Galiziako CCOOko langileek grebara jo dute, euren sindikatuaren aurka
"Sindikatuak enpresa zekenenak bezalaxe jokatzen du", salatu dute beharginek. 2014tik izoztuta duten hitzamen kolektiboa eguneratzea eta soldata-igoerak eskatzen dituzte.
Comisiones Obreras (CCOO) sindikatuko langileek beren sindikatuaren aurkako grebari ekin diote Galizian. Zentral sindikalak soldatapean dituen 51 langilek greba mugagabe batera deitu dute urtarrilaren 23tik aurrera, bederatzi urtez hitzarmena blokeatuta egon ondoren. Soldata-hobekuntzak eskatuko dituzte grebaldiaren bidez; izan ere, une honetan, hilean 80 euroko aldea dago batez beste, greba batzordearen eskaeraren eta zuzendaritzaren proposamenaren artean. "Sindikatuak langile guztientzat eskatzen duena da eskatzen duguna", adierazi dute grebalariek. "Enpresarik zitalenarekin" konparatu dute CCOOko zuzendaritza.
Grebalarien bozeramaileak zehaztu duenez, soldaten izozteak 2010ean hasi ziren aplikatzen, eta 2014an osoki sartu ziren indarrean. Langileek proposatzen duten hitzarmen berriak 2024ra arte iraungo luke, eta "gutxieneko soldata eguneratzea" eskatzen diote sindikatuaren zuzendaritza galiziarrari, erosahalmena "modu basatian" galdu ostean. Horretarako, igoera %2 eta %3,5 artekoa izango litzateke, urtearen arabera. CCOOk 2023an eta 2024an Espainiako Estatuko gainerako langileentzat planteatzen duen kopuru bera litzateke. Hala ere, sindikatuko buruzagien azken eskaintzak zifra txikiagoak mahaigaineratu zituen.
Negoziazio saiakerak
Duela urtebete hasi ziren hitzarmen kolektiboa berritzeko elkarrizketak. Grebalariek salatu dutenez, CCOOko zuzendaritzak "negoziaziorako eta erabakitzeko eskumenik ez zuten bi langile" bidali zituen haiekin hitz egitera. Ondorioz, CCOOk azken lan erreforman babestutako "bitartekaritza" eskatu zuten langileek; sindikatuak, paradoxikoki, uko egin zion.
Harremana tenkatzen ari zela ikusita, Lan Harremanen Galiziako Kontseiluak gatazkan esku hartu zuen, sindikatua bere langileekin negoziatzera bultzatzeko. Orduan ere, CCOOko zuzendaritzak ez zuen jaramonik egin. Behin bide guztiak agortuta, greba mugagabera jo dute erakundeko langileek, sindikatuaren historian lehendabizikoz. CCOOko langileek ziurtatu dutenez, "sindikatuaren poltsa prest dago eskari horiei erantzuteko". Sindikatua, ordea, "beste gauza batzuei begira" dagoela salatu dute: "zorra ordaintzeari" edo "200.000 euroko obrak kolpetik ordaintzeari", adibidez.
Barne-gatazka
Greba honek CCOOko burokrazia zeharkatu du, bere egiturazko miseriak erakutsiz. Hasteko, grebalariak ez dira langile soilak, aparatuko tokian tokiko kideak baizik: 20 urteko antzinatasuna dute batez beste, eta afiliatu zein ordezkari sindikalak dira. Bestetik, kasu honek erakusten duenez, CCOO berak aldarrikatzen dituen lan-baldintzak urratzen ditu barne-mailan. Grebalariek ohartarazi dutenez, "gatazka enpresa arrunt batean piztu balitz, kuotak ordaintzen dituzten sindikatuko buruzagien babesa eta aholkularitza" jasoko lukete. Ez da kasua, ordea: "kritikatu eta ezbaian jartzen gaituzte".
CCOOren estatu mailako zuzendaritzari ere laguntza eskatu diote; Unai Sordo idazkari nagusiari eta bere batzorde exekutiboko kideei, zehazki. Ez dute erantzunik jaso, ordea. Gainera, sindikatuaren zuzendaritzako kideen soldaten inguruko informaziora "sarbiderik ez dutela" salatu dute, bai eta euren dietak zein autoak "erabateko sekretua" direla ere.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.