Funts putreei aurre egingo dien banku publiko bat sortzea baztertu dute EAJk, PSEk eta PPk Legebiltzarrean
Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea. Mozioa baztertu du Gasteizko ganberak, EAJ, PSE-EE eta PP+Cs-en kontrako botoekin.
Finantzen Euskal Institutua banku-erakunde bihurtzeko aukera aztertzea eskatzeko mozioa aurkeztu dute ostegun honetan Eusko Legebiltzarrean Elkarrekin-Podemos eta EH Bildu talde parlamentarioek. Banku publiko horrek enpresa estrategikoei aukera emango lieke "behar bezala kapitalizatzeko" eta bidea mugatuko lieke funts putreei, talde hauen arabera. Zentzu horretan, oso presente izan dute Gasteizko eztabaidan Euskaltelen pribatizazioarekin gertaturikoa.
Helburua, enpresok lurraldean errotuko direla bermatzea litzateke, kapital espekulatiboei ateak itxiz, horretarako banku honek partizipazioak erosiko lituzke enpresa horietan. Hala, azken urteetako politikarekin amaitzeko eskatu diote mozioan Eusko Jaurlaritzari, "alegia, aktibo estrategikoetan desinbertitzeko politikarekin". Bide berean, testuak jasotzen duenez, Kutxabankek aurrezki-kutxen "hasierako espirituari" jarraipena eman behar lioke.
Ekimena ez da aurrera atera, EAJk, PSE-EEk eta PP+Cs-ek kontra bozkatu dutelako. Eusko Jaurlaritza osatzen duten lehen biek, argudiatu dute finantza tresna nahikoa badagoela EAEn enpresa estrategikoak laguntzeko, Finantzen Euskal Institutua eta sortu berri den Finkatuz programa kudeatzeko sozietate publikoa kasu (pdf). Azkeneko hau, "Finkatze Kapitala Finkatuz SA", 160 milioi euroko kapitalarekin hornitu dute. Honen bidez, enpresen beharrak asetu eta "garapenerako lehiakortasun-ekosistema bat" sortzeko aukera ikusten dute Jaurlaritzako alderdiek.
Finkatuz kudeatzeko sozietateari dagokionez, EH Bilduko eledun Iker Casanovak salatu du aipatu inbertsio horiek oraindik ez direla egin. Eragile sozial eta politikoekin "gardentasunez eta elkarrizketan" funts hori aktibatzea ere eskatu dute Gasteizen oposizioko taldeek.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Eusko Jaurlaritzak Gazteen Emantzipazioa Laguntzeko 2030 Euskal Estrategia aurkeztu du asteazkenean, emantzipazio adina 28ra jaisteko eta soldatak 2010ko kopuruetara iristeko helburuz. Diru laguntzak ematea aurreikusten du, eta gazteei zuzendutako 13.500 lanpostu berri... [+]
Ohiko teoria ekonomikoaren arabera, inbertsio pribatuak publikoak baino eraginkorragoak dira. Inbertitzaile pribatuek beraien enpresatan inbertitzen dute ekoizpena bizkortzeko eta ondorioz mozkin itxurosoak eskuratu ahal izateko. Alabaina, gauza bat da teoria interesatuak dioena... [+]
Ostegun honetan grebara deituta zeuden 26.000 irakasletik %70 ez da lanera joan, sindikatuek jakinarazi dutenez. Jaurlaritzak lantaldearen erdira murriztu du jarraipena.
Diru-sarrerak Bermatzeko Laguntzarik (DBL) ezingo da gehiago eskatu uztailaren 1etik aurrera Gipuzkoan –seme-alabak dituztenen kasuan, abenduaren 31ra arte luzatuko da epea–. Diputazioak dio prestazio ekonomiko honek ez duela gizarteratzeko balio eta kendu egin du,... [+]
Komunikabide euskaldunek egindako gomendioak kontuan hartu gabe ebatzi du Eusko Jaurlaritzak 2015eko diru laguntza deialdia. Iaz baino diru gehiago banatu du, baina hedabideek eskatzen zuten irizpide aldaketa kontuan hartu gabe.
Egoera ekonomikoak behartuta, Elhuyar aldizkariak maiztasuna murriztuko duela iragarri du. Hilabetekari izatetik hiru hilero argitaratzera pasatuko da.
Hedabide euskaldunetan egiten den inbertsio publikoa audientzien arabera banatzeak “zalantza metodologiko ugari” sortzen ditu, Euskal Herriko bost unibertsitate irakaslek egindako azterketen arabera.
Azken urteotako inbertsio publiko txikiena egingo dute Hego Euskal Herriko administrazioek euskarazko hedabideetan, Hekimen elkarteak jakinarazi duenez.
Hekimen Euskal Hedabideen Elkarteak proposamen zehatza egin die Eusko Legebiltzarrean ordezkaritza duten talde politikoei: datorren urteko aurrekontuetan milioi bat gehiago bideratu dezatela euskarazko hedabideentzat.
Eneko Bidegain Mondragon Unibertsitateko irakasleak uste du diru gehiago behar dutela euskal hedabideek eta diru hori hizkuntza politikakoa ez den beste aurrekontu poltsetatik etorri beharko litzatekeela.
Ardanza I aroan audientzia esaten zitzaion. Horretan ez ginen txapeldun euskarazko hedabideok aspaldi urrun hartan eta gaur ere ez.
Hasteko eta behin, eskerrik asko Legebiltzarrari, Hekimen euskal hedabideen elkarteari foro honetan parte hartzeko aukera emateagatik, eta bereziki EH Bilduko taldeari, horretarako gonbitea egiteagatik.
