Auzitegi Nazionalak, terrorismoaren aurkako legedi berezia aplikatuz. Galiziako mugimendu ugarik salatzen dute terrorismoaren aurkako borrokaren izenean gazte antolakundeen, gaztetxeen edo antolakunde politikoen aurka egin dela. Gaur egun, Causa Galiza antolakunde politikoko hamabi kide epaiketaren zain daude, Auzitegi Nazionalak auzipetuta.
Hemen, Galizacontrainfo-k martxaren inguruan ateratako bideoa:
BNG alderdiak deituta, Galiziako Aberri Egunean egin dute ekitaldia. Igandean, “mugarik gabeko” nazioaren aldeko deia zabaldu dute, “politika berde eta feminista” eraikitzeko asmoz.
Causa Galiza eta Ceivar antolakundeetako hamabi militante independentista epaitu dituzte Madrilgo Auzitegi Nazionalean, legezkoak eta publikoak izan diren jardueretan oinarrituz terrorismo delituak egotzita. Fiskaltzak 102 urteko kartzela zigorra eskatzen zuen denera, baita bi... [+]
Urriaren 19an makroepaiketa bat hasiko da Madrilgo Auzitegi Nazionalean. Hiru egunez Causa Galiza eta Ceivar antolakundeetako hamabi militante independentista epaituko dituzte, terrorismo delituak egotzita, legezkoak eta publikoak izan diren jardueretan oinarrituz. 102 espetxe... [+]
Akusatuen zigorraz gain, bi plataformen disoluzioa eskatu du auzitegiak. Terrorismoaren goratze delituak egin dituzten erakundeetan parte hartzea leporatzen diete. Akusatu bakoitzarentzat lau eta hamabi urte arteko espete zigorrak eskatu du Fiskal Nagusiak.
Guardia Zibilak polizia operazio egin zuen 2015ean, Causa Galiza erakunde armatu baten “beso politikoa” zela argudiatuta. Espainiako Auzitegi Nazionalak akusazioa beheratu die orain, eta terrorismoa goratu izana leporatzen die militante independentistei. Causa... [+]
Datorren larunbatean aurkeztuko dute ekimena Santiago de Compostelan. Kataluniako Òmnium Cultural elkartearekin antzekotasunak dituztela adierazi dute sortzaileek.
Galiziar preso independentisten senide eta lagunak biltzen dituen Que voltem para a casa! elkarteak deituta, dispertsioa salatzeko Marcha às cadeias izeneko martxa egingo dute Espainiako Estatuko hainbat espetxetara, otsailaren 3an eta 4an.
Espainiako Auzitegi Nazionalak zazpi urte eta sei hilabeteko espetxe zigorra ezarri dio Raul Agulheiro galiziar militante independentistari, defentsak, fiskaltzak eta Estatuko Abokatuak akordioa lortu eta gero. Fiskaltzaren hasierako zigor eskaria 29 urtekoa izan zen. 2014an... [+]
Jarduna urtebetez etetea agindu dio Espainiako Audientzia Nazionalak Causa Galizari, “prebentzio neurri” gisa. 2015eko urriaren 30ean Causa Galizako 9 kide hartu zituzten atxilo, “komunikatuak hedatzea, terrorismoa goratzea eta Exercito Guerrilheiro do Povo... [+]
Joan den urriaren 30ean Causa Galizako bederatzi militante atxilotu eta gero, espainiar Auzitegi Nazionaleko Eloy Velasco epaileak galiziar talde independentistaren aktibitatea bi urtez eteteko agindua eman zuen. Urtarrilaren 24an manifestazioa egin zuten Santiago de Compostelan... [+]
Goizean goiz hasi du Guardia Zibilak "Resistencia Galegaren inguruaren aurkako" operazioa. Poliziako iturriek esan dutenez bederatzi lagun atxilotu dituzte, den-denak Causa Galiza talde independendistako kideak, "terrorismoa goratzea" eta "Resistencia... [+]