Kexua areagotu du erretreten erreforma Frantziako Legebiltzarraren bozketarik gabe pasarazteak
Frantziako Konstituzioko 49.3 artikulua aktibatzeko erabakia hartu du Edouard Philippe Frantziako lehen ministroak. Hori horrela, Legebiltzarreko eztabaidak eta bozketa saihestu ditu gobernuak. Aurkariek aurkeztu zentsura mozioak bozkatuko dituzte astearte arratsaldean diputatuek. Florence Lasserre Errepublika Martxan alderdiko diputatuaren bulegoaren okupazioa hasi du LAB sindikatuak.
Parlamentuaren baitako eztabaida eta bozketarik gabe aitzina eramanen du Frantziako Gobernuak erretreta erreforma. Konstituzioaren 49.3 artikulua baliatu du diputatuen bozketarik gabe pasarazteko erreforma. Erabaki horren berri eman zuen otsailaren 29an Edouard Philippe lehen ministroak. Noski, aurkarien kexua areagotu du erabakiak, demokraziarekin gutxi errimatzen duelako Parlamentua saihesteko bide horrek.
Haserrea entzunarazteko ekintza egiten dabil LAB sindikatua. Hain zuzen, Florence Lasserre Errepublika Martxan alderdiko diputatuaren bulegoak okupatzen dabiltza hainbat sindikalista. Txio bidez eman du Eñaut Aramendi LABeko kideak 24 orduko okupazioaren berri. "Biztanle guztiak hunkitzen dituen legea bortxaz pasatu izana ez da onargarria", haren hitzetan.
🔴 Florence Lasserre diputatuaren permanentziaren okupazioa hasi berri dugu Angelun. ➡️Erretren erreforma 49.3 artikuluaren bidez onartu izana salatu nahi dugu.#ErretretenErreformariEz ! pic.twitter.com/FI88hlQANs
— LAB IEH (@LAB_ieh) March 3, 2020
49.3 artikulua aktibaturik, erretreten sistema erabat aldatuko duen erreforma oztopatzeko aukerak askoz murritzagoak ditu oposizioak. Aukera bakarra dute aurkariek: zentsura mozioa. Bi zentsura mozio iragarri ditu oposizioak. Bata, ezkerreko Frantzia Intsumisoak, Alderdi Sozialistak eta komunistek aurkezturikoa, elkartasunean oinarrituriko sistemaren alde doana. Bestea, Errepublikanoena, Philippek aurkezturikoa baino antisozialagoa eta pribatizazioaren alde oraindik gehiago joango liratekeen erreforma baten alde delako eskuina. Martxoaren 3aren arratsalde bukaeran aztertuko dituzte zentsura mozioak. Eztabaidak luze jo beharko luke. Baina, edonola ere, Emmanuel Macronen Errepublika Martxan-ek gehiengo osoa du mozio horiek gainditzeko.
Hala eta guztiz ere, Errepublika Martxan taldearen baitan ere desadostasuna sortu du 49.3 artikuluak. Taldetik atera dira behintzat bi diputatu eta senatari bat. “Trakeskeria segida batean gara. Puntaren punta 49.3 artikulua dugu, larunbat gau batez, koronabirusaren epidemia giroan, kasik isil-gordezka harturikoa”, deitoratzen du taldetik atera den Errepublika Martxan-eko Michel Amiel diputatuak.
Kalean mobilizazioa aitzina
“Gibelatze soziala” dakarren erreforma horren kontra mobilizatzen segitzeko gogoa dute CGT, CFE-CGC, FSU, FO eta Solidaires sindikatuek. Lizeoetako FIDL, UNL eta MNL erakundeek baita unibertsitateetako ikasle sindikatuek ere dute borrokan segitzeko asmoa. Mobilizaturik segitzen du LABek ere Ipar Euskal Herrian. Intersindikalak finkaturiko ondoko greba eta mobilizazio eguna: martxoaren 31a. Irabazteko aukerak murritzak direla jakiteak eragina du mobilizazioan segitzeko determinazioan. Ageriko da martxoaren 31an zer nolako indarra daukan abenduaren 5ean jendetsu eta determinazioz beterik abiatu zen mugimendu sozialak.
Karrikaz gain, Finantzari buruzko konferentzian ere eragin dezakete sindikatuek. 2027rako pentsio kutxen oreka finantzarioa lortzeko proposamenak plazaratzeko leku izan nahi du gune horrek. “Negoziaketa askatasuna zangopilatuta” dagoela deitoraturik, FO sindikatuak alde egin du konferentziatik aste hastapen honetan. Dionaz, gobernuak jarri baldintzak "onartezinak" dira. Adibide bat ematearren, lan kostuaren emendioa ekarriko luketen neurriak debekatuta dauzka, hots, kotizazioen emendiorik ezin dute proposatu. Otsailaren 18az geroztik dabiltza negoziaketetan Finantzari buruzko konferentzia-ren baitan baina tentsio handiko gunea dute. Bertatik ateratzeko mehatxua luzatu du CGTk ere.
Testua Senatura helduko da orain eta fase horretan ere desadostasuna entzunarazteko determinazioa dauka oposizioak. Erreformaren lehen irakurketaren bozketa martxoaren 15 eta 22an iraganen diren herrietako hauteskundeak aitzin nahi du Philipperen gobernuak.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
23.000 lagun batu dira Baionan sindikatuen arabera, eta orokorki, manifestazio guzietan batu da jendetza esanguratsua –Parisen 800.000 dira une honetan, CGTren arabera–. Tonua gogortuz doa manifestarien partetik eta blokeoak eta barrikadak biderkatuz doaz azken... [+]
Pirineo Atalntikoetako prefekturak jakitera eman du lau manifestari atxilotu dituela Frantziako Poliziak. Elkarretaratzera deitzen du Ipar Euskal Herriko Kontseilu Sozialistak, 18:30ean Baionako komisaldegiaren aitzinean.