Frantziako Eliza Katolikoak ondasunak salduko ditu pederastiaren biktimei kalte-ordainak emateko
Urrian kaleratutako txosten batek argitara atera zuen gutxienez 330.000 adin txikikok sexu erasoak jasan zituztela 1950etik 2020ra bitartean, Frantziako Eliza Katolikoari lotutako erakundeen baitan. Espainiako Eliza Katolikoak, ordea, ez du ikerketarik egingo pederastia kasuak atzemateko.
Frantziako Apezpikuen Batzordeak erabaki du elizgizonen pederastiaren biktimei kalte-ordain ekonomikoak ematea; horretarako “kalte-ordainen funts bat” irekiko du. Elizbarrutiko ondasun higiezinak eta higigarriak saltzeko asmoa dute, eta “nahikoa ez balitz” kredituak eskatuko dituztela jakinarazi dute. Ez dituzte erabiliko pertsona katolikoek elizari emandako dohaintzak. Eric de Moulins-Beaufort batzordeko presidenteak adierazi du eragindako minetik “libratu” nahi dutela indemnizazioen bidez: “Min handia egin da eta onartu egin behar da, horrela mina jasan dutenak nahiz gure Eliza askatzeko”.
Pederastia, sistemikoa
Urrian plazaratu zuen CIESA batzorde independenteak Frantziako Eliza Katolikoaren sexu erasoen inguruko ikerketa. Ondorioztatu zuten 1950. urtetik gutxienez 330.000 haur erasotu zituztela elizgizonek eta elizari lotutako pertsona laikoek, horietatik gutxienez 25 Baionako elizbarrutian. Txostenaren arabera, gutxienez apaizen %2 pederastak izan dira azken 70 urteetan. Gainera, dokumentuaren egileek salatu zuten elizak biktimekiko “axolagabetasun krudela” erakutsi zuela 2.000. hamarkadara arte. Eliza Katolikoari eskatu zioten “ardura onartzeko” eta “kalteak ordaintzeko”; apezpikuek orain eman dute erantzuna, astebetez bilduta egon ostean. Aitortu dute pederastia “sistemikoa” izan dela Elizan.
Aitzitik, Espainiako Eliza Katolikoa ikerketa orori itxita dago. Europako estatu gehienetan ari dira elizako pederastia kasuak ikertzen, Italian eta Espainian izan ezik. Espainiako Apezpikuen Batzordeak urrian jakinarazi zuen ez dutela asmorik sexu erasoak ikertzeko. Luis Arguello batzordeko presidenteak azaldu zuen azken urtean jasotako salaketak “gutxienekoak” izan direla. Halere, ez dute nahi inork iker dezan Espainiako Eliza Katolikoa: kanpoko ikerketa batzordeei ere ez diete utzi sarbiderik dokumentuetara.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Legorretako Udalak ostiralean jakinarazi du Patxi Ezkiaga idazle eta elizgizonari herrian egindako goraipamen guztiak kenduko dizkiola. Ezkiagak Marisol Zamorari umetan egindako sexu erasoak publiko egin ondoren hartu du erabakia udalak. Beste hiru emakumek ere salatu dituzte... [+]
Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]
Talde bortxaketa pairatu zuen Kanboko emakume batek, ekainaren 1a eta 2a arteko gauean. Emakumeari babesa adierazteko elkarretaratzea egin dute asteartean, 19:00etan, Kanboko herriko etxearen aurrean. Bertan indarkeria matxistari aski dela esatearekin batera, eraso orori... [+]