Fronte Nazionala: mamua geroz eta errealagoa da
Frantziako Erregio bozen lehen itzulia da igande honetan.13 erregiok osatuko dute Hexagonoa 2016tik aitzina. Akitania zena, Akitania-Limousin eta Poitou-Charentes bihurtu da, Ipar Euskal Herriko euskaldunak barne.
Hona, labur zur, hauteskundeen inguruko hainbat zertzelada:
– Berriz ere baieztatu da, Erregiokoak dira herritarrengandik urrunen dauden bozak. Kanpaina oharkabean iragan ohi da, eta aldion, Parisko azaroaren 13ko atentatuek eklipsatu egin dute, baita bertan burutzen ari den klimari buruzko COP21 goi-bilerak eklipsatu ere.
– Ipar Euskal Herrian boz kanpaina oharkabean iragan (ari) da. Ekitaldi publikoak urriak dira. Batera plataformaren Karabanaren kaietara baino ez ditugu hautagaiak karriketan ikusi. Hautagaitza abertzalerik (EH Bildu ez EAJ-PNB) ez dagoenez, kanpaina are lausoago da Iparraldean.
– Hautagaien proposamenak Errepublikako identitate baloreetan urtu dira: Errepublikarekiko eta aberriarekiko atxikimendua eta mezuak alderdien programa guztien gainean daude. Estatuaren segurtasuna neurrien araberako demokraziaren aldeko mezuak gailendu dira kanpainan.
– Atzo, Frantziako Legebiltzarrean, Manuel Vals barne ministroak Europe-Écologie les Verts (ELLV) alderdiko Noël Jean Mamère diputatuari egotzi zizkion COP21 goi-bileraren karietara izandako istiluak. 300 manifestari atxilotu zituen poliziak. Frantziako Asanblea Nazionalean berebiziko tokia hartu du Erregioetarako bozen kanpainak. PSko ezkerrera dauden alderdiak deskreditatzeko kanpaina, besteak beste.
– Inkesten arabera, François Hollandek herritarren % 20 atxikimendu gehiago irabazi du. Parisko atentatuen ondoren presidentearen sostengua herritarren %35etik %55era igo da. Hollandek 2017ko hauteskunde presidentzialetan aukerarik ez izatetik hautagaia berretsia izatera pasa da.
– Atzo, Bernard Cazeneuve Barne ministroak Akitaniako jarduneko presidente Alain Rousset sostengatu (PSko hautagaia) zuen kanpainako mitin batean, Bordelen. Nicolas Sarkozyren Les Républicains (LR) eta Marine Le Penen Front National (FN) alderdiek gogor kritikatu zuten Paris hiriburua utzi izana, Bordelera joateko.
– Les Républicains alderdia kezkatuta dago, kezkatuta dagoenez. PS ere ez gutxiago. Departamenduetarako azken bozetan FNren gorakada izugarria izan zen. Hauteskunde sistemak FN departamenduetako kontseiluak gobernatzea oztopatu du, baina, aldion, 12 erregioetarako hiru kontseilu FNren esku gera litezke. Inkestek Nord–Pas-de-Calais–Picardie erregioko presidentea izateko proportzio handia ematen dio Marine Le Peni. Alsace-Champagne-Ardenne-Lorraine, Provence-Alpes-Côte d'Azur edota Normadie erregioetako kontseiluak ere bereganatu litzake FNk. Hots, ez eskuina ez ezkerra moderatuek ez dute bigarren itzuliko lehia triangularra nahi inondik ere. Manuel Vals Barne ministro sozialistak Sarkozyren Les Républicains bat egitearen beharra aldarrikatu du.
– FNko buru Marine Le Pen Erregioetako zenbait kontseilutan sartuz gero, 2017ko hauteskunde presidentzialetarako hautagai nagusia izan liteke. Inkestetan, buruan buru dago jada. Eskuinak zein ezkerrak FNren mehatxua mamu gisa ekartzen dute. Aldi berean, bi alderdiek abstentzioa agertzen dute mamu bezala. Vals-en alderdiak bereziki, eskuin muturreko aukera mamu beldurgarria gisa aurkezten du. Sarkozyren alderdiak, berriz, anartean,lehen itzulian, sozialistekin balizko aliantza errefusatzen du, eskuineko bozemaile askok FN aukera gero eta sinesgarriagotzat baitaukate. Hauteskundez hauteskunde, FNren lema “nazioa arriskuan dago” gero eta barneratuago dago Frantziako herritarrengan.
– LR eta PS alderdiek, “printzipioz” antagonikoak, bat egin beharko lukete Errepublikaren esentzia makulurik gabe atxikitzeko. Izanik ere, biek ala biek, Marine Le Penen alderdiari errepublikar izaera ukatzen baitiote, FN eskuin muturreko nazionalista delakoan. Noiz arte?
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Uda aurretik, irakasle talde batek ekimen bat jarri zuen martxan ikasleek proba euskaraz erantzun ahal izateko. Kazetak adierazi duenaren arabera, orain gertatutakoa ikertzeko prozesua zabalik dago.
Politikari zentrista ezaguna, 1986tik 1991ra Departamendu kontseilari izan zen, 1991tik 2014ra Miarritzeko alkate eta Frantziako senatari 1992tik 2011ra. 86 urte zituela zendu da abuztuaren 21ean, infartu baten ondorioz.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Nafarroa Behereko zati bat, Zuberoa eta Biarnoko zati bat hartzen dituen laugarren hautesbarrutian %73ko parte-hartzea izan da (Frantziako estatukoa %65,5). Ezkerreko Fronte Popular Berriko Iñaki Etxaniz nagusitu da bozen %38,01ekin. Eskuin muturreko Batasun Nazionaleko... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.