Gaixo mentalen arazo handienetakoa bizi duten estigma da
Lau pertsonatik batek buruko gaixotasunen bat izango du bizitzako momenturen batean. Mendebaldeko gizarteetako eguneroko ogia izan arren, gaixo mentalak gutxietsiak eta baztertuak dira. Gaixoei eritasunak baino sufrimendu latzagoa eragiten die gizarteak bizkarra eman izanak. Urriak 10, Buruko Osasunaren Nazioarteko Eguna izanda, estigma menperatzeko kontzientziazio ekitaldiak izango dira hainbat herritan.
Buruko eritasun asko ez dira izaten bizitza osorakoak, hasi eta buka egiten dira eta gaixo horiek senitartekoen, lagunen eta profesionalean laguntzaz gaixotasuna gainditzen dute.
Bai epe zehatzeko gaixotasunen, bai betiko eritasunen kasuan, inguruaren babesa oso garrantzitsua da; osasun adituen ustez, gaixoa errekuperatzeko oztopo handienetakoa (eritasuna bera baino) estigma baita.
"Eskizofrenikoa bada…"
"Bortitza da, edo ezinezkoa da aurretik jakitea zer egingo duen. Ez da inoiz lana egiteko gauza izango. Ezingo du osasun etxe batetik kanpo bizi. Ez du bizitza sozialik izango". "Depresioak dituen pertsona bada, nortasun ahulekoa da. Bikotekidea edukitzerik ez du izango, ezta seme-alabarik ere".
Uste ustelak dira, baina gizartean oso barneratuak. Bizilagunak, enplegua emango dionak, kazetariak, gizarte eta osasun langileak eta familiak berak ditu halako aurreiritziak.
Jada ez dago garai bateko psikiatrikorik, "zoroa" hitza gero eta gutxiago erabiltzen da, baina eroetxetako hormak erori badira ere, muga ikusezinek hor jarraitzen dute.
Informazio gehiago:
Artikulu honetan (ARGIA, 2337. zenbakia) Idoia mintzo da, eskizofrenia duen Xabierren arreba. Halako gaixoak familiarekin duen harremana, gizarteak berarekiko duen pertzepzioa eta osasun zerbitzuek emandako tratua kontatzen ditu. .
Xumea, alaia eta energia handikoa da Olga Garate (Iruñea, 1964). Bizikletan ibiltzea dauka pasio eta familia da bere lehentasuna. Erizain laguntzailea da, eta lana “izugarri” gustuko duen arren, behin betiko lanerako ezintasuna eman diote, minbizi kronikoa... [+]
Hori esan zidan ikasle ohiak, asko kostata jarri zuen salaketa hilabeteak pasata ez aurrera ez atzera zegoela epaitegian eta, psikologoak aholkatuta, bortxaketa salaketa kendu egin zuela. Eta ni isilik, ezin asmatu zer esan oraindik ere antsietate zantzuak zituen gazteari... [+]
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Onintza Enbeitak bere urriaren 1eko zutabean lodifobia salatu zuen ginekologoari egindako bisita batean bizi izandakoaren harira. Denok gorputz berean sartzeko tema denok bizi dugula esan genezake, eta esaten da, eta egia da, denok entzun ditugu zerak, baina egia da baita ere... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Bada urtebete udazkeneko bederatziurrenak nola egin artikulua idatzi nuela eta berriz ere urtaroak eskatzen digun lanaz idatzi beharra daukat. Izan ere, gibel garbiketa egiteko sasoia dugula esanez publikazio dezente ari naiz ikusten sare sozialetan eta kezka eragin dit. Orain... [+]
Alzheimerraren inguruan haurrekin naturaltasunez hitz egitea du helburu ‘Arrain bat bezala’ antzezlanak. “Zenbat eta lehenago landu orduan eta gutxiago estigmatizatzen da”, nabarmendu du Ana Maestrojuán zuzendariak.
Sortzez Hazparnekoak (Lapurdi) ez badira ere, berrogei urte baino gehiago daramatzate Étienne Arburua haltsuarrak eta Cathy Arrotcarena hoztarrak Hazparnen bizitzen, eta urteak dira elkar ezagutzen dutela. Itsuak dira biak, eta larunbatero Angelura (Lapurdi) joaten dira... [+]
"Kanpora begira" bizi izan garen udararen ondoren, udazkenak geure buruarekin berriro konektatzera, errutinara itzultzera eta bertan nola sentitzen garen entzutera gonbidatzen gaitu. Eta udazkenean zer behar dugu osasuntsu eta energiaz beteta sentitzeko? Garaiko jakiek... [+]
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Euskal Kostaldeko ospitaleko zuzendaritzak aurkeztu duen lan denboraren berrantolaketa proiektuaren salatzeko, intersindikalak mobilizaziorako deia egin zuen asteartean. Berrantolaketa proiektu horrek 2002an sortutako hitzarmena hausten duela diote sindikatuek, besteak beste RTT... [+]
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]