G7koen bileraren garaian atxilotutako gehienak errugabetzat jo dituzte
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian
Frantziako Poliziak dozenaka pertsona atxilotu zituen G7koen goi bilera garaian. Auzipetuak izan ziren horietatik hainbat, eta atzo iragan zen azken auzia, Baionako auzitegian. Hamar bat pertsona igaro ziren epailearen aurretik, bortizkeriaz aritzeko talde bat osatzea egotzita. Abokatuek prozedura akatsak azpimarratu zituzten. Alternatiba mugimenduko pertsona batek ere auzia zeukan, baina epaileak prozedura bertan behera uztea erabaki zuen segidan. Abenduaren 19an emango dute beste aferen berri.
Bestalde, orain arte epailearen aurretik igaro direnen kondenak eman zituen epaileak. Afera gehienen baliogabetzea iragarri zuen epaileak, prozedura akatsak direla-eta. Beste kasu batzuetan, aldiz, frogen eskasagatik jo ditu errugabetzat. Epaitegiak hamar pertsona zigortu ditu guztira: bi pertsona kartzelatuak izanen dira —hilabete bateko eta bi hilabeteko zigorrekin—. Gainontzekoek isunak pagatu beharko dituzte —100 eta 500 euro bitartekoak—.
Akusatu askok eskubide urraketak salatu zituzten atxiloaldian, eta Poliziaren kolpeak ere bai batzuek. Abokatuek salatu dute aferen sekretua oztopatua izan zaiela: bezeroekin biltzeko gelako atea ez zen ixten Hendaiako Atxikitze zentroan —han eduki zituzten atxikita gehienak—. Abokatuek salatu zuten polizien agirietan ere huts franko zeudela; adibidez, atxilotu zituzten ordutegietan inkoherentziak zeudela. Abokatuen arabera, «justizia prebentiboa» izan da G7koen bileraren garaian. «Auzitegi honetan nahikeriak epaitzen ari zarete», esan zion defentsak epaileari.
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Munduko ekonomiaren ordezkariek, G7ko herrialdeek osaturik, Biarritz inbaditu zuten kostu handiko segurtasun gerriko ikusgarri eta gogaikarri batekin.
Biarritzeko G7ren kontrako borrokari buruzko lehen analisiak eta kritikak agertu dira. Eta militantzia korronte desberdinek oharrak argitaratzen jarraitzeko parada izanen dute. G7 EZ! plataformako kide aktibo gisa, guk ere, kontra gailurraren antolaketari eta ondorioei buruzko... [+]
Macron pozik atera zen Miarritzetik, halaber Oteiza, Kintoko enpresaria, urdaiazpikoa Trumpi opariturik. Baina G7aren kontrako gailurrak dezepzioa piztu zuen iraultzaileen oldeetan. Batzuk etorriak ziren pataskatzeko, hiriak sutan uzteko deklaratuak ez ziren manifestaldien... [+]
G7 pasatu ondoren, zer gelditzen da? Komunikazio operazio ona Macronentzat, baina diplomatikoki emaitza konkretu eskasak. Haatik, Euskal Herriarentzat gertakari adierazgarria izan da: estatuaren jokaera alde batetik eta parean eragile sozio-politikoek eman dugun... [+]
Hamasei lagun epaitu zituzten ostiralean Baionan. Abenduaren 3an emango dute epaiaren berri.
Aktualitate beroan, zenbait kasuan kiskali gaituen aktualitatea. G7aren eta honi aurre egin zion kontra-gailurraren bilanaz mintzatuko gara. Ez da gure asmoa polemikak edo barneko trapu zikinak ateratzea, baina bai ostatuetan, bilkura geletan edo sare sozialetan aipatzen den... [+]
Aman Komunak sareak adierazi duenaren arabera, ostiral arratsaldean burutuko da G7aren goi bileraren harira atxiki zituzten dozena bat lagunen aurkako epaiketa, Baionan.
Ez da Bizi mugimenduaren usaietan militanteen arteko kalapitetan sudurra sartzea eta are gutiago berak batzuk hastea. Gure energia eta denbora premiazkoak dira sistema kapitalista honen kontrako borroka lantzeko eta Euskal Herriaren metamorfosi soziala eta ekologikoaren aldeko... [+]
Gasteizko autobus geltokira heltzean hiru patruila zituen zain, iraileko lehen asteburuan. Irailaren 5a arte Biarritz-Donostia gunetik irtetea debekatua zuela esan, eta bueltako autobusa hartzera behartu zuen Ertzaintzak. Ez du debekuaren agiririk jaso.
Aje luzea utzi du euskal herrigintzan G7aren kontra-gailurrak. Borroka bidaideen arteko –bai, bidaide diot– tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]
Aje luzea utzi du euskal herrigintzan G7aren kontra-gailurrak. Borroka bidaideen arteko bai, –bidaide diot – tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]
Zigorra gibelapenarekin jarri die epaileak, beraz printzipioz ez dute espetxean bete beharko.