Frantziako Poliziaren teknika berria: manifestariak produktu ikusezin batekin markatu, ondoren atxilotzeko
Martxoaren 26an bi pertsona atxilotu zituzten Sainte-Solinen, bezperan izandako manifestazioan PMC produktuarekin markatuak izan ondoren. Lehen aldia da Frantzian produktu hori manifestarien aurka erabiltzen dutena, eta atxilotuek beren kasuen berri eman dute hedabideetan.
Bi pertsona atxilotu dituzte Sainte-Solinen (Frantzia), Poliziak produktu ikusezin batekin markatu ondoren. Martxoaren 25ean uraska erraldoien aurka izandako manifestaziotik PMC produktuaz markatuta atera ziren, eta hurrengo egunean atzeman zituzten.
Teknika honekin, Poliziak paintball errifle batekin manifestariak urrutitik seinalatzen ditu PMC produktuarekin. Produktua ikusezina da, eta asteak irauten ditu azalean eta arropetan. Izpi ultramoreekin baino ez da ikusten.
Clemente B izan zen atxilotuetako bat, Le Monde eta Radio Francentzat lan egiten duen kazetaria. Reporterre-ri adierazi dionez, ez zuen kontakturik izan Poliziarekin manifestazioan. Martxoaren 26an errepideko kontrol batean geratu zuten, eta autoa miatu zioten. Kanpora atera, eta izpi ultramoreen lanpara bat gainetik pasa zioten. Ondoren, Jendarmeriara eraman zuten, eta han ere lanpara pasa zioten. Kazetariak dioenez, "feltrozko marra" bat ikusi zuen bere eskuan. Pertsonen aurkako indarkeria eta ondasunak kaltetzea egiten zuen talde baten parte izatea leporatu zioten. 28 orduz eduki zuten atxilo.
Bigarren atxilotuak hatz lodiaren eta hatz erakuslearen artean orban txiki bat zuen. Reporterreri azaldu dionez, produktua ez zioten zuzenean eman, norbaitekin edo zerbaitekin kontaktua izanda iritsi zen bere eskura. Izan ere, PMC-ak bost minutu inguru behar ditu lehortzeko, eta tarte horretan transferitu egin daiteke.
Lehen aldia da Frantzian manifestarien aurka teknika hori erabiltzen dutena. Beste kasu batzuetan erabiltzen dute, lapurretei aurre egiteko produktu garestiei emanda, esaterako.
Frantziako Estatuaren aurkako protestak aitzina doaz Kanaky irlan eta errepresioak ere ez dauka etenik. Uztailaren 10ean tiroz hil du errepide blokeoan zegoen Rock Victorin Wamytan gaztea. Independentisten artean ezaguna den familia batekoa da gaztea: 1998ko Noumeako Bake... [+]
Frantziako Poliziak sei gazte atxilotu zituen asteazken goizean, Urruñan, Hendaian eta Baionan. Uztailaren 14an erretreten erreformaren aurkako istiluen parte hartu eta "istiluak" eragitea eragotzi diete.
Historia errepikatu zaigu 2023ko [Frantziako auzo popularretako] matxinadekin. 2005ean bezala, Poliziarekin izandako topaketa hilgarri bat izan dute txinparta. Bi haserre erakustaldi horien arteko antzekotasunak begi-bistakoak izan arren, osagai berriak ere agertu dira. COVID-19... [+]
Aurten berrogei urte Frantziako banlieue edo auzo popularretakoek “Berdintasunaren Aldeko eta Arrazakeriaren Aurkako Martxa” burutu zutela Marseillatik Parisera arte. Aldarrikapenen artean zuten polizien gehiegikerien bukaera. Orduz geroztik testigantzak, ikerketak,... [+]
Bertsio ofizialaren arabera, motocross batean zebilen eta Polizia ikustearekin "ihes egin" du gazteak, eta paretik zetorren beste polizia auto baten aurka hartu du kolpea. Bi inkesta abiatu ditu Frantziako Poliziaren Ikuskaritza Nagusiak: bata, gazteari... [+]
Ekainaren 28az geroztik, Frantziako Poliziak baimenduta zuen migratzaileak kontrolatzeko droneak erabiltzea Bidasoa ibaiaren inguruan. Migratzaileen defentsarako hiru elkartek, ordea, helegitea aurkeztu zuten berehala, eta Paueko Administrazio Auzitegiak gailuak erabiltzea... [+]
Epaiketa eta zigor bidez eskarmentatu nahi ditu Frantziako Gobernuak istiluetan atxilotutako pertsonak, 3.600 inguru. Prozesu judiziala azkartu eta “defentsarako eskubide eza” salatu dute abokatuek. Jada, 380 pertsona baino gehiagok jaso dute sententzia.
Nahelen hilketaren harira piztu diren protestetan, larunbatetik igandera 27 urteko gazte bat hil da Marseillan, motoan zihoala Poliziaren gomazko pilota batek bularraldean jo ostean. Gaztea ziurrenik horren ondorioz hil dela onartu du Fiskaltzak eta ikerketa zabalik da... [+]
Gertatutakoaren berri eman du hirugarren bidaiariak. Polizia kontrolean gelditu bezain laster agenteek jarrera oldarkorra izan zutela salatu du, eta urduritasunaren erdian autoa automatikoa zelako egin zuela aurrera adierazi du.
Kontrol batetik autoan ihes egin ostean tirokatuta hil du asteartean poliziak gazte bat. Protestak eragin ditu egunean bertan eta gutxienez 31 pertsona atxilotu dituzte.
SDAT polizia judizialak goizaldean burutu du atxiloketa, eta Tolosara (Okzitania) eraman dute atxilotua. Poliziak hamabost pertsona atxilotu ditu Frantziako hamar tokitan operazio berean, baina ez du azaldu zer leporatzen dieten atxilotuei. Polizia operazioa salatzeko... [+]
Ureztatze urtegien aurka Sainte-Soline (Frantzia) herrian larunbatean izandako manifestazioetan Poliziak jaurtitako granada batek buruan jo du gizonezkoa. "Bizi iragarpen larria" duela adierazi du Fiskaltzak egindako txostenak. Guztira, 200 manifestari eta 29 jendarme... [+]
Litekeena da 2024an Baionako festak beste data batean egin behar izatea, eta bertan behera geratzeko arriskua ere badago, bertan egon beharko luketen polizia gehienak Pariseko Joko Olinpikoetan izango direlako.