Fukushimako hondamendiaren 8. urteurrena: TEPCOk erreaktoreen irudi berriak erakutsi ditu (bideoak)
Martxoaren 11n betetzen dira zortzi urte Japoniako Fukushiman gertatu zenetik historiako istripu nuklearrik larrienetakoa. Iaz, 2018an, eskaini bazituen lau erreaktoreetatik matxuratuena omen dagoen bigarrenaren lehen irudiak, aurten robota bertan sartzea lortuta berriak eskaini ditu TEPCO konpainiak.
Frantsesez Fukushima 福島第 blogetik Pierre Fetet zientzialari frantses zaharrak jarraipen bikaina egin dio Fukushima Daiicheko istripuari urteotan. Oraingoan ere berak itzularazi, aztertu eta herritarrok ulerteko moduan azaldu ditu urte hasierarekin TEPCOk Internetez zabaldu dituen irudi berriak.
TEPCOk oraingoan erabili du Toshibak garatutako robot txiki berri bat (30 cm luze), argia, kamera, dosimetroa termometroa eta bi hatzen tankerako pintza batez osatua, 4 metroko hari batek argindarrez hornitzen duena eta, oraingoan bai, inguru izugarri erradioaktibo batean sartu bezala handik irteteko gai izan dena.
Oraingoan ere japonieraz azalpenak ematen dituen teknikariak ez du aipatzen corium hitz madarikatua, alegia, erregai nuklearrak labearen metalekin urtutakoan osatzen duen ore berezia, fusio nuklear kontrol gabeko bat gertatu izan denaren froga. Bestalde, Fetetek ohartarazten gaitu beste manipulazio esanguratsu batez: bideoan inon ez da aipatzen erradioaktibitatea neurtzeko Millisiervert kopururik, haren ordez Gray (Gy) da darabiltena... TEPCOk ez du berriro eskandalurik piztu nahi, nonbait, iaz hala gertatu baizitzaion aitortu zuenean ingurune horretan 530 Siervert neurtu zituztela, nuklearzale epelena ikaratzeko modukoa.
Hemen eskaintzen ditugun argazki eta bideoen edukia honela azaltzen ditu Pierre Fetetek: "Bideoak erakusten du animazio bidez nola gertatu zen erreaktoreen urtezea [meldown], badakizue, gertakizun beldurgarri hori: erregaiak urtu eta coriuma osatzea. Horri dagokionez, berrikitan jakin da Fukushima Daiichin urtu ziren hiru erreaktoreen artean osatzen duten corium masa 880 tona ingurukoa dela. Ondo dakigunez hondamendiaz geroztik 8 urteotan ez dutela lortu horietatik gramo urri batzuk baizik ateratzea, erraz kalkula dezakegu TEPCOk 880 tona horiek berreskuratzeko aipatu dituen 40 urteak ez direla izango nahikoak, ziurrenik mendeak beharko dira... baldin eta noizbait konpontzea lortzen bada. Ez zaigu gehiago esaten, momentukoz. Eta urtehurrenetan baudenez, ohorea robotei eta, batik bat, ez urik astindu Olinpiar Jokoen aurretik! Baina 2020ko gertakizun horretaz hainbeste okupatzeko ordez hasiko bagina zaintzen kutsatutako eremuan bizi diren haurrak?".
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]
Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.
Energia Atomikoaren Nazioarteko Agentziaren txosten batek oniritzia eman dio Japoniari, 2011ko hondamenditik Fukushimako zentral nuklearra hozteko erabilitako ur kutsatua itsasoan zabal dezan. Duela bi urte iragarri zuen 1,25 milioi tona ur baino gehiago itsasora botatzeko plana... [+]
Apirilaren 13an Japoniako Gobernuak erabaki du Itsaso Barera isuriko duela 2011n Fukushiman istripua izan zuen zentral nuklearrean pilatutako ur erradiaktiboa. Bi urte iraungo du operazio honek. Egun kutsatuak diren eta itsasora isuriko diren 1,25 milioi tona ur hauek... [+]
Duela hamar urte gertatu zen ezbeharra, Japoniako Fukushimako Daiichi zentral nuklearrean istripua, 2011ko martxoaren 11ko tsunamiak eragindakoa. 1986ko Txernobylgo istripua eta gero, larritasun hein berekoa errepikatu zen 25 urte berantago. Hamarkada pasa da, eta dirudienez... [+]
Martxoaren 11 honetan betetzen dira 10 urte justu Fukushimako Daiichi zentral atomikoaren lau erreaktoreak matxuratu zirenetik, lehenik lurrikarak eta ondoren maremotoak astinduta. Istripu hartatik eta geroztik –eta urte luzeetarako– laga dituen ondorioetatik... [+]
Japoniako Gobernuak Fukushima Daiichi zentral nuklearretik milioi bat tona ur kutsatu askatzea erabaki duela jakitera eman dute. 2011n istripua gertatu zenetik kutsatutako ura biltegietan jasotzen aritu dira eta arazo larri bilakatu da.
Ura metatzen ari da erreaktoreetan 2011ko hondamendiaz geroztik, eta lekurik gabe geratzen ari direla esan du Japoniako Ingurumen ministroak.
Ingurumenaren Sormen Gunea deitzen da eta bertan Fukushima probintziako haurrek ikasten dute nola bizi den gizakia irradiazioen artean betidanik. Antzeko erakusketa gehiago badira, eskualdeko bezala Japoniako gobernuek antolatuak. Diote agintariek fukushimatarrek desdramatizatu... [+]
2011ko martxoaren 11n lehertu zen Fukushimako zentral nuklearra. Telebistan emandako irudiek leherketa unea eta ondorengo laino zuria betikotu zituzten. Hurrengo egunetako eta hilabeteetako albisteetan garrantzi berezia izan zuen Fukushimak, baina egun gure munduak daraman... [+]