Galeperra ez da galzorian deklaratuko eta bere ehizak baimenduta jarraituko du
2022an galeperra galzorian izendatzea proposatu zuen Espainiako Zientzialarien Batzordeak, bere ehiza debekatzea ekarriko lukeena. Espainiako Gobernuak orain erabaki du ez ematea babes hori espezieari, eta ehiztarien lobbyak eskainitako informazioa erabili du horretarako.
Prozesua 2022an abiatu bazen ere, Espainiako Gobernuak galeperra babespeko espezie ez deklaratzea erabaki du astearte honetan, El Diariok argitara ekarri duenez. Galeperraren gaia puri-purian egon da ehiztarien lobbyaren eta antolakunde ekologisten artean.
2022 urtean Espainiako Zientzialarien Batzordeak ikerketa bat burutu eta galeperra galzorian dagoen espezie izendatzea proposatu zuen. Horren aurrean, ehiztarien lobbyak aurkako hainbat lan publikatu zituen eta, Espainiako Nekazaritza Ministerioaren laguntzaz, Zientzialarien Batzordera helarazi zioten informazioa. Komiteak informazioa aztertu ostean, Espainiako Gobernuak adierazi du galeperra ez dela galzorian deklaratuko.
Europa galeperraren ehiza debekatzearen alde
Europako Batzordeak denbora batez Galeperra ehizatzeari uzteko eskatu zion Espainiako Gobernuari 2024 amaieran. Espainiako Nekazaritza Ministerioak ezezko erantzuna eman zion. "Egungo ehiza maila sostengarritasun-mailen gainetik dago", azaldu dio El Diario-ri gaia ikertu duen Ehiza Baliabideen Institutuko kide Carles Carboneras-ek. Aldiz, ehiza lobbyaren esanetan, "galeperraren populazioak egonkor jarraitzen du Espainian". Azken horiei egin die kasu Espainiako Gobernuak.
“No a la Caza” (NAC) plataformak ehiztariek erabiltzen dituzten txakurrak Animalien Ongizaterako Estatuko Legean sartuta egotea exijituko du, besteak beste. Donostian, Bilbon, Iruñean eta Espainiako Estatuko beste hiri askotan deitu dituzte mobilizazioak.
Talde ekologistak txalotu egin du Jaizkibelgo inguruetan belatz handi bat tiroz bota ostean Gipuzkoako Foru Aldundiak hainbat ehiza postu itxi izana. Agintariei eskatu die zuzenean Fiskaltzan salaketa jartzeko horrelako kasuetan.
Ehizarako hamabost dorre eta zazpi posturi eraso egin diete Jaizkibel, Jarindo, Kastañarri, Gorbeia, Arrikurutz eta Kintoa mendietan. Euskal Herriko Animalien Askapen Fronteak hartu ditu bere gain animalien "egoera tamalgarria" eta "ehiztarien... [+]
2014an debekatu zuen Gipuzkoako Foru Aldundiak Ulia mendian ehiza egitea, baina legeak zituen akats batzuk baliatuz, epai batek ehiza baimendu zuen berriz ere 2019an. Orain, akatsak zuzenduta, Gipuzkoako Aldizkari Ofizialak iragarri du irailaren 1etik aurrera ezingo dela... [+]
Merkatu eta dendetan objektuekin egiten den gisan, animaliak hiltzen ere eskaintza bereziak egiten dituzte. Afrikan animaliak ehizatzeko enpresa batek lehoietan 2x1 eskaintzen du. Azken urteotan lehoien kopuruak izugarri behera egin badu ere, plazerez hiltzea legezkoa da.
Martxotik hasi eta iraila bitartean Gipuzkoako Ehiztarien Federazioaren eta Gipuzkoako Foru Aldundiaren arteko tira-bira lotsagarria irakurri eta entzun dugu prentsan. Ohituta gaude baserritar eta abeltzainen interesak aitzakia hartuta lehen sektoreko enpresa eta bestelako... [+]
Errengako mairubaratz baten gainean, Lesakako udalerrian, Oiartzungo mugan, ehiza-postu bat jarri dutela eta, Eguzkik gauzak argitzeko eta, hala badagokio, erantzuleen kontra neurriak hartzeko eskatu die Nafarroako Gobernuaren Ingurumen eta Kultura sailei.
Gipuzkoako Foru Aldundiak gaurko aldizkari ofizialean argitaratu du aldaketa: bertan behera utzi du Ulian ehizan aritzeko debekua.
Kondenatuak Tutera eta Cintruenigoko bi ehiza barrutietako presidenteak eta basozain bat dira. Ehiztariei ehizaki kopurua murrizten dietelako hil zituzten harrapariak.
Gipuzkoako Ehiztarien Federazioak grebara deitu ditu ehiztariak, Gipuzkoako Aldundiari presio egin asmoz. Ehiztarien argudioak, baina, iruzurra direla salatu du Naturkon talde ekologistak eta datuak eman ditu: hamar urtetan 1.768.567 euroz lagundu du Aldundiak Federazioa.