Funcor izan zen esperientzia kooperatibo eta kulturala ezagutzeko jardunaldia Elorrion
Gaur, ekainak 1, 10 urte bete dira Funcor kooperatiba sortu zuen Andoni Esparza Gallastegi hil zela. Funcor izan zena ezagutzeko jardunaldia antolatu du Andoni Esparza Gallastegi Gizartegintza Elkarteak, ekainaren 4an Elorrion. Izan ere, Funcor galdategia edota nekazal makinaria saltzeko fabrika izatetik, igaro zen izatera euskarazko lehen doako ikastola, “arte” unibertsitatea, txirrindulari talde profesionala, Laboral Kutxaren sortzailea, edota Ama lur euskarazko lehen film luzearen sustatzailea.
Ekainak 4 goizean, Elorrioko Alkartu Elkarte Gastronomikoan (Berriotxo kalea 27) hitzaldi hauek antolatu dituzte, Funcor esperientziak herrian izan zuen eragina aztertzeko. 10:30ean hasita hitzaldi hauek entzun ahalko dira:
Funcor. Zer gertatu zen? Andoni Basabe
Andoni Esparza eta Funcor. Pertsona eta bere obra Julia Itoiz (hemen Andoni Esparzaz eman zuen hitzaldi baten kronika)
Funcor ikastetxea eta “Credito al honor” Iñigo Agirre
Elorrioko Eskola Esperimentala. Proiektu pedagogiko esperimental bat Mikel Onandia
Funcor: Txirrindularien lantegia Rikardo Ajuria
Funcor eta Mondragon, bi eredu kooperatibo kontrajarriak Jabier Lertxundi (hemen gai horretaz eman zuen hitzaldi baten kronika)
1200px.jpg)
Andoni Esparza Gallastegi, Funcorren sortzailea
Andoni Esparza Gallastegik sortu zuen Funcor Elorrion 23 urte zituela. Gaur betetzen dira 10 urte hil zela ( 2012ko ekainaren 1ean, Iruñan). Jardunaldiak antolatu dituen elkartearen hitzetan, "Andoni Esparza Gallastegi enpresa familia baten hazitakoa zen eta bizitza osoan zehar enpresa proiektu ugari sustatu eta lagundu zituen, beti kooperatibimosaren baloreak ardatz hartuta. Funcor (Elorrio) eta Euskaldunak (Martzilla) kooperatibak izan ziren bere enpresa ekimen garrantzitsuenak. Esparzaren ideia kooperatibismo herrikoi bat egitea izan zen; herrian ardatza jarrita, teknologian eta ekonomian ezezik, kulturan eta hezkuntza ere indarrak jarri behar zirela sinistuta lan egin zuen".
1970eko hamarkadara arte iraun zuen Andoni Esparzaren proiektuak. Izen bereko elkarteak azaldu duenez, auzi juridiko bat egon zen amaieraren oinarrian: "Durangoko epaitegian kereila kriminala jarri zuten diru erabilera desegokia leporatuta. Epaile titularrak atzera botazuen arrazoi nahikoa ez zeudela argudiatuta. Bigarren kereila bateri erantzunez behin behinean kartzela zigorra jarri zuen ordezko epaileak. 1979an epaiketa izan zen eta salatutako guztiak absolbitu egin zituzten".
Elkarrizketa bizia egin zion Miel A. Elustondok Andoni Esparzari: "Abertzale larregi dago hemen!"
Andoni Esparza Gallastegi Gizartegintza Elkartea
Ekainaren 4ko jardunaldia Andoni Esparza Gallastegi Gizartegintza Elkarteak antolatu du eta erakunde hauek izan ditu laguntzaile: Elorrioko Udala, Laumunarrieta Elkartea eta Gerediaga Elkartea.
2012an sortutako taldea da Andoni Esparza elkartea: "Elkartearen xedea Andoni Esparza zenak hasitako ibilbideari jarraipena ematea da, euskal izatearen ezaugarriak eta baloreak kontuan hartuta, pertsonetan eta kooperatibismoan oinarritutako Euskal Herria eraikitzea".
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Bidasoaldeko irakurlea bazara, honezkero izango dira hiru urte Laia aldizkariaren lehen alea jaso zenuela etxean. BDSKOOP eraldaketa fabrikak –eskualdean Ekonomia Sozial Eraldatzailean dabiltzan kooperatiba eta proiektuak biltzen dituen elkartea– Behe Bidasoan eta... [+]