G7aren bezperan Bizi! eta ANV-COP21 mugimenduetako kideek Irisarriko herriko etxeko Macronen argazkia erauzi dute
Abuztuaren 25ean Emmanuel Macronen potreten martxa egingo da Baionako kaleetan, 10:00etan hasita. Dagoeneko Frantziako Estatuko 128 herriko etxetatik erauzi dute presidentearen irudia aktibistek, klima aldaketaren aurrean Macronek ez duela neurri eraginkorrik hartzen salatzeko. Politika eraginkorrak martxan jartzean itzuliko dituztela hitz eman dute.
Le Journal du Dimanche-ren artikuluak ematen ditu igande honetan G7aren gailurrari erantzunez Baionan egingo den potreten martxa ulertzeko gakoak. Otsailean egin zuen deia ANV-COP 21 mugimenduak, eraikin publikoetatik Macronen erretratuak kentzeko, ekintza horren bidez salatuz aldaketa klimatikoaren aurrean errepubikaren presidenteak gauza bat esan eta bestea egiten duela. G7rako 125 erretratu eskuratzea jarri zuten helburu, justu egun kopuru hori behar izan baitu Frantziako Estatuak COP21ek ezarritako bere urteko aztarna ekologikoaren muga gainditzeko. Helburua gainditu dute, Irisarrin abuztuaren 23an erauzitakoarekin 128 erretratu baitira herriko etxeetatik kendutakoak, hauetatik hamaika Euskal Herrian.
Macronek ingurumenaren errealitatea ikus dezan
Hilabete hauetan, herriko etxeetatik ateratako erretratuak hainbat toki esanguratsutan agertu dira. Esaterako, Frantzian kutsatuena den Arve bailarako glaziarretan: "Presidenteari urgentzia erreala dela erakutsi nahi genion" adierazi dio Michel Piquand ekintzaileak Le Journal du Dimancheri. Orleans inguruan Franzeska Bindé-k erretratua eraikuntza lan batera eraman zuen, "hormigoizko proiektu inutil bat" erakusteko. Beaujolaisen Anne-Sophie Trujillo Gauchez-ek pestiziden aurkako manifestaziora eraman zuen presidentea. Abuztuaren 20 iluntzean Bizi!-k Biarritzeko Ama Birjinaren Harkaitzean erakutsi zuen erretratuetako bat:
Lapurreta egotzita zigortuak izateko arriskuan
Bizi!ko bost aktibista atxilotu zituzten maiatzean lau herriko etxetatik Macronen argazkia eramateagatik, eta poliziak galdekatu eta hauek adierazpenak egiteari uko egin ostean, aske utzi zituzten. Ekintzaile hauek 75.000 euro arteko isunak jaso ditzakete.
Artikulu honetan aipatutako Franzeska Bindé-k irailaren 13an izango du epaiketa eta Michel Piquand-ek urriaren 17an, eta bosna urteko kartzela zigorra eta 75.000 euroko isuna jaso dezakete. Anne-Sophie Trujillo Gauchez ere epaiketetan da, eta honek 10 urteko kartzela zigorra eta 150.000 euroko isuna du jokoan: "Seguru nago egiten ari naizenaz, badakit justiziaren alde zuzenean nagoela" adierazi dio Jurnal du Dimancheri. Piquandek horrela azaldu du bere jarrera: "Egiterako banekien zein ziren arriskuak, baina egiten badut, etorkizunarentzako egiten dut... denok ditugu gure bizitza, gure lana, gure beharrak... baina Arve bailaran arnasa hartzeko beharra benetan da larria". Oraindaino ANV-COP21 mugimenduak bere 57 aktibisten aurkako 17 salakeeta jaso ditu eta 900 ordu atxiloaldietan.
Igandean 10:00etan Baiona Zaharrera joateko deia egin du Bizi!k
Estalitako potreta bat eramateko eskatu du, "eta ez baldin baduzue potretik, zatozte deus gabe".
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Munduko ekonomiaren ordezkariek, G7ko herrialdeek osaturik, Biarritz inbaditu zuten kostu handiko segurtasun gerriko ikusgarri eta gogaikarri batekin.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian
Biarritzeko G7ren kontrako borrokari buruzko lehen analisiak eta kritikak agertu dira. Eta militantzia korronte desberdinek oharrak argitaratzen jarraitzeko parada izanen dute. G7 EZ! plataformako kide aktibo gisa, guk ere, kontra gailurraren antolaketari eta ondorioei buruzko... [+]
Macron pozik atera zen Miarritzetik, halaber Oteiza, Kintoko enpresaria, urdaiazpikoa Trumpi opariturik. Baina G7aren kontrako gailurrak dezepzioa piztu zuen iraultzaileen oldeetan. Batzuk etorriak ziren pataskatzeko, hiriak sutan uzteko deklaratuak ez ziren manifestaldien... [+]
G7 pasatu ondoren, zer gelditzen da? Komunikazio operazio ona Macronentzat, baina diplomatikoki emaitza konkretu eskasak. Haatik, Euskal Herriarentzat gertakari adierazgarria izan da: estatuaren jokaera alde batetik eta parean eragile sozio-politikoek eman dugun... [+]
Hamasei lagun epaitu zituzten ostiralean Baionan. Abenduaren 3an emango dute epaiaren berri.
Aktualitate beroan, zenbait kasuan kiskali gaituen aktualitatea. G7aren eta honi aurre egin zion kontra-gailurraren bilanaz mintzatuko gara. Ez da gure asmoa polemikak edo barneko trapu zikinak ateratzea, baina bai ostatuetan, bilkura geletan edo sare sozialetan aipatzen den... [+]
Aman Komunak sareak adierazi duenaren arabera, ostiral arratsaldean burutuko da G7aren goi bileraren harira atxiki zituzten dozena bat lagunen aurkako epaiketa, Baionan.
Ez da Bizi mugimenduaren usaietan militanteen arteko kalapitetan sudurra sartzea eta are gutiago berak batzuk hastea. Gure energia eta denbora premiazkoak dira sistema kapitalista honen kontrako borroka lantzeko eta Euskal Herriaren metamorfosi soziala eta ekologikoaren aldeko... [+]
Gasteizko autobus geltokira heltzean hiru patruila zituen zain, iraileko lehen asteburuan. Irailaren 5a arte Biarritz-Donostia gunetik irtetea debekatua zuela esan, eta bueltako autobusa hartzera behartu zuen Ertzaintzak. Ez du debekuaren agiririk jaso.
Aje luzea utzi du euskal herrigintzan G7aren kontra-gailurrak. Borroka bidaideen arteko –bai, bidaide diot– tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]