Fujitsu eta Erresuma Batuko Postaren eskandalu informatiko eta judiziala
2024 hasiera honetan inpaktua izan duen telesail bat Mr Bates vs The Post Office da. Lau atal dira, ikusteko ondo egina dago, eta inguruan entzun ez baduzu ere, Erresuma Batuan gobernu adierazpenak sortzera iritsi da. Kontatzen duena harrigarriki larria baita, 2000 eta 2015 urteen artean, Erresuma Batuko Posta Zerbitzuak, postetxeetan ezarrita zeukan Fujitsu etxearen kontabilitate sistemaren kontularitza okerraren erruz, ehundaka postetxe-arduradun jazarri zituen judizialki, espetxealdiak, kaleratzeak, isun ikaragarriak eta hainbat desastre pertsonal eraginez. Zergatik? Kontularitzak esaten zuelako postetxe-arduradunek lapurreta egiten zutela. Egia zein zen? Sistema informatikoak egiten zituen okerrak etengabe.
Posta-zerbitzu publiko britainiarra The Post Office deritzon erakunde publikoak darama, baina kudeaketa enpresa pribatu baten modukoa da. 20. mendearena amaieran, postetxe txikiei sistema informatiko bat ezarri zien, Horizon izenekoa, milaka milioiko kontratu batean Fujitsu etxearen adar britainiarrak garatua.
Era berean, postetxeetako arduradunak ez ziren Postako langile zuzenak, baizik eta frankizia moduko batean ari ziren lanean: kontratuaren arabera, arduradun ziren edozein diru galera bazegoen postetxearen kontularitzan, eta kausa zein zela ere, galera horri pertsonalki erantzun behar zioten.
Sistema informatikoa 2000. urtearen inguruan hasi zen lanean, eta berehala hainbat postetxeetan kontuak biribiltzeko arazoak sortzen hasi ziren. Eta ez libera batzuk gora-behera hilabete amaierako kontuetan alde txiki bat zegoelako, baizik eta ustez postetxeetan milaka libera falta ohi zirelako.
Ehundaka postetxe-arduradun saiatu ziren argitzen ezin zitekeela euren erruz izan hainbesteko kontu negatiboak hilez hil pilatzea. Baina The Post Office-k erantzun bera ematen zien: zuri bakarrik gertatzen zaizu. Eta berehala, kontratuak zioena bete behar zela, galerak bete behar zituztela pertsonalki. Eta zorrak kitatu edo ez, prozedura judizialak zientoka hasi zituen Postak postetxe-arduradunen kontra.
Telesailak kasu gutxi batzuetan postetxe-arduradun batzuek egin zuten borroka kontatzen du. Nola Mr. Bates (Alan Bates) delako bat hasi zen Galestik protestaka, 150 kaltetu elkartu zituen lehenbizi negoziazio baterako, eta 555 ondoren, Posta epaiketara eramateko (kontra-epai bat, kaltetuek jasandako guztien ondoren).
Baina ehundaka horietarik gora izan ziren kaltetuak:
- The Post Office-k 3.500 postetxe-arduradun akusatu zituen Fujitsuren Horizon sistemak (ustez) eragindako diru-kalteen erantzule gisa.
- Abiatutako epaiketetan, 700 erruduntzat jo zituzten epaiek.
- 236 lagun kartzelara joan ziren.
- Epai horietarik 93 atzera bota dituzte dagoeneko, eta Gobernuak 600.000 libera ordaindu die oker errudun jotakoei, baina ehundaka prozesu geratzen dira.
- Alan Bates-ek epaiketan ordezkatu zituen 555etarik 18 hil ziren justizia edo kalte-ordainik ikusi gabe.
- 4 postetxe-arduradunen suizidioa ere gertatu da.
The Post Office-ko edo Fujitsuko inork ez du erantzukizun pertsonalik honenbestez. The Post Office-k dio 130 milioi libera ordaindu diela honenbestez kaltetuei, eta prozesuak eta ikerketak aurrera jarraitzen duela.
Ustez postetxe-arduradunek ebatsi zuten dirua nora joan zen? Telesailean ez da argitzen, baina iradokitzen da kontularitzako linbo batean geratu zirela miloika libera, eta azkenean, kontuak bateratzean, seguruenik Postaren irabazien parte izatera igaro zirela.
Mr Bates vs. The Post Office ITV kate britainarraren ekoizpen bat da (artikulu honetako irudia telesaileko aktoreekin egina dago). Telesaila ezin da ikusi une honetan Hego edo Ipar Euskal Herriko plataformetan, baina BitTorrent-etan aurki daiteke, lau atal, eta dokumental gehigarri batekin. Erresuma Batuan telebista irekian eman zuten urtarril hasieran, eta lehen tarteka hedabideetan agertzen zen gaia, lehen mailako interesgune informatiboa bilakatu da, Gobernuaren agerpenekin, The Post Office-ren adierazpen gehigarriekin, eta Fujitsuren rola bereziki aztertzeko deiekin.
192 milioi sagar 2024. urtean. Segundoero sei sagarretik gora saltzen du Britainia Handiko Tesco supermerkatu kate han ezagunak; ia 27.000 tona. Zenbaki ikusgarriak dira baina are harrigarrigoak dira bertokoak, Ingalaterrako sagarrak direla jakinda.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Terminoaren jatorria XIX. mendearen hasieran kokatzen da. Garai hartan, liberal ingelesen asmo inperialistek errusiarrekin talka egin zuten, Errusia Asian zabaltzen ari baitzen eta Ingalaterraren kolonizazio nahiak oztopatzen. Beren interesak babesteko, Ingalaterrak errusiarren... [+]
Commonwealth-eko herrialdeen gailurra hasi da ostiral honetan Samoako Estatuan (Ozeania) eta bertan, Karibeko herrialdeak eskatu diote Erresuma Batuari onar dezala bere iragan esklabista, barkamena eska dezala eta kalte-ordainak egin ditzala.
Gurutzegramen zaletuek –eta beste inork gutxik– ezagutu ohi dute Txagos uhartediaren izena. Irla haietan handiena, Diego Garcia, aipatzen bada, gehixeago izango ginateke aditzera dugunak: ospea –ez batere gozoa– lortu du bertan dagoen base militar... [+]
Nottinghameko Unibertsitateak Anglosaxoiei eta Vikingoei buruzko Ikasketak masterrari izena aldatu dio: Ingalaterrako Goi Erdi Aroko Ikasketak. Cambridgeko Unibertsitateko Anglo-Saxon England Journal aldizkariari ere izen aldatu zioten lehenago: Early Medieval England Journal... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Protestak uztailaren 29an Southport-en izandako erailketen ondorioz piztu ziren, hilketa leporatu dioten gazteaz informazio faltsua zabaldu ondoren. Erresuma Batuko lehen ministro Keir Starmer-ek “krimen antolatua” izan dela salatu du, eta atxilotutakoek... [+]
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Alderdi Laboristak bete ditu aurreikuspenak eta sekulako garaipena lortu du Erresuma Batuko hauteskundeetan. Keir Starmer alderdiko buruzagia izango da lehen ministro berria. Eskozian SNPk porrot handia jaso du, Sinn Feinek boto emaitzak hobetu ditu eta Galesko independentismoak... [+]
Hauteskunde orokorrak dira Erresuma Batuan. Laboristen hautagai Keir Starmerrek ditu lehen ministro bilakatzeko aukera gehien. 14 urteren ostean gobernura itzul daiteke laborismoa. Herrialdeak bizi dituen askotariko ondoezen erantzulea hondoratuta ageri da inkestetan, Rishi... [+]
1415eko udazkenean Agrincourteko gudua lehertu zen Ingalaterra eta Frantziaren artean, Ehun Urteko Gerraren gudu erabakiorrenetakoa. Horretarako, Henrike V.a Ingalaterrako errege eta Irlandako jaunak uda horretan bere ejertzitoa Frantziara bidaltzea erabaki zuenean, soldaduak... [+]
Espioitzarako 200 hegaldi egin dituzte EBko hegazkin militarrek urritik, eta inteligentzia datuak eman dizkiete sionistei. Britainiarren inteligentzia jaso eta analizatzeko taldeak Israelen izan dira “gerra” hasi zenetik. Urriaren 7tik sionistei armak esportatzeko... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]