“Funtsezkoak bagara, zergatik ez digute kasurik egiten?”
Haur askorentzat eskolako jantoki-zerbitzua premiazkoa dela garbi dago, baita garaiotan jantoki seguruak bermatzeko baliabide gehiago behar direla ere. Baina horren ordez jantokiko ratioak eta espazioak mantentzen direla, langile gutxiago direla eta lan-baldintza okerragoetan ari direla kexatu dira EAEko eskola-jantokietako langileak. Hiru greba egun deitu dituzte.
Pandemia garaian, haurrak talde egonkorretan banatu behar badira eta taldeen arteko espazioak mantendu, nola egin hori baliabide gehiago partez lehen baino baliabide gutxiago izanda? “Argi dago administraziokoentzat azpikontratatutako langile gehienbat emakumezkoak bigarren mailako pertsonala garela. Izan ere, hain funtsezkoak bagara, zergatik ez digute kasurik egiten?”, salatu dute. Maiatzetik daramate Eusko Jaurlaritzarekin bildu nahian, lortu gabe. Presioa egiteko, grebara joango dira ikastetxe publiko, itundu eta pribatuetako jantokietan, Jaurlaritzako Hezkuntza Sailari eskatzeko negoziatzera eseri dadila: kalitatezko jangelak antolatzeko eta osasun-bermeak ziurtatzeko neurriak adostu nahi dituzte.
Familiak, kezkatuta
Haur ugarirentzat, jantokikoa da egunean hartzen duten fundamentuzko otordu bakarra. Hala aldarrikatu dute langileek. Eta hala ere, guraso askorengan egoerak sortu duen mesfidantzagatik, hainbat familiak uko egin dio seme-alabak jantokira eramateari, zerbitzu hau behar duten arren.
Egoera honi guztiari soluzioa eman asmoz, sindikatuek hiru greba egun deitu dituzte: datorren asteazkenean (urriaren 21ean) izango dute lehen greba eguna, eta urriaren 27 eta 29rako deitu dituzte beste bi lanuzteak.
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.
Euskal Herriko Ikasleen Gurasoen Elkarteak (EHIGE) artikulu honetan jakitera eman duenez, Eusko Jaurlaritzak EAEko ikastetxeetako jantokietarako argitaratu dituzten pleguak "caterin-enpresa handientzat pentsatutakoak dira". Alderdi pedagogikoan "ez dagoela... [+]