Gaddafik Sarkozy finantzatu zuela diote akusazio berriek
Muammar Gaddafi libiar agintari ohiak Nicolas Sarkozy Frantziako presidentearen hauteskunde kanpaina finantzatu zuen 2007an, elkarren arteko bileretan itzultzaile bezala aritu zen Moftah Missouri enbaxadore libiarrak jakinarazi duenez.
France 2 telebista kateko Complemen d'enquête programan adierazi duenez, 20 milioi dolar inguru (15 milioi euro) jaso zituen Sarkozyk. "Gaddafiren Libian, presidenteak norbaiti dirua eman nahi zionean, ez zen banku-transferentziarik egiten, ez zegoen kontrol burokratikorik, dirua efektiboan ematen zen, maletatxoetan gordeta", azaldu du Missourik.
Gaineratu duenez, Mediapart webguneak 2012an plazaratu zuen dokumentu ofiziala benetakoa da. Libiako Gobernuaren dokumentu horretan Frantziako presidente ohiak 50 milioi euro jaso zituela irakurri daiteke.
Enbaxadore ohiaren testigantzaz eta aipatu dokumentuaz gain, badira diru transferentziak egiazkoak direla dioten lekukotza gehiago: 2011n, emandako dirua itzultzeko eskatu zion "Sarkozy pailazoari" Saif al Islam Gaddafik, Libiako agintari ohiaren semeak. Eta iazko abenduan, Ziad Takieddine armen salerosketan aritutako bitartekariak ere 50 milioi euroko finantzazioaz hitz egin zuen Renaud Van Ruymbeje epailearen aurrean.
Sarkozyk akusazioak ukatu ditu behin eta berriz.
Gerra zibila bukatu eta zazpi urtera egoera oso larria da Libian. Estatua ez ezik, herria ere galdu dute libiarrek.
Frantziako armadak Maliren kontrako erasoa hasi zuen joan den ostiralean. Interbentzio militarraren zergatia, Jean-Marc Ayrault lehen ministroaren esanetan, "mehatxu terrorista" geldiaraztea da. Baina, zein da erasoaren testuingurua?
Mediapart egunkari digitalari filtratutako epaiketa prozesu bateko dokumentu sekretuaren arabera, Muammar al Gaddafi Libiako buruzagi ohiak Nicolas Sarkozyren 2007ko hauteskunde kanpaina diruz lagundu zuen.
Atzo hil zuten Muamar al-Gaddafi Sirten. NATOren bonbardaketa batean zauritu zen eta ondoren errebeldeek hil zuten. Gaddafiren heriotzarekin 42 urteko diktadurari amaiera eman zaio.
NATOk eta AEBk esan dute ez dutela Gaddafiren heriotzaren inguruko informazio zehatzik. Ustez... [+]
Hasiera batean Libiako telebistak esan eta Al Jazeerak zabaldu duenez, Libiako errebeldeek Gaddafi atxilotu dute Sirte hirian. Ondoren zabaldu denez, hilik omen dago. Albistea errebeldeek Sirte hiria –Gaddafiren sorlekua– hartu bezain pronto zabaldu da. NATOk esan... [+]
Gaddafiren errepresiopean lau hamarkada eman ostean, Libiako amazigh herriak berebiziko nortasun aldarrikapenari eutsi dio. Armekin ez ezik, egunkari, irratsaio eta abestiekin heldu diote iraultzari.
“Libian gertatzen ari dena azaldu nahi diogu gure jendeari, eta gure... [+]
Parisen bildutako potentziek Muamar al-Gaddafiren aktiboak –15.000 milioi dolar– desblokeatzea onartu dute. Trantsizioko Kontseilu Nazionalak Libia berreraiki nahi du diru horrekin, soldatak ordaindu eta herriak behar duen laguntza humanitarioa banatu... [+]
