Gaueko trena hegazkina ordezkatzeko “tresna paregabea” dela diote. Frantziako Estatuan 2030erako ezarriko diren hamabost ibilbideek eta Europa mailako beste hainbatek aukera emango dute urtean 10 milioi bidaiarik gaueko trenak erabiltzeko, hegazkinen edo errepideen ordez. Horrek urteko CO2 emisioak 1,9 milioi tona murriztea eragingo luke.
Frantziako Estatuak 30 trenez osaturiko sare bat prestatu nahi du 2030erako, gauez funtzionatuko duena. Mediapart hedabideak dionez, gaueko trenek denborarik galdu gabe distantzia luzeko bidaiak egiteko aukera ematen dute, 600 eta 1500 kilometro arteko distantzietan garraioa deskarbonizatzeko atea zabalduz.
Frantziaren proposamena gaueko tren-lineako 30 treneko lehentasunezko sare bat osatzea da, 2030erako ezarriko diren hamabost loturarekin, estatu zein Europa mailan. Lerro horiek bi helbururekin irudikatu dira: batetik, Frantziako eta inguruko herrialdeetako aireko bidaia jendetsuenei karbono gutxiko alternatiba bat eskaintzea. Bestetik, tamaina ertaineko hirietan eta landa-eremuetan dauden mugikortasun-hutsuneak betetzea. Kontua da, bereziki, zeharkako loturak sustatzea eta eskualdeak elkarren artean lotzea, Paris bidezko desbideratzerik edota tren aldaketarik gabe.
Gaueko tren horiekin gerta litekeen joera aldaketa ere kontuan izan dute proiektuaren diseinurako, batez ere hegazkin eta autoen erabileratik trenaren trantsiziora bideratuta. Horretarako, proposatutako gaueko ibilbideek aire eta errepide-zirkulazioari buruzko datuak aztertzen dituzte, eta horietako bakoitzerako gaueko trenbidearekiko “aldaketa-tasa modal errealista” izeneko indizea kalkulatu dute. Horrek truke modalaren tasa kalkulatzea eskatzen du, hots, kalkulatzea zenbat lagunek utziko lioketen autoa edo hegazkina erabiltzeari bidaia hori egiteko. Beraz, hainbat parametro hartu dituzte kontuan, gaueko trenen ordutegien erakargarritasuna, beharrezko konexioak, bidaia-denbora eta eguneko trenen maiztasuna barne.
2030erako proposatutako 30 burdinbideek urtean 10 milioi bidaiari baino gehiago eraman ditzakete. Ingurumenaren Europako Agentziak adierazitako isurketa-faktoreen arabera, 1,9 milioi tona CO2 saihestuko lirateke urtero.
30 linea horiekin, estatuko linea erradialeko aireko bidaiarien %85ak (Paris eta Frantzia metropolitarreko hirien artean), estatuko zeharkako lineako bidaiarien %75ak (hau da, Paristik igarotzen ez direnak) eta Europara bidaiatzen duten bidaiarien %30ak alternatiba bat izango luke gaueko tren zuzenarekin. Horrek erakusten du gaueko trena irtenbide egokia dela aireko garraioaren erabilera murrizteko distantzia laburreko hegaldietan: aireko bidaien proportzio handi bat gaueko trenekin eraginkortasunez bete daitezkeen ibilbideetan egiten da.
70 milioi bidaiarik erabiltzen dituzte urtero RZD errusiarraren gaueko trenak. Aldiz, badirudi gaueko trenen berpizkundea bere hastapenetan baino ez dagoela mendebaldeko Europan: ÖBB enpresa austriarrak sustatutako sare europarrak 1,5 milioi bidaiari daramatza urtean. SNCF frantsesak, berriz, 405.000 bidaiari baino ez zituen garraiatu gaueko trenetan 2019an. 2014an 1,18 milioi eta 2003an 4 milioi garraiatzera iritsi izan zen. Horrenbestez, badirudi gaueko trenen hazkunde-tartea eta hazkunde-potentziala garrantzitsua dela Europan.
Aixeindar enpresak haizea neurtzeko 82,5 metroko dorre meteorologikoa instalatua du 2023tik Analamendin. Dorrearen egonkortasuna eta segurtasuna bermatzeko, lurrera altzairuzko hainbat kablerekin ainguratu zuen enpresak. Arabako Mendiak Aske elkarteak salatu du hegaztiek... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Valle de Odieta enpresak eta bere filialak (HTN) urteak daramatzate instalazioak handitu nahian, administrazioa ezartzen ari den erregulazio guztien aurka. Epai judizial bati esker, abere kopurua gaur egun baimenduta dituzten hainbat adinetako 7.800 bururaino zabaltzea lortu... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Bilboko itsasadarraren bi aldeak ur azpitik lotu gura dituen tunela egiteko asmoa du Bizkaiko Foru Aldundiak, baina makroproiektuaren kalteak eta gastatuko den dirutza kritikatzen ditu Subflubiala Ez plataformak. Kanpaldia deitu dute asteburu honetarako, proiektua bertan behera... [+]
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ordura arte Nafarroako Gobernuak 477 milioi euro ordaindu beharko dizkio Abertis konpainiari, 2023an honek erosi baitzuen Autobidearen ustiaketaren emakida 110 milioi eurorengatik. Itzalpeko ordainketek urtero modu gogorrean baldintzatzen dituzte Nafarroako Gobernuaren... [+]
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.