Euskal presoak Euskal Herriratzearen alde da Frantziako Justizia ministroa
Baionako PSko diputatu Colette Capdeviellen hitzetan, “Frantziako ministro Christiane Taubira euskal presoak hurbiltzearen aldekoa da. Kasuak kasu aztertuz betiere, giza arrazoi eta behar familiarrak tarteko, atxilotuen dosierrak aztertzeko prest dago”.
Abuztuaren 31n, Frantziako hainbat hedabideetan berebiziko albiste hau zabaldu da.
Kari horretara, AFPk agentziak Justizia Ministerioko Olivier Pedro-José elkarrizketatu du: “Orainokoan ez da hurbiltzeko inolako engaiamendurik hartu, baina preso bakoitzaren egoera, jarrera eta dossierra bederazka aztertzeko borondatea dago. Horren arabera, pausoak eman litezke”.
Euskal preso politikoak hurbiltzeko aurrerapauso posible hauek uztailaren 8an gestionatzen hasi bide ziren. Hainbat iturri informatiboen arabera, Justizia Ministerioko zuzendari Alain Christnacht presoen hainbat ordezkarirekin bildu zen bere kabinetean.
Colette Capdevielle diputatu baionesak dioenez, bilera hori ekainean Parisko Giza Konferentzia izan ondoren egin zen. Konferentzian Euskal Herriko bake prozesua aztertu zen. Ekimenak oihartzun handia izan zuen. Capdeviellen hitzetan, lehen bilera hura keinu politiko oso adierazgarria izan zen. Eta, bart, Olivier Pedro-Josék Parisen adierazitakoa berriz, Frantziako Gobernuak euskal presoen espetxe politika alda lezakeen seinalea.
Barne ministroaren bisita Euskal Herrira
Bernard Cazeneuve Frantziako Barne ministroa Lapurdin izan zen ostiralean, Baionako Estatuko Etxe izendatu duten Suprefeturako ekitaldian. Besteak beste, hauxe adierazi zuen: “Estatuak Frantzia osoan izan behar du presente”. “Frantziako Notre lege erreformaren arabera lurralde bakoitzak –Euskal Herria, tarteko– ‘bere bidea’ egin behar du. Lurralde elkargoa tokiko hautetsien esku dago”.
EH Bai mugimenduaren ordezkariek ministroari eman zioten gutunean, bi eskaera hauek nabari ziren: Batetik lurralde elkargoari buruzko engaiamendua; eta bestetik, Frantziak gatazkaren konponbidean parte-hartzea.
Euskal Herriko eragile politikoen gehiengoak euskal preso politikoen sakabanaketarekin amaitzea eta etxera hurbiltzea eskatzen du.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.
Raul Fuentes eta Gaizka Astorkizaga dira Euskal Herriko espetxeetara lekualdatuko dituztenak, eta Pedro Cano eta Orkatz Gallastegi hurbildu egingo dituzte. Horrez gain, Olga Comesi hirugarren gradua emango diote.