Futbol entrenatzailearen astakeriak edo “bortxaketaren kultura” nola ari den normalizatzen
Duela lau urte, Carlos Santiso futbol entrenatzaileak, esan zuen 15 urteko neska baten aurkako sexu erasoa eredu zela, taldekideen arteko batasuna nola sendo daitekeen ikusteko. Haren hitzek hautsak harrotu dituzte berriro, Rayo Vallecanok fitxatu berri duelako nesken taldea entrenatzeko.
Duela lau urte WhatsApp bidez bidalitako audioa da; iazko azaroan atera zen argitara. Rayo Vallecano-ko entrenatzaile berria ari da hizketan. Garai hartan infantil mailako gizonezkoen talde bat entrenatzen zuen, eta talde teknikoko kideei bidali zien audio-mezu horretako pasarte bat da honakoa:
"Staff hau izugarria da, baina gauza batzuk falta zaizkigu. Falta zaigu, berriro esango dut, Arandinakoen moduko zerbait egitea, tio. [Neska] bat harrapatu behar dugu, baina adinez nagusia izan dadila, arazotan ez sartzeko, guztiok batera hantxe bertan akabatu... Horrek batzen ditu staff bat eta talde bat. Begira Arandinakoak, zuzenean zihoazen maila bat igotzera. Tira gazteok, igande on".
Hamabost urteko neska bati eraso egin zioten, 2017ko abenduan. Hasiera batean hiru jokalari zigortu zituen Burgoseko Probintzia Auzitegiak, sexu erasoa egin izana leporatuta: Carlos Cuadrado, Raúl Calvo eta Víctor Rodríguez. Gaztela eta Leongo Justizia Auzitegi Nagusiak zigorra arindu zuen gero, sexu abusua izan zelakoan, eta ez bortxaketa. Jokalarietako bat absolbitu egin zuen, gainera.
Rayo Vallecanoko zaleak kexu agertu dira, eta eskatu dute nesken taldeko entrenatzailea kargugabetzeko, baita mugimendu feministak ere, beste hainbat eragilerekin batera. Carlos Santisok, bestalde, lotsaturik dagoela azaldu du, damu dela eta barkamena eskatzen duela. Klubaren webgunean sareratu duen oharrean, azaldu du "broma matxista barkaezina" izan zela. Klubeko presidenteak, Raúl Marin Presak, ez du, oraingoz, entrenatzailea kargugabetzeko asmorik agertu. "Profesionalak kontratatzen ditut nik, ez pertsonak".
Zenbat bider entzungo ote genuen gauza bera, pertsona eta profesionala (aktore, musikari, futbolari edota idazle) bereizten jakin behar dela, emakumeen aurka eraso egiteagatik gizonezko bat epaitua denean? Mugimendu feministak kasu honetan bezala lehenago ere, hainbatetan salatu duenez, "bortxaketaren kultura" zein normalizatuta dagoen erakusten dute horrelakoek.
Gaiaz artikulua idatzi du @Barbijaputa-k Publico egunkarian: El entrenador del Rayo o cómo los hombres solo aman a otros hombres ("Rayoko entrenatzailea edo nola gizonek soilik maite dituzten beste gizon batzuk").
Artikulu horretatik hartutako pasartea da hau: "Gizonezkoen artean sakon erroturik dagoen zerbait islatzen dute hitz horiek. Maskulinitatea, homoafektibotasuna, euren arteko batasuna... maiz lortzen da emakumeak sakrifikatuz. Gure gozputzez abusatzeak balio die teknika hobetzeko, joko-zelaian harremanak eta konplizitatea estutzeko. Joko hori futbola izateak aparteko artikulua merezi du".
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Bi akusatuek espetxe zigorra berreikusteko eskatu ostean, Felix Taberna presidenteorde lehenak adierazi du ez dagoela zigorra murrizteko baldintza juridikorik: "Zigorrak dauden bezala mantentzeko adinako larritasuna du delituak". Defentsaren abokatuak salatu du bi... [+]
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.