Gaixo dauden presoak aske uzteko baldintzak arinduko ditu Espainiako Gobernuak
Presoaren bizi itxaropena ez ezik, bizi kalitatea ere kontuan hartuko da aurrerantzean. Irizpide horiek preso guztiei aplikatzeko eskatu dute euskal eragileek.
Mariano Rajoyren gobernuak onartutako 03/2017 instrukzioa, gaitz larriak dituzten presoak aske uzteko baldintzak gogortzen zituena, indargabetu du Pedro Sanchezen gobernuak, Espainiako Barne ministro Fernando Grande-Marlaskak baieztatu duenez. Presoen bizi itxaropena zen orain arteko irizpide bakarra, baina aurrerantzean bestelako elementuak ere kontuan hartuko dituzte; besteak beste, presoen bizi kalitatea.
Prestatu berri duten dokumentuak presoen osasuna nola aztertuko den azaltzen du. Medikuek honela sailkatuko dituzte presoak: “hilzorian” ote dagoen, “epe motzera” egoera okertu daitekeen –sei hilabete eta urtebete artean– edo “epe ertainera” arriskua etor litekeen –urtebete eta bost urte artean–. Horrez gain, osasun egoera 0tik 100era puntuatuko dute, 100 normaltasunez bizitzeko modukoa izanik.
Egun, Jaiki Hadi elkarteak emandako datuen arabera, 21 euskal preso daude egoera larrian, gaitz larri edo sendaezinekin. Dena dela, Espainiako Gobernuak hartutako erabaki hau Eduardo Zaplana presoaren osasun egoera larriak –leuzemia du– Espainiako Estatuan zalaparta sortu duenean etorri da. Gobernuko bozeramaile ohi eta Lan Ministro ohiak 2015etik du leuzemia Espainiako hedabideek jakitera eman dutenez, eta 2018ko maiatzetik dago preso, ustelkeria kasuak leporatuta.
“Denentzako balio dezala”
Sarek zuhurtziaz hartu du erabakia, eta Zaplanaren egoerak sortu duen zalaparta dagoela Sanchezen jarrera aldaketaren atzean esan du. Dena dela, begi onez ikusi dute: “Espero dugu urte luzez gaixorik dauden presoen egoera konpontzeko tresna izango dela indargabetze hau, eta ez soilik Zaplanaren kasuari aterabidea ematekoa”. Bestalde, dei egin dute urtarrilaren 12ko mobilizazioetan parte hartzeko.
Jaurlaritzan ere ikuspegi bera dute. Jonan Fernandez Bizikidetza idazkari nagusiak “berdintasun printzipioak” errespetatzeko eskatu du, eta “salbuespenik ez egiteko”. EAJren BBBko buru Itxaso Atutxa ere ildo beretik doa: “Denentzat bete dadila legea”.
Sortuko idazkari Arkaitz Rodriguezek hitza hartu zuen abenduaren 30ean Donostiako Martutene kartzelara eginiko martxan. “Gaitz larriak dituzten presoak askatu behar dira, eta Espainiako Gobernuak espetxe politikan pausoak azkartu behar ditu”, adierazi zuen.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.