“Futbolaren bidez herri-izaera bultzatu nahi dugu”
Erandion, konfinamendu-denbora baliatu dute batzuek lehenagoko ideia bat gauzatzeko: futbola beste era batera ulertuko duen kluba sortzeko. Basamortu Taldea du izena, eta Ander Olazabalaga kideak eman digu beraren berri.
Ofizialki Basamortu Erandio Futbol Taldea izena badu ere, sortzaileentzat Basamortu Lagun Taldea da klub sortu berria. Federazioan izena emanda daude, eta datorren denboralditik (normaltasunez jokatzerik badago, behintzat) Hirugarren Lurraldeko Mailan jokatuko dute. Aldi berean, futbolean hain ohikoak ez diren baloreak zabaldu gura dituzte, Ander Olazabalagak azaldu digunez.
Badago zuen historia labur kontatzerik?
Konfinamenduan sortu dugu, baina ideiak bazuen urtebete edo urte eta erdi. Oinarria da Erandion, gehienok, futbolean jokatzen dugula lehenengo bakoitzaren eskolan, eta gero klub batean. Hor egiten duzu ibilbidea, eta halako batean helduen mailan zaude. Orduan helburua da emaitza onenak ateratzea, eta azken urteetan gertatu da herriko jendeak aukera galtzen duela bertan jokatzeko, emaitzak hobetzearren kanpoko jokalariak ekartzen direlako, eta herri-izaera galtzen da. Klub berria sortzearen helburua da herriko jendeak berton jokatzeko talde bat izatea.
Nortzuk sortu duzue, zehazki?
Talde bat egon zen Erandion, helduen kategoriakoa baina B mailakoa, kuadrilla izanda eta Messi izateko helbururik gabe, kirola egiteagatik jokatuz, oso ondo ibili zena eta mailaz igo zena. Talde-izaera sendoa sortu zen, eta elkarrekin jokatzen segitu ahal izateko sortu da Basamortu, ohiko bideetatik joz ezin izango zutelako elkarrekin jarraitu. Beti poteoan bota izan den kontu bat da, azken urte eta erdian asko aipatu duguna. Eta orain sortu da, konfinamenduak gestioak egiteko denbora sobera eman digula aprobetxatuta. Aspalditik ideia aipatzen genbiltzanok bilera telematiko bat egin ostean, paperak bete genituen, Federazioan izena eman genuen, eta jada, ofizialki, Bizkaiko Lurraldeko 3. mailako taldea gara. Jokalariak (ni ez naiz horietako bat, klubeko kidea besterik ez) orain beste talde batzuetan daude (entrenatu gabe, pandemiagatik), baina datorren denboraldian Basamortun jardungo dute.
Beste balore batzuk aipatu dituzu. Zeintzuk?
Gaur egun zabalduen dagoen futbol-ereduaz bestelako zerbait egin nahi dugu. Ez dugu taldea sortu Bizkaiko onenak izateko edo mailaz igotzeko, baizik eta herriko kirolariak, kasu honetan futbolariak, batera egoteko, eta klubak berak herriari ere ekarpenen bat egiteko: herri-izaera bultzatzea, euskarari garrantzia ematea... Badaukagu grina hori ere, elkarrekin euskaraz egiten dugunok gutxiengoa izan arren, betidanik futbol-mundua erdaldun ezagutu dugulako, Erandion gutxienez. Saiatuko gara zuzendaritzan eta batzarretan euskaraz egiten, eta kanporako egiten diren gauzetan, adierazpenetan, elebidun gutxienez, euskara-maila duina erabilita. Jokalarien artean ere, eta entrenatzailearekin, ahalik eta gehien euskara erabil dadin saiatuko gara. Badakigu zaila dela, jendea ohituta dagoelako futbolean jokatzen duenean erdaraz egiten.
Zenbat zarete?
Futbolari-talderako baditugu hogei lagun ziurtatuta, eta beste zazpi inguru gaude, jokalariak ez garenok. Gehienak Altzagakoak, Astrabudukoren bat ere bai. Orain bi aste hasi genuen bazkide-kanpaina, eta ehun bat bagara dagoeneko. Esan beharra dago ez daukagula dirurik eta futbolean hasteko diru nahikotxo behar dela: inskripzioak, ekipamenduak… Jokalariek hartu dute konpromisoa eta diru nahikotxo ipini du bakoitzak jokatu ahal izateko. Erandioztarrek Erandion jokatu ahal izatea da asmoa, eta arraroa bada ere hori ez da hain erraza gaur egun.
Non jokatuko duzue?
Arteagako futbol-zelaian, Erandiogoikoan. Udalarena da. Hori bai, entrenatzen hasten garenerako, momentuz behintzat, gutxi gorabehera gaueko 21:30etik 22:30era egiteko baino ez daukagu baimena. Talde asko dabil han, eta ez dago lekurik.
Zer beste asmo duzue, futbolean jarduteaz gain?
Esate baterako, jai-batzordean parte hartzea, eta urtean zehar futbolaren aitzakiaz beste gauza batzuk egitea. Adibidez, futbolaren inguruko jardunaldiak. umeentzako egun bereziak… Ekintza kulturalagoak. Oraindik ez dugu ezer zehatz gogoan.
Basamortu izena zergatik?
"Erandion badago pike sanoa", dio Ander Olazabalagak, "edo batzuetan ez hain sanoa: Erandiogoikoan Altzagari beti esan diote Desierto, eta ez tonu onenean, ze tonu neutroan balitz gaitz erdi. Altzagakooi ez zaigu gustatzen hori. Horri buelta emateko, eta Desierto izena geureganatuz, taldeari Basamortu izena ipintzea erabaki dugu. Aspaldi pentsatuta genuen hala egitea".
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Saudi Arabiak "emakumeen eta LGBTQ+ pertsonen eskubideak zapaltzen dituela-eta", 24 herrialdetako 106 emakumezko futbolari profesionalek Gianni Infantino FIFAko presidenteari eskatu diote Aramco petrolio-enpresarekin duten babesletza-akordioa hausteko.
1980an Everesteko gailurrean ikurrina paratu zuten Martin Zabaleta eta Pasang Tembari omenaldia eskaini diote larunbatean San Mamesen, Athletic-en partida hasi aurretik. Mendizaleak txalo artean hartu dituzte zaleek, une ederra izan da, baina Movistar telebista kateak eta Futbol... [+]
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]