G7aren kontra-gailurrean infiltratutako polizia bat atzeman dute
Kontra-gailurreko akanpadan burututako asanblada batean ekintzaileei mugikorraz argazkiak ateratzen ari zela erreparatu zuten zenbait pertsonak. Berari buruzko informazioa zabaldu dute, honekin kontaktua izan duten ekintzaileak jakinaren gainean jartzeko.
Information Anti Autoritaire Toulouse et Alentours atariak eman du infiltrazioaren berri asteartean. G7aren kontra-gailurreko akanpalekuan egindako asanblada “korapilatsu” batean, zeinetan Baionako mobilizazioaren antolakuntza hizpide izan zen, asanbladan parte hartzen ari zirenei argazkiak ateratzen atzeman zuten emakume bat. Emakumearen ekintzetan erreparatu zuten ekintzaileek esku hartzea erabaki zuten, eta asanblada orokorretik at, aurre egin zioten. Emakumearen sakelako telefonoan azken hiru egunetako ekintzen argazkiak aurkitu zituzten, eta horietako batzuk jarraibideak ematen zizkion nagusi bati bidali zizkiola baieztatu ahal izan zuten. Argazkietan hainbat ekintzaile agertzen ziren, erraz identifikatzeko eran. Argazkiekin batera, informeak eta asanbladetako aktak ere bidaliak zituen emakumeak. Aurkikuntzak eragindako zalapartaren erdian, infiltratuak ihes egin zuen.
Polizia infiltratua izen ezberdinekin eman izan da ezagutzera toki eta inguru ezberdinetan. Haritik tiraka, jakin ahal izan dute emakumea Toulouseko Jaka Horien mugimenduan agertu zela urte hasieran, eta ordutik sarbidea izan duela Telegram eta Facebook talde askotara, informazio ugari eskuratuz. Ohartarazi dutenez, Jaka Horien hainbat ekintzaren antolakuntzan aritu izan da. “Kontra-gailurrari dagokionez, hilabeteetan zehar hiri ezberdinetako hainbat pertsona bertara joateko bultzatu ditu, defentsarako eta erasorako hornidura izango zutela zin eginez”, jakinarazi dute.
Azpimarratu dutenez paper garrantzitsua izan du kontra-gailurreko logistikan: Baionako mobilizazioaren antolakuntzan aritu zen, baita Baiona inguruko beste “akanpaleku” batzuetako antolakuntzan ere; are gehiago, G7aren aurkako plataformako jendearekin ere harremanetan egon da. Bere argazkia publiko egin dute:
“Orain argi dago infiltrazio honek azken hilabeteetan ekintzaile asko espetxeratzen lagundu duela. Oraindik orain zaila da kalteen irismena zein den kalkulatzea”, adierazi dute. Hala ere, baretasuna mantentzera eta antolakuntzara dei egin dute: “Gure mugimenduaren indarra pairatzen ari garen errepresioaren mailakoa da”.
Posta helbidea luzatu dute kasuaz informazio gehiago duen edonork bertara idatzi dezan: deratisation1312@riseup.net
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Munduko ekonomiaren ordezkariek, G7ko herrialdeek osaturik, Biarritz inbaditu zuten kostu handiko segurtasun gerriko ikusgarri eta gogaikarri batekin.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian
Biarritzeko G7ren kontrako borrokari buruzko lehen analisiak eta kritikak agertu dira. Eta militantzia korronte desberdinek oharrak argitaratzen jarraitzeko parada izanen dute. G7 EZ! plataformako kide aktibo gisa, guk ere, kontra gailurraren antolaketari eta ondorioei buruzko... [+]
Macron pozik atera zen Miarritzetik, halaber Oteiza, Kintoko enpresaria, urdaiazpikoa Trumpi opariturik. Baina G7aren kontrako gailurrak dezepzioa piztu zuen iraultzaileen oldeetan. Batzuk etorriak ziren pataskatzeko, hiriak sutan uzteko deklaratuak ez ziren manifestaldien... [+]
G7 pasatu ondoren, zer gelditzen da? Komunikazio operazio ona Macronentzat, baina diplomatikoki emaitza konkretu eskasak. Haatik, Euskal Herriarentzat gertakari adierazgarria izan da: estatuaren jokaera alde batetik eta parean eragile sozio-politikoek eman dugun... [+]
Hamasei lagun epaitu zituzten ostiralean Baionan. Abenduaren 3an emango dute epaiaren berri.
Aktualitate beroan, zenbait kasuan kiskali gaituen aktualitatea. G7aren eta honi aurre egin zion kontra-gailurraren bilanaz mintzatuko gara. Ez da gure asmoa polemikak edo barneko trapu zikinak ateratzea, baina bai ostatuetan, bilkura geletan edo sare sozialetan aipatzen den... [+]
Aman Komunak sareak adierazi duenaren arabera, ostiral arratsaldean burutuko da G7aren goi bileraren harira atxiki zituzten dozena bat lagunen aurkako epaiketa, Baionan.
Ez da Bizi mugimenduaren usaietan militanteen arteko kalapitetan sudurra sartzea eta are gutiago berak batzuk hastea. Gure energia eta denbora premiazkoak dira sistema kapitalista honen kontrako borroka lantzeko eta Euskal Herriaren metamorfosi soziala eta ekologikoaren aldeko... [+]
Gasteizko autobus geltokira heltzean hiru patruila zituen zain, iraileko lehen asteburuan. Irailaren 5a arte Biarritz-Donostia gunetik irtetea debekatua zuela esan, eta bueltako autobusa hartzera behartu zuen Ertzaintzak. Ez du debekuaren agiririk jaso.
Aje luzea utzi du euskal herrigintzan G7aren kontra-gailurrak. Borroka bidaideen arteko –bai, bidaide diot– tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]