Frantziako Konstituzioak jasoko du “aborturako askatasuna bermatzea”
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
Duela 50 urte onartu zuen Frantziak abortu eskubidea, baina ez zuen orain arte konstituzioan barnebildu, nahiz saiakerak egon. Duela urtebete sartu zuen Senatuak izapideetara abortua konstituzioan jasotzeko testu bat, zeinak ordura arteko "eskubide" terminoa "askatasun" hitzaren ordez ordezkatzen zuen.
Ostegunean onetsi zuen Senatuak "abortuaren askatasuna bermatzeko" konstituzio-aldaketa, eta astelehenean Asanblea Nazionalak eta Senatuak bilkura bateratua egin dute. Behin betiko oniritzia eman diote proposamenari. 780k bozkatu dute, eta horietatik 580 izan dira aldeko boto.
Lan luzea izan dela gogoratu zuen joan den ostegunean Mélanie Vogel senatari ekologistak: "Lan hau abiatzerakoan, ezinezkoa izanen zitzaigula erraten ziguten guztiek. (…) Ahots erreakzionarioak indarra hartuz doazen honetan, bidea ireki dugu: segur naiz europar herrietako beste emakume batzuk abiatuko dituztela gisa bereko borrokak". Era berean, Justizia ministro Eric Dupond-Moretti-k "historikotzat" jo du bozketa.
Oro har pozik, baina bermea exijitu
Kolektibo feministek, oro har, txalotu egin dute bozketa. Frantziako Emakumeen Fundazioak, esaterako, "garaipen kolektibo" gisa ulertzen du araudi aldaketa. Abortu eskubidearen eta askatasunaren aldeko borroka iparrorratz duen Planning Familial elkartea ere pozik agertu da.
Dena den, zenbait kolektibok zehaztu dute Konstituzioan jasotzeak ez duela zertan bermatu aborturako eskubidea. Esaterako, Baionako Manifeministen Kolektiboak M8ko mobilizazioetarako aldarrien artean jaso du "elkarrekin altxatzea beharrezkoa" izango dela hala eta guztiz ere. "Bat egin dezagun, eta eska ditzagun oinarrizko baliabideak hori gauzatu ahal izateko; abortu eskubidea behar den tokian bermatzea nahi dugu, medikuek duten abortuaren inguruko kontzientzia objekzioa bertan behera uztea, laguntza bidezko ugalketa denentzat eta kontrazepzio maskulinoa eta femeninoa urririk guztiontzat".
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]
