Frontexek Europako mugetan giza eskubideak urratzen dituela ondorioztatu du EBren txosten batek ere

  • Iruzurraren Aurka Borrokatzeko Europako Bulegoaren dokumentu sailkatu batek dio mugen kontrolerako agentziak Mediterraneo itsasoko legez kanpoko itzultzeetan parte hartu eta estali egin dituela. Dokumentuak nabarmentzen ditu agentziaren gardentasun falta eta bere zenbait langileren aurkako jazarpen kasuak.


2022ko urriaren 24an - 11:11
Azken eguneraketa: 13:48

Gauza jakina zen, eta Europako Batasunak berak ere baieztatu egin du azkenean. Frontex Muga eta Kostaldeetako Guardiaren Europako Agentziak pertsona migratzaileen itzultze ilegaletan parte hartu du eta estali egin ditu Greziako eta Maltako uretan, Schengen eremuan.

Migratzaileen eskubideen aldeko ekintzaileek eta hainbat hedabidek bi urte luzez salatu duten egoera Iruzurraren Aurka Borrokatzeko Europako Bulegoaren (OLAF) txosten sailkatu batek jaso du orain, Frontexek giza eskubideen urraketak modu jarraituan burutu dituela argituz. Halaber, dokumentuak agentziaren gardentasun falta eta bere zenbait langileren aurkako jazarpen kasuak ere nabarmentzen ditu.

120 orri baino gehiagoko txostena apirilean idatzi zen, baina orain arte ez da argitara eman. Filtrazio baten bitartez, ordea, Der Spiegel egunkari alemaniarraren eta Lighthouse Reports eta FragDenStaat GKEen eskuetara heldu da, eta haiek arduratu dira bere edukiak plazaratzeaz. Dokumentua esteka honetan irakurri daiteke (izen guztiak beltzez estalita daude).

OLAFen txostena 2020tik aurrera Egeo itsasoan emandako pushback edo itzultze ilegaletan zentratzen da bereziki. Front-LEX erakundearen arabera, ordutik hona 43.000 pertsona baino gehiago izan dira metodo horren bitartez Europatik kanporatuak. Bada, dokumentu sailkatuaren arabera, Frontexek Greziako kostazainek buruturiko horietako zenbait pushback babestu eta estali ditu, itsasoan lekuko zuzen zela.

Legez kanpoko itzultze horietan, sarritan, Greziako kostazainek motorrak kentzen dizkiete jada Europako Batasuneko uretan dauden pertsona migratzaileen txalupei, eta Turkiako uretara bueltarazi ostean, noraezean uzten dituzte abandonaturik. Hala, nazioarteko legediaren eta giza eskubideen urraketa nabarmenak izateaz gain, praktika hauek pertsona migratzaileen bizitzen aurkako atentatu larriak dira ere.

Gardentasun eza

Frontexek, Europako Batasuneko agentziarik garestienak (754 milioi euro jaso ditu soilik 2022 urterako), 600 agente ditu Egeo itsasoan eta, OLAFen arabera, haietako hainbat presente izan dira migratzaileen legez kanpoko itzultzeetan. Haiek ikusitakoa jakina eta baimendua zen ere agentziako goi karguen artean, baita bere zuzendari zenaren Fabrice Leggeriren eskutik ere. Honek, hain zuzen, bere kargutik dimititu behar izan zuen apirilean, Frontexen irregulartasunei buruzko ikerketak inguraturik.

Argitaraturiko txostenak Leggeriren agentziaren “gardentasun eza” nabarmentzen du, autoritate komunitarioei oinarrizko eskubideen urraketak izan zitezkeen gertakariei buruzko informazioa ezkutatu ziela azpimarratuz. Eta ez hori bakarrik. Izan ere, Frontexen barnean oinarrizko eskubideen betetzea ikuskatzeaz arduratu behar zen pertsona bere zereginetatik alboratu zutela dio ere dokumentuak, neurri horrek “Egeoko gertakarietan lekukorik ez egotea” bilatzen zuela argudiatuz.

Bestalde, agentziako langileen aurkako umiliazio eta jazarpen kasuak ere aipatzen dira OLAFen txostenean.

Elkarri leporatu, denak errudun direnean

Duela egun gutxi, Frontexen berak jakinarazi zuen Turkiaren eta Greziaren arteko Evros ibaiaren ertzean biluzik zeuden 92 pertsona migratzaile erreskatatu zituela, eta bertan gertatutakoa argitzeko ikerketa bat abiatuko duela iragarri zuen. Greziak, Egeoko uretan Frontexekin batera jarduten duenak, bere aldetik, Turkiari egotzi dio jazotakoa, kostazain turkiarrek migratzaileak biluztuarazi eta ontzietara igoarazi zituela zehaztuz.

Hain zuzen, Greziak urteak daramatza salatzen Erdoganek migratzaileen erabilera politikoa egiten duela, haien bitartez, ustez, Europako Batasuna presionatu eta bere mesedea lortzeko helburuarekin. Ankarak, bestalde, bere erantzukizuna ukatu du, eta, OLAFen txosten berriak seinalatzen duenaren ildo beretik, itzultze ilegalak egitea leporatu dio Greziari.

Bi herrialdeen arteko mugan jarduten duten ekintzaileek bildutako ebidentziek, ordea, argi uzten dute alde bateko zein besteko kostazain eta poliziek urratzen dituztela Europara heldu nahi duten pertsona migratzaileen eskubideak; baita Europako Batasunaren kudeaketapean daudenek ere.


Kanal honetatik interesatuko zaizu: Migrazioa
2025-01-29 | Leire Ibar
Urriaren 7ra atzeratu dute Korrikan migratzaileei muga zeharkatzen laguntzea egotzi zietenen epaiketa

Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]


2025-01-27 | ARGIA
Migrazio politikak salatu eta auzipetuak kargugabetzea eskatu dute epaiketaren atarian

2.000 lagun inguru bildu dira urtarrilaren 26an, Irunetik Hendaiarako martxan, Europaren migrazio politika “hiltzaileak” salatzeko. Korrika igaro zenean hainbat migratzaileri muga igarotzen laguntzeagatik auzipetutako ekintzaileei babesa eman diete. Ekintzaileak... [+]


2025-01-27 | Aritz Arrieta
Euskaldun harrera herria?

Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]


Trumpen eta fiskal demokraten arteko borrokak migratzaileen deportazioa oztopa dezake

AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.


Euskararen herria harrera herria

Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.

Tipi-tapa ematen ditu lehen urratsak Afrikako, Hego Amerikako edo... [+]


Larrialdi egoera Mexikorekin mugan: migratzaileen aurkako ehiza abiatu du Trumpek

"Ameriketako Estatu Batuen gainbehera aldia amaitu da", esanez abiatu du kargu hartze ekitaldiko diskurtsoa Donald Trumpek. Besteak beste, trans eta pertsona ez-bitarren eskubideak deuseztatuko dituela promestu du, baita energia berriztagarrien aldeko politikekin... [+]


2025-01-17 | Antxeta Irratia
Dagoeneko 1.000 autoinkulpaziotik gora bildu ditu J’accuse kanpainak

Irunen autoinkulpazio sinadurak biltzeko deia luzatu dute San Juan plazan urtarrilaren 18an, larunbatarekin, 10:00etatik 13:00era. Urtarrilaren 26an «modu masiboan» Irunen hasiko den manifestazioan parte hartzera deitu dute eragileek, «migrazio politika... [+]


Irungo Harrera Sarean Gautxori taldearen lana indartu da

2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira. 6.000 pertsona inguru artatu dituzte guztira.


Arartekoaren ustez, Martuteneko Agustindarren eraikineko operazioa barruan zeudenak identifikatzeko egin zuten

Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]


2024-12-27 | Leire Ibar
Txanpainaren industriaren arrakastaren oinarrian eskulan esplotatua dago

The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.


2024-12-26 | Leire Ibar
10.500 migratzaile baino gehiago hil dira aurten Espainiako Estatuko kostaldeetara iristeko ahaleginean

2024ean batez beste eguneko 30 migratzaile baino gehiago zendu dira Espainiako Estatuko kostaldeetara iristeko ekinean. 10.457 heriotza errejistratu ditu Caminando Fronteras erakundeak eta "arrastorik utzi gabe" desagertu diren beste 131 ontzi zenbatu ditu. Kopuru hau... [+]


Alerta laranjak

Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]


Izar Mendiguren. Saltsa berrietan beti
“Ni euskaraz bizitzeak ez du esan nahi beste hizkuntzei eta kulturei ateak ixtea”

Aiaraldea Komunikabidea sortu zuten lehen, eta Faktoria gero. Laudion dute egoitza, eta bertan ari da lanean
Izar Mendiguren. Kazetari, bertsolari, musikari, militante... Ipurdi batez eserleku bi ezin estali litezkeela dio esaerak, baina hori baino handiagoa da Mendigurenen... [+]


2024-12-18 | Mara Altuna Díaz
Migratzaileen Nazioarteko Eguna | Alberto Flores-Uranga, artzaina
“Amerikak asko eman dit, baina nik ere asko eman diot Amerikari”

20 urte zituela, Alberto Flores-Uranga Mutrikutik Idahora (AEB) joan zen artzain. Bakardadean, mendietan galduta, maiz koiote eta hartzak begira zituela."Berriro egingo nuke, zalantzarik gabe", dio, garai haiek gogoratuta.


Eguneraketa berriak daude