Funtsezkoa delako
Frantses legegintzaren arabera, eskolatik kanpoko aktibititateak hasten ahal ziren urtarrilaren 4etik goiti. Horri esker Donibane Garazin, Iparralai eta Garaztarrakoek dantza kurtsoen berriz hasteko manera ukan dute, presentzialean, ohiko Lauribar gelan.
Urtarrilaren 6an asteazkenarekin, gurasoak ez dira gutti harritu beren haurrak 14:00etako kurtsora eramatean, herriko etxeko agenteak Lauribar gelaren desinfektatzen ikusi dituztelarik. Berehala, gela erabiltzen duten elkarteek herriko etxeari buruz itzuli dira, argibideak ukaiteko. Errana izan zaie gela berriz ere Osagarri Zentro Aintzinatu bat bilakatuko dela, txerto kanpainaren eramaiteko. Asteazkeneko eguna, eskolatik kanpoko aktibitateekin egun kargatua izanki –kasu honetan dantza–, dena ezeztatu behar izan dugu, baita familiak abisatu ere, denbora guti barne. Ororen buru, 30 bat haur, bi dantza irakasle eta lau kurtso ezeztatuak izan dira.
"Arazoa ez da txerto zentro baten sortzea, baina egiteko manera: aitzin abisurik ez, argibiderik ez, jakinez hitzarmen bat badela gelaren erabiltzaileen eta herriko etxearen artean"
Arazoa? Arazoa ez da txerto zentro baten sortzea, baina egiteko manera: aitzin abisurik ez, argibiderik ez, jakinez hitzarmen bat badela gelaren erabiltzaileen eta herriko etxearen artean. Ez ote zen ostegunarekin egiten ahal gelaren desinfekzioa? Ez dea herriko etxearen gain segurtatzea gela libre dela? Herritarretik hurbil izan nahi duen herriko etxe honek, nola jokatzen ahal du gisa horretan? Kanpotik so eginez egia erran, kurtso ezeztatze sinple bat iduri luke, bainan ikusiz haurrek bizi duten COVID garai bukaezin hau, egiteko manera horiek ez dira funtsgabekoak. Istorio honetatik zer uste duzue haurrek atxikiko dutela?
Herriko etxea engaiatu da gure arazoari aterabide baten atzematera. Erran gabe doa, guretzat, arazoa ez dela gurea baina bai haiena. Berriz ere, gurekin trukatu gabe, herriko etxeak Lasako gelara (karrelatua den gela, dantzarentzat ez dena normetan) eta Izpurako gelara igortzen gaitu. Sortu den mina: Kulturgintzak du oraino pairatzen.
Solasaldi sinple batekin hemen agertzen den guzia saihesten ahalko zen. Hori aski ez balitz bezala, Frantziako lehendakariaren erranetan “funtsezkoa ez” den arlo bezala kontsideratuak gara. Ez kontsultatua eta ez abisatua izaiteak du min egiten. Errespetu falta horrek erakusten digu herriko etxeak gure aktibitateentzat duen funts eskasa. Sekulan baino gehiago, gorputzaren eta gogoaren orekarentzat, aktibitateak eta elkarretaratze momentuak behar ditu gure publikoak. “Funtsezkoa” da!
* Garaztarrak dantza taldea eta Iparralai dantza eta musika eskolako guraso batzuk
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]